الموضوع: اجيب بولو ولا لاء

البولو عربية جميلة جداً وزي ما قال المهندس طارق :

عربيه محترمه للغايه واقتصاديه جدا فى كل حاجه بنزين وقطع غيار

نزلت مصر عام 93 بمحرك 1300 سي سي كاربراتير مكيفة وباور
ونزل عام 97 بمحرك 1000 سي سي انجيكشن مكيفة
قطع غيارها موجودة جداً ومتوفرة جداً وباسعار عادية مش غالية اوي
وميزة قطع غيارها انها بتشترك مع الأبيزا (94-99) في كثير من قطع الغيار ومع الجولف (92-2000) في بعض قطع الغيار

وانت بتشتري خلي بالك كويس من بعض الأشياء
1- لو انيجكشن تكشف عليها كمبيوتر وتتأكد انها مش مسجلة اي اعطال
2- العفشة
3- دورانات الأبواب وقوايم الزجاج الأمامي علشان بتربي بارومة في الحتت دي
4- الصالون والتابلوه لأن الكونسول الأوسط بيتكسر بسهولة

لو لقيت حالة بيتوفر فيها ما سبق توكل علي الله
العربية بجد محترمة اوي وموفرة اوي ومتطورة اوي

تحياتي