السلام عليكم

من عربيته الجديده يتحدث اليكم احمد عبد السلام ويتمنى لكم مشاهده ممتعه

للتذكير بس انا كان معايا ابيزا 94 وغيرت جبت هوندا اكورد 90 الابيزا كانت apq 8 فالف انجيكشن 1400 لكن الهوندا 2200 16 فالف وكربراتير
الموتور فى اصله كان انجيكشن وكان جى اصلا راكب عليه وحده الانجيكشن بس العبقرى المتميز اللى هو الميكانيكى لما لقى ان الموتور جى من غير الكنترول يونيت راح قاله نركب الكربراتير القديم بتاع المكنه ال1800 اللى هى كانت راكبه الاول ونلغى الانجيكشن ونريح دماغنا من قرفه واخدلى بالك انت
المهم انا اشتريت العربيه بعد ما اتعمل معاها السليمه واخدت معاها فوق البيعه المانفولد الانجيكشن بدون البوابه بدون الرشاشات شامل الضفيره بتاعه الانجيشكن فقط وكمان اخدت الموتور القديم ال1800 بس مكسور من البلوك واخدت فتيس اوتوماتيك فوق البيعه كمان بس الفتيس سليم
المهم الكربراتير معقد جدا تقريبا فيه اكتر من 10 خراطيم وحساسات و3 فيش كهربا وانا ميح فى الكربراتير خالص فكانت اول محاولاتى انى غيرت الجوان اللى تحت الكربراتير لانه مكنشى موجود وكان معمول سيليكون حرارى كفته يعنى العربيه ظبطت فى السحب وبدات تخرج قوه الموتور فى الجرى بس بتستهلك بنزين كتير وكمان الاربى ام عالى ولو وطيت العربيه بتبطل لما تكون بارده
السؤال بقى
1- هل الكربراتير ده الاقى حد متمكن منه بحيث انه يشغله مظبوط وابقى استفدت انى احط بنزين 80 واوفر فى البنزين (دى افضل طموحاتى فى الظروف الحاليه)
2- اسيبنى من الكربراتير وادور على الحاجات اللى ناقصانى فى الانجيكشن واشغلها على اصلها
3- امشى بيها كده وادينى بحط بنزين 80 لحد ما ربنا يكرمنى واشترى مجموعه الانجيكشن كامله على بعض (البوابه بالمانفولد بالرشاشات بالضفيره بالكنترول)
4- يعنى ايه سولونويد الفتيس وايه الفرق بين 2 سولونيد و4 سولونيد (الفتيس الاوتوماتيك)
4- الردياتير عندى على مروحتين كل مروحه واصله على حاجه شبه المكثف كده واخده 4 اطراف دى وظيفتها ايه وايه اضرار انها تتلغى لانها عندى معمولها باى باص والمروحه شغاله دايركت (ايهاب منصور )

ويارب دايما ما يحرمنى منكم ابدا :)