الموضوع: رابطة ملاك ال301

السلام عليكم ... الاصدقاء الاعزاء
اولا ... مبروك لكل من استلم وعقبال للى حاجز
ثانيا .. انا رايح اعمل صيانة ال 2500 فى القاهرة وحجزت فى مركز خدمة غمرة لانى قريت هنا فى الجروب اعضاء بتشكر فى المركز ده بالذات
وبالمره قولت اشوف موضوع الفرش .. محتاج نصيحة الزملاء هل اشترى جاهز ولا تفصيل وياريت لو حد عنده خبرة ودراية فى موضوع التفصيل من ناحية الاسعار الحنينه واماكن الناس اللى بتفصل
فى انتظار الرد ... ومبروووووووك للجميع الاسد الفرنسى

مبروك يا جماعه وادعوا لى الحقكم ان شاء الله - انا حيران بين المانيوال والبيزلاين الاوتوماتيك ولسه محددتش اشتريها منين وهقسط ان شاء الله لكن هدفع فوق ال ٥٠٪ من سعرها ومحتار اجيبها منين افضل - ان شاء الله ربنا ييسر الحال.. وحابب اشكركم جدا استفدت من المنتدى جدا، انا كنت اعجبت بالبيجو٣٠١ من اول وهله وبصراحه كل ما اقرأ عنها احس انها هى دى افضل خيار ان شاء الله بس بعد اذنكم ليا سؤال لو حبيت اضيف حاجه من الاوبشانز بتاعه الهاى لاين فى المستقبل هينفع ولا فى حاجات منها مينفعش تتضاف؟ شكرا مره تانيه ومبروك لكل اللى جابها واللى هيجيبها ان شاء الله

المشاركة الأصلية كتبت بواسطة ismail mohie

مبروك يا جماعه وادعوا لى الحقكم ان شاء الله - انا حيران بين المانيوال والبيزلاين الاوتوماتيك ولسه محددتش اشتريها منين وهقسط ان شاء الله لكن هدفع فوق ال ٥٠٪ من سعرها ومحتار اجيبها منين افضل - ان شاء الله ربنا ييسر الحال.. وحابب اشكركم جدا استفدت من المنتدى جدا، انا كنت اعجبت بالبيجو٣٠١ من اول وهله وبصراحه كل ما اقرأ عنها احس انها هى دى افضل خيار ان شاء الله بس بعد اذنكم ليا سؤال لو حبيت اضيف حاجه من الاوبشانز بتاعه الهاى لاين فى المستقبل هينفع ولا فى حاجات منها مينفعش تتضاف؟ شكرا مره تانيه ومبروك لكل اللى جابها واللى هيجيبها ان شاء الله

لو نفسك في اوبشن الهايلاين يبقى بيتهيألى تجيبها هايلاين من دلوقتى افضل خصوصا الـ 12 الف فرق اقل بكتير من فرق تركيب الزيادات لوحدها ( اللى مش كلها ينفع تركب اصلا )
كفاية الجنوط والمرايات الكهربا والبارك سنسور والكاسيت والسماعات والبلوتوث

اما بالنسبة بيزلاين ولا مانيوال دى حاجة ترجعلك ، بالنسبة لى كنت شايف 16 الف فرق كبير عشان الفتيس الاوتوماتيك + مش مطمن لاوتوماتيك البيجو + بحب المانيوال اصلا عشان كدة جبت المانيوال وانا مقتنع بيها

ففكر كويس ، لو حضرتك مشوارك اليومي دايما كله زحمة داخل القاهرة وتوقفات كتير يبقى خليك في الاوتوماتيك افضل الا بقى لو غاوى المانيوال فعلا بعيدا عن سعر العربية

بس رأيي اانا طالما كدة كدة هتجيب قسط ونفسك في الاوبشنز يبقى توكل على الله وهات الهايلاين وان شاء الله مش هتندم

السلام عليكم
حبيت بس اعرف الاصدقاء عن يوم فى مركز صيانة غمرة لصيانة ال 2500
الحمد الله وصلت المكان بعد عناء ركنت العربية واستنيت لحد ما جية المهندس وعمل اوردر الصيانة وطلبت منه يشيك على السوفت وير وكتب ده فى الاوردر وسألنى عن ملاحظات او شكوى جه الفنى واخد العربية ودخل بيها
لمكان الفحص والمهندس طلب الانتظار فى الاستراحة ولكن فضول العملاء وانا منهم بيخليك تقف تشوف بيعملوا ايه فى عربيتك ... بس الملاحظه الكويسه ان تقريبا المركز كان اغلب العربيات اللى فيه 301 تقربيا 8 أو 9 عربيات لا ما شاء الله العربية فى تزايد مستمر ... المهم رفعوا العربية كما فى الصورة وتم التشييك على المسامير وبعد كده شاف الزيت ونظف الماتور بالهواء بس ... بعد كده تم غسل العربية من الخارج ( حاجة على الماشى كده) .. نسيت موضوع السوفت وير مهندس المسئول شايل لاب فى شنطه وبيمر على العربيات .. حط اللاب توب على سقف العربية ومش عارف عمل ايه او بيوصل الاب توب بايه عشان يشييك على السوفت وير لانى شايفه من مسافة .. المهم بعد ما خلص سألته ايه الاخبار نزلتى ويندوز 7 ؟ قلى كله تمام مفيش اى error
واخيرا المهندس طلب الضمان ووقع فيه بما يفيد عمل الصيانة وختم مركز الصيانة
الملاحظ بعض البطء فى الاداء بس يمكن ده بسبب وجود عربيات كتير لدرجة ان فى ناس بتطلب عدم غسل السيارة بسبب طول الانتظار
الاستراحة نظيفة وممكن تطلب شاى او حاجه ساقعه بس على حسابك مش على حساب صاحب المحل ههه
تحياتى للجميع

المشاركة الأصلية كتبت بواسطة medori

مبروك الصيانة يا حسام و عقبال صيانة ال 250,000

ربنا يخليك وعقبال للجميع

مشاركة 538 :d

انا سعيد جدا بالمنتدى ده ومدى ايجابيته وكان أول مرة أعرفه لما كنت بستفسر عن الجيلي امجراند واستفدت جدا من المنتدى بشكل عام وأنا بعد بحث طووووووويل جدا حجزت بيجو 301 الحمدلله يوم ٢٠ يناير من فرع المهندسين وحجزت هايلاين ويارب استلم بسرعة .

المشاركة الأصلية كتبت بواسطة eslam.maghawry

مشاركة 538 :d

انا سعيد جدا بالمنتدى ده ومدى ايجابيته وكان أول مرة أعرفه لما كنت بستفسر عن الجيلي امجراند واستفدت جدا من المنتدى بشكل عام وأنا بعد بحث طووووووويل جدا حجزت بيجو 301 الحمدلله يوم ٢٠ يناير من فرع المهندسين وحجزت هايلاين ويارب استلم بسرعة .

مبرووك ... اختيار موفق ان شا الله وعقبال الاستلام