الموضوع: الالنترا تتفوق علي نفسها (المغامرة و المقامرة)

المشاركة الأصلية كتبت بواسطة baherhassan30

حمد لله على السلامة
قصة مشوقة جدااااااااااااااا
وفعلا وقت الاستعجال مش بيكون فيه تفكير .. ولازم تهور

بس ليا سؤال
الكيك داون بيشتغل ازاي ؟؟

الله يسلمك ..

الكيك داون : أنك تدوس علي دواسة البنزين للاخر و بشكل مفاجئ و ده طبعا في العربيات الاوتوماتيك

اللي بيحصل أن عدد لفات الموتور بيرتفع و ممكن يوصل الي منطقة قريبة جدا من الريد زون لأن الفتيس بيسقط نقلة أو نقلتين علي حسب عدد سرعاته , و تلاقي سرعة العربية زادت طبعا و لكن بتعتمد هذه السرعة و هذه الاستجابة علي اداء المحرك و قوته و حالته و عوامل أخري

لكن لو دوست علي الدواسة للاخر بشكل تدريجي لن تحصل علي النتيجة المطلوبة

طبعا فيه حل أخر في السيارات الاوتوماتيك و لكنه خطر و هو تسقيط نقلة
يعني تكون ماشي مثلا 120 كم/س و الفتيس علي الوضع d و تنقله علي الوضع d3 مثلا
هايعمل نفس النتيجة اللي بتأخدها من الكيك داون و لكن ..

قد تعرض الموتور للخطر لو لم تكن ملاحظ لعدادات السرعة و خاصة عدد لفات المحرك


أما من حيث سؤالك علي مدي خطورة ذلك علي المحرك أو الفتيس :
ليس فيه أدني خطورة لأن السيارات الاوتوماتيك مصممة علي ذلك و فيها نظام حماية بيعمل علي تجنب الدخول في الريد زون

و في الالنترا md النظام ده فعال بشكل يخنق و أستحالة أنك تدخل منطقة الريد زون أو تتخطي حتي ال 6000 لفة / دقيقة

و في بعض موديلات السيارات زي التويوتا كورولا أو الياريس , عند القيام بالكيك داون و زيادة الحمل بشكل مفاجئ علي المحرك بيحدث فصل للاحمال الاخري زي التكييف بشكل أوتوماتيكي و لحظي

و لو فكرت تسقط نقلة في الياريس مثلا و انت علي سرعة عالية 140 كم/س مثلا عدد اللفات بيقترب من الريد زون و بعد كده المحرك بيتوقف عن الاستجابة لضغطك علي الدواسة لحد ما السرعة تنزل تاني و يبدأ بعد كده في الاستجابة لطلبك و ده نظام حماية أخر ضد سائق متهور و أحمق قد لايلاحظ عداد السرعة اثناء القيام بهذه الحركة سواء عن قصد أو غير قصد