الحقيقة فيه ناس من الشرطة محترمين حقيقي و مبيتأخروش

صاحبي قبل كدة برضه كان ماشي علي رجليه ناحية دار الفؤاد في أكتوبر و ناس طلعوا عليه ضربوه و خدوا فلوسه و موبايله كلمني و جيتله و جري بالعربية علي القسم .. في خمس دقايق كان معانا اتنين ضباط و قالولي سيب العربية هنا و طلعنا في ميكروباص مدني نعمل مسح للمنطقة دي يمكن نلاقي الناس دي و طلع أمر بعمل كمين عند ميدان جهينة و تحت الكوبري اللي كان بيقف عنده كمين الرادار عالمحور زمان .. و صحيح ملقيناش الناس دول و مفيش حاجة رجعت بس الواحد حس إن لسة فيه ناس محترمة

و كل ده من غير ما نكلم حد يوصي علينا ولا حاجة

الروتين كله بقي كان اما رجعنا و قال يعمل بدل فاقد للبطاقة !! يا لهوي !! و في نفس القسم