مشكلة خايف انها تدمر حياتي !

**Deshahcoka** · 17-07-2013 02:00 AM

المشاركة الأصلية كتبت بواسطة ganash

بلاش الحل ده دلوقت لان هوه بيقول صايعه يعنى ممكن تعمله مشكله او تزق ناس عليه.
من رأيى صارح مراتك لما تعرف منك احسن لما تعرف من وراك وتبتدى تشك فيك الست التانيه دى عملت كده علشان عارفه انك اتجوزت هيه فكرت لما تعمل كده انت هتديها فلوس لو كلمتك كلمها بقلب جامد حسسها انك مش خايف منها وهيه بعد فتره هتنساك

فعلا انا صارحت مراتي لكن هيا حاستها زعلانة و قالتلي انا مش متخيلة واحدة تانية متصورة معاك غيري و بتاع بس انا مش زعلانة منك بالعكس كويس انك قلتلي و مش خبيت عليا حاجة و بتاع و الكلام ده بس انا حاسس بالذنب و حاسسها من جوها زعلت

قالتلي اشوف الصورة قلتها سيبك مش لازم ديه عادية يعني و متشواش تشغلي دماغك بيها و ديه لما كنت لسه صغير من 4 سنين و ملامحي حاجة تانية هههههههه قالتلي مممم بس مش عارف :(

ديه حاجة بئية فعلا انا ممكن اهددها و افضحها بس الموضوع ممكن يوسع اذا كان هيا من غير حاجة و حبت تصيع عليا انا مش موضوع خوف منها بس انا مش ناقص مشاكل و شوشرة و الناس ديه فاضية مورهاش حاجة غير هد بيوت الناس :(

**Ahmed A Rahman** · 17-07-2013 02:54 AM

كنت لسه حدخل اقولك بلاش توريها صورتك معاها حتى الصور العادية

الستات بيبقى عندهم هارد ديسك في دماغهم معمول للحاجات دي
الصورة اللي مراتك شافتها ملهاش اوبشن ديليت انتهى الموضوع وحتتحفر في صورة المدام للابد
حتفكر فيها طول ما هي صاحية و حتجيلها كمان في الحلم

واوعى يوزك الشيطان انك توريها صورة من الوحشين عشان تثبت لها انها كانت وحشة !
صدقني مراتك مصدقة لان اي واحدة كانت مع جوزها بتبقى وحشة

**A.Saad** · 17-07-2013 11:45 AM

ما تتصلش بالبنت
ده افضل مع الاشكال دى

ولو هتتصل
يبقى مراتك تبقى عارفة
بس طبعا هتقولك انت لسه شايل الصور ليه

او تدى الصور والتليفون لحد تانى غيرك وهو يعرف يلاعبها بيهم

**SAMEH_FOUAD** · 17-07-2013 12:56 PM

نصيحة منى اوعى تعرفها ان الصور دية عندك اصلا , دة ممكن تعملك مصيبة اكتر وخصوصا انك بتقول انها انسانة مش محترمة

معلش انا شايف الموضوع مش صعب وخصوصا ان على حسب كلامك ان علاقتك بيها لم تصل الى اتجاة حرمانى , فانت خايف من اية , هو انت بس اللى عرفت بنات , ماكلنا عارفين وعرفنا بنات , وفية مننا اللى حب وماكملش وبعد كدة اتجوز واحد تانية خالص , بس طالما الاطار كلة فى حدود الادب والاخلاق , ماتخافش من حاجة

معلش انا بقى هقولك على حاجات اوعى تعملها عشان ماتحولش الموضوع من لاشىء الا شىء كبير

1- اوعى تتصل بيها او حتى تبعتلها رسالة واحدة سواء موبايل او face او mail , اى خطوة منك فى الرد دليل عليك + دليل على ضعف موقفك , وساعتها فعلا هتهددك بجد لانك بتكلمها وانت متجوز

2- ولا تعرفها ابدا ان عندك صور ليها , خصوصا لما تكون واحدة زى دية وعارفة ان فى ايدك صور بالمنظر دة ليها ساعتها ممكن تعمل اى حاجة عشان تجيبهم وانت ماتعرفش الاشكال دية بتفكر ازاى

3- انت خايف لية تقول لمراتك ؟؟؟ هو الموضوع فية حاجة حرام عشان تتكسف تقولها , واحد وكان يعرف واحدة بس فى حدود المسموح وتأكد تماما ( طالما الست دية ماكنتش تعرفها مع وجود زوجتك فى حياتك ) يبقى انت فى ال safe side , مافيش مشكلة اللى بيدمر الست بجد ان جوزها يكون بيعرف واحدة وكمان بالمنظر والاخلاق دية وهية فى حياتة سواء بقى خطيبتة او زوجتة

عيش حياتك عادى ياباشا , وماتردش عليها ولا تعبرها , وسيبك من خالك دة تماما وماتعرفوش حاجة عنك

والبت دية لو اتصلت بيك تانى او حاولت الاتصال , ابقى قول لزوجتك بطريقة مضحكة او هينة

يعنى تصدقى فية واحدة كنت اعرفها زماان ومعرفش بتحاول تكلمنى تانى لية , انا قطعت علاقتى بيها من قبل مااعرفك اصلا , وبالراحة وبالهدوء كل حاجة بتتحل

وان شاء الله ربنا يقدم مافية الخير ويبعدها عنك

**AhMeD MeTwAlY** · 17-07-2013 03:42 PM

من ناحية المدام مقدرش افيدك لاني مش متجوز
انما من ناحية البنت دي حاجه بسيطه جدا
هتعمل صفحه علي الفيس وتقولها انا عارفك وعارف كل حاجه عنك وتبعت ليها الصور بس مش كلها شوية يكونو كويسين وقولها في كمان فيديوهات انا عايز فلوس عشان مش انشر الصور وسبها عشان مش يبق الموضوع واكيد هي عارفه المواقع الي مش مظبوطه الحمد لله الشعب المصري واخد البرونزيه في الفرجه
موضوع الفلوس دا عشان متفكرش فيك خالص والصور دي
تخفيها تعملها جوه ملف مضغوط ببسورد انت عارفه عشان محدش يفتحها وينقلها

**أبو_يوسف** · 18-07-2013 12:43 PM

رأيي انك تخلص النية مع الله وتتخلص من صورها القديمة اللي عندك اصلا..
انت محتفظ بيهم ليه لحد دلوقتي؟
تخلص من الصور ومن كل حاجة وربنا هايخلصك من كل شر..