الموضوع: البطارية ماتت واشتريت بطارية varta ومشكلة رعش العربية مع النور

المشاركة الأصلية كتبت بواسطة المنسي

طيب ليه مجبتش اعلى من 55 امبير وخصوصاعندك انذار وسنتر واكيد فى حاجات تانية وحتة رعشة النور دى محتمل فعلا يكون الدينامو مش بيشحن كويس وهو اللى طير لك البطارية خلى بالك فحاول تقيس الشحن بتاعه

+1
انا شاكك برضه في الدينامو. يستحسن تكشف عليه و تقيس الشحن بتاعه في اقرب وقت.

المشاركة الأصلية كتبت بواسطة mohammad isdf

السلام عليكم ورحمة الله وبركاته

ازيكم يا سيتاوية

البطارية كانت بتموت وبقالها فترة بتفضى شحن بسرعة، المهم جيت ادور البطارية مش قادرة تقوم العربية.. طبعاً الزملاء زقونى وقامت فقررت اشترى بطارية جديدة وبالفعل ، ربنا وفقنى وعديت على ممدوح غطاطى فاتح جنب بوابة نادى الترسانه جنب المحور بالظبط بالمهندسين

خد القديمة وادانى بطارية فارتا 55 أمبير ألمانى، ودفعت 420 جنيه بضمان سنة مع زيارة شهرية لعمل فحص للبطارية .. والمعاملة هناك متميزة.

لكن الغريب واللى عايز رأيكم فيه .. انه بيقولى ان الدينمو بتاعى 35 أمبير .. !! وهو الأصلى بتاع العربية ؟؟

وده ربما يكون مسببلى مشكلة ان لما بفتح نور الفوانيس الـــ rpm لو على 9.5 بينزل ل7 أو 7.5 والعربية ترعش واحس بصداع وانا جواها..

يا ترى رأيكم ايه فى موضوع رعشة النور دى .. انا عندى سنتر وازاز كهرباء امامى وتكييف ومش بشغل التكييف أنا روحت لكهربائى مش متخصص ابيزا وقالى ان ده ممكن يبقى دينمو وواحد تانى قالى على كهربا الماتور ( تقريبا يقصد الكاربيراتير ) لكن تعلية الماتور هيستهلك بنزين كتير وان كان بيقضى ع المشكلة تقريباً !!

الخلاصة رعش فى النور ولما تزود بنزين النور يزيد يبقى شربون الدينامو عايز يتغير او اسمها الفحمات وديه بتبقى حتتين على عامود الدينامو من الداخل ممكن تلاقيهم خلصوه او جمب عالى وجمب واطى ديه اول حاجة تفك الدينامو وتبص عليها لو لقيتها سلمية يبقى خرج الينامو 35 امبير شوية اوى وضعيف مابيديش للبطارية شحن كويس

شكرا ليكم على الردود المحترمة

اولا: البطارية مش نسر ، هى المانى فقط
ثانيا: كشف ع الدينمو وقالى مفيهوش حاجه ومش مبروك غطاطى بس ده كذا واحد
ثالثا: انا شاكك فى موضوع الشربون ده ممكن نكشف عليه
رابعا: انا مش عندى انذار ومسألة انى اجيب بطارية أكبر من كده كمان اعتقد ان ملهاش فايده لأن هدفها اصلا تقوم العربية وبعد ما العربية بتقوم بيبقى الشغل ع الدينموا ده على حد علمى، بالإضافة ان الدينمو 35 فالفرق هيبقى كبير تقريباً.

ازاي يا فندم قالوا لحضرتك انهم كشفوا علي الدينامو بدون ما يبصوا علي الشربون ¿ اومال كشفوا علي ايه فيه و ايه اخبار الشحن بتاعه¿