معلش ربنا يعوض عليك و الحمد لله انك بخير
واحد صحبى لسه مغير بريبيز امامي ب 2000 للوجان فى التوكيل
رقم العضوية : 104761
تاريخ التسجيل : 22Jun2011
المشاركات : 514
النوع : ذكر
الاقامة : Alexandria, Egypt
السيارة: Aveo A/T 2012
السيارة[2]: Sandero A/T 2013
دراجة بخارية: None
الحالة :
السلام عليكم..
الحمد لله يوم الثلاثاء علت حادثة بسيطة ع الكورنيش (اسكندرية). وانا داخل علي سيدي جابر واحد معاه كورولا طالع من الدوران العكسي وشكله لمح بنزينة التعاون أو كان مزاجه يكسر الله أعلم..
المهم انه دخل يمين من غير ما يبص وانا للأسف جاي من ورا بسرعة حوالي 70 ومافيش غير حل من اتنين.. يا أخيش فيه يا آخد غرزة بسرعة وزي ما تيجي..
مع ان نفسي اني كنت أخيش فيه جدا عشان يدوق من اللي حادوقه بس ربنا ألهمني انها لو جت ف عجلة ولا أي حاجة أرحم ما تدخل ف الدواخل وممكن ريدياتير وموتور وخلافه.
للأسف الغرزة ماكنتش متاحة لأن فيه عربية علي يميني وباقي الرصيف (بتاع الدوران) علي شمالي فا ضربت فرامل علي ما الرصيف يخلص ومالحقتش أرفع رجلي من ع الفرامل وانا باخد الغرزة..
وكعادة كاوتش اللوجان والسانديرو النضيف جدا العربية زحفت مع الدوران ومش بترد (ماليش غير حارة واحدة قبل الجزيرة) بس لحقت ألم شوية (برضه الحق يقال جاب معايا حبة) قبل الجزيرة والضربة كانت علي سرعة حوالي 30 ل 35كم/س وجت في طرف الاكصدام (الاكصدام أثبت كقاءة انه امتص الصدمة وماتكسرش مافيش غير حتة من تحت اتكحت منها الدهان) بالاضافة للعجلة الأمامية شمال اللي اتبهدلت بصراحة..
ملحوظة: سائق الكورولا كمل ولا كأنه عمل مصيبة من شوية.. حسبي الله ونعم الوكيل
ملحوظة 2: لولا كنت حاطط حزام الأمان كان زماني لابس في الزجاج الأمامي لأن الصدمة رفعت العربية لفوق وهبدتها!
المهم انا نزلت أبص لقيت العجلة قالبة بزاوية 20 ل 25 درجة ورادة علي ورا.. والله وقتها قعدت ع الجزيرة وقلت الشاسيه اتلوح وربنا يعوض عليا في العربية والحمد لله اني طلعت سليم..
كلمت ونش جه رفع العربية وع التوكيل.. توكيل العامرية استقبلني بصراحة أوسخ استقبال (علي ما يبدو ان توكيل رينو كل فروعه كدة) طلع مهندس بص بقرف كدة
هو: تدفع 500 جنيه وتسيب العربية وحانعمل مقايسة ونبعتلك بكرة..
أنا: أنا مستعجل
هو: احنا داخلين علي استراحة وبعدها مش حانشتغل غير ساعتين..
أنا: ساعتين مش كفاية تكشفوا علي عجلة وعفشة؟ أمال بتطلعو تقرير كامل بعربية ف نص ساعة ازاي؟ هو: هي زحمة ومش حاينفع..
أنا: طب حاتبقي المقايسة حدودها كام؟
هو: ماعرفش!! بس لو ماوفقتش ع المقايسة تضيع ال500 جنيه..
طبعا كل شوية يسيبني ويمشي ولازم أدور عليه وحاجة آخر قرف!! قلت بلاها توكيل كدة كدة العفشة بتطلع م الضمان بدري!
مانزلتش حتي العربية من ع الونش ركبته وطلعت ع الشلالات رحت هناك علي البربري كذا واحد قالي عليه ماشاء الله وعنده تخلص كل حاجة مش حاتلف.. آخد بالضبط 3 دقائق وطلعلي تقرير كامل:
الحمد لله الدواخل سليمة (كنت حاسس بكدة لأن العربية ماطلعتش ع الرصيف نفسه خبطت وردت)
والخسائر كالتالي (حاحط جنبها الأسعار اللي جبتها بيها)
1- مقص أمامي شمال : 550 جنيه أصلي
2- مساعد أمامي شمال : 250 جنيه أصلي
3- شمعدان : 1100 جنيه أصلي
4- طبلية (أو قاعدة) عفشة أمامي : 1800 جنيه نوع كوري بس نضيف وسألت عليه كذا عفشجي والسمكري اللي بتعامل معاه.
5- عدد 2 مسمار ستابليزر (كانو اتنوا وأعتقد الاستابليزر كان أحد أسباب ان العربية لمت شوية قبل الخبطة) 110 جنيه
6- لمبة فوج شمال: 30 جنيه
طبعا جبت كله جديد وأصلي ماستعدلتش حاجة ولا رديت لا ع البارد ولا السخن..
المصنعيات بعد الفصال:
1- ميكانيكا وتركيبات 700 جنيه
2- شد الشاسيه وضبط زوايا وكهربا وحبة حاجات + ضبط اكصدام أمامي ولحام أماكن للكليبسات مكان اللي اتكسرت واعادة تركيب وكدة: 500
3- اصلاح جنط وترصيص : 50
4- قهوة 100
المجموع 5190 نقول 5200
الونش أخد 400 بالقهوة ذهاب للعامرية ورجوع تاني للأزاريطة طبعا استغلال للوقت ومنظر العربية بس الحمد لله.
استلمت العربية تاني يوم بعد الفطار علي طول الحمد لله ويمكن لأن الشغل كان بيخلص بسرعة اتأكدت ان العربية ماكنش فيها حاجة تقلق الواحد وجربتها يوم الخميس علي الدولي العربية ماشاء الله زي الأول.
المجموع كله 5600 جنيه..
طبعا العربية مش مؤمن عليها بس انا الي حد ما مش مؤمن بموضوع التأمين ودي أول حاجة تحصلي من فوق السنتين سواقة.. الحمد لله
المهم ان العربية مصاريفها حراقة جدا حاسس اني راكب اوكتافيا.. والأهم اني عرفت ناس نضيفة أتعامل معاهم ف الرينو لو التوكيل كان (كالعادة) بالطريقة الزبالة بتاعته..
بالمناسبة حد يعرف التوكيل كان حايطلب كام؟ ولو عاوز أبيع العربية في المستقبل ان شاء الله (لازم أرسي اللي حايشتري ع اللي حصل وعندي كتالوج كاتب فيه كل خربوشة ف العربية بتاريخها) حاتأثر جامد ف السعر؟
رقم العضوية : 36417
تاريخ التسجيل : 23Mar2009
المشاركات : 1,008
النوع : ذكر
الاقامة : اسكندريه
السيارة: سزوكى ماروتى
السيارة[2]: فيات جراند بونتو بوب
دراجة بخارية: honda nt650v
الحالة :
معلش ربنا يعوض عليك و الحمد لله انك بخير
واحد صحبى لسه مغير بريبيز امامي ب 2000 للوجان فى التوكيل
رقم العضوية : 22704
تاريخ التسجيل : 20Oct2008
المشاركات : 6,911
النوع : ذكر
الاقامة : Alexandria-Sidi Bishr
السيارة: ربنا يسهل
السيارة[2]: Daweoo Lanos 1 model 99
دراجة بخارية: لا
الحالة :
الف سلامة عليك وربنا ينتقم من الحيوان اللي عدي مره واحده وقبل كده برده عن قناة السويس راجل كبير عدي الكورنيش بشاهين عمودي علي الطريق وكان هيلبس الدنيا كلها في بعضها ووقف وجه قدامي وبيزعلقلي كمان هههههههه
عموما اللوجات معروفه ان قطع غيارها اغلي من مثيلاتها اللانوس والفيرنا واعتقد لو 5600 بره التوكيل يبقي جوه التوكيل مش اقل من 10000
رقم العضوية : 62526
تاريخ التسجيل : 17Feb2010
المشاركات : 141
النوع : ذكر
الاقامة : Alexandria
السيارة: Logan A/T 2013
السيارة[2]: Fiat Tempra 1.6 93
دراجة بخارية: مفيش
الحالة :
الف سلامة عليك و الحمد لله انها جت على قد كده و انها جت في الحديد.
هو البربري ده مكانه فين؟ و هل بيبيع قطع غيار ولا صيانة بس؟
رقم العضوية : 73910
تاريخ التسجيل : 26Jun2010
المشاركات : 133
النوع : ذكر
الاقامة : alexandria
السيارة: not yet
السيارة[2]: Logan F/O 2011
دراجة بخارية: lol
الحالة :
رقم العضوية : 124184
تاريخ التسجيل : 05May2012
المشاركات : 41
النوع : ذكر
الاقامة : الاسكندرية
السيارة: لوجان
السيارة[2]: تويوتا كورولا
دراجة بخارية: b
الحالة :
حمدلله عاى السلامة
رقم العضوية : 28460
تاريخ التسجيل : 25Dec2008
المشاركات : 5,505
النوع : ذكر
الاقامة : Nasr City
السيارة: Logan 2010/Astra Cosmo 2015
السيارة[2]: Logan 2012 AT B.L
دراجة بخارية: N/A
الحالة :
حمد الله على سلامتك يا باشا و فداك فلوس الدنيا كلها
انا مش عارف التوكيل الاستقبال كالن كدة ازاي و من حقك تتصل ب16202 و تقدم شكوى في استقبال المهندس ده و ان شاء الله تاخد حقك
اما بالنسبة للاسعار غالية ليه لأنك جبت الحاجة الاصلي بتاعتها و ده افضل شئ و زي مانت قلت العربية رجعت زي الاول بدون اي اختلاف
يجب تعديل حجم الصورة
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
ربنا يعوضك خير
رقم العضوية : 81989
تاريخ التسجيل : 05Oct2010
المشاركات : 3,826
النوع : ذكر
الاقامة : 7adayek el ahram
السيارة: ----------------------
السيارة[2]: ----------------------
دراجة بخارية: لا
الحالة :
قدر الله ماشاء فعل
[img2]http://nileup.com/up/uploads/nilemotors_13649876441.jpg[/img2]
رقم العضوية : 60618
تاريخ التسجيل : 01Feb2010
المشاركات : 5,992
النوع : ذكر
الاقامة : Cairo
السيارة: Renault Duster E2
السيارة[2]: Nissan Sunny EX 2010 Auto
دراجة بخارية: No
الحالة :
قدر الله و ما شاء فعل و ربنا يعوض علي حضرتك. بصراحه التوكيل محتاج يزود عدد الفروع او حتي يشتغل فترتين لان الدنيا بتبقي علي طول زحمه و مش ملاحقين حتي موضوع الحجز ده ملوش لزمه قوي فالموضوع في الاخر بيتوقف علي مهندس الاستقبال و هيستلم منك العربيه أمتي و كويس ان حضرتك جبت قطع غيار اصليه يعني ان شاء الله مش هيفرق عن التوكيل بل بالعكس ممكن يبقي احسن علي اساس ان الصنايعيه كويسين و ليس عليهم الضغط اللي علي بتوع التوكيل و اللي بيجيب لهم حاله التناحه ألمركزه دي اللي حضرتك شفتها
المفضلات