الموضوع: رابطة ملاك ال301

المشاركة الأصلية كتبت بواسطة medori

القسط بيعتمد على البنك و نسبة الفائدة عشان كدة بيختلف من مكان لمكان بناءا على البنوك اللى بيتعملوا معاها , اللى اعرفة فى الموضوع دة ان اقل فائدة بتبقى بنك المشرق فجرب تسالهم بيقسطوا معاه ولا لا


بالنسبة لموضوع التامين الشروط التامينية و التعويضات بتختلف من شركة للتانية و حسب نوع الوثيقة, لو تامين شامل مثلا بتدفع مبلغ اول السنة بيبقى نسبة من تمن العربية, فى حدود %3 الى 5% مثلا و لو عملت حادثة لا قدر الله بيصلحوا هما العربية لو ينفع تصليح او يعوضوك بتمنها او نسبة منة حسب شروط الوثيقة لو لا قدر الله كانت total loss و فى حالة السرقة بيبقى التعويض 75% من قيمة العربية

عامة فى منتدى فرعى هنا فى نايل موتورز اسمة منتدى التامين تقريبا فى المنتدى العام او حاجة زى كدة هتلاقى فية تفاصيل كتيرة اوى عن التامين

ميرسي جدا لذوقك واشكرك ع الرد

يا شباب ايه اخبار سماعات ال 301 و في فرق بين البيزلاين وال هاي لاين ؟؟؟

المشاركة الأصلية كتبت بواسطة sehs15

يا شباب ايه اخبار سماعات ال 301 و في فرق بين البيزلاين وال هاي لاين ؟؟؟

Generally, they are good to very good. The sound clarity is very good and voice distribution is good as well

There are 2 speakers for the base line and 4 for the high line

المشاركة الأصلية كتبت بواسطة medori

generally, they are good to very good. The sound clarity is very good and voice distribution is good as well

there are 2 speakers for the base line and 4 for the high line

شكرا يا باشا علي الافاده

المشاركة الأصلية كتبت بواسطة medori

يا جماعة عايزين نعمل موضوع يجمع كل ملاك ال301 عشان نعرف نوصل لبعض بسرعة لو فية استفسارات او لو حصل لحد مشاكل مع العربية لا قدر الله

هبدأ بنفسى طبعا

أحمد السيد / مهندس / 301 هاى لاين / silver / مستلم العربية من اسبوع بالضبط / طريقى المعتاد من جسر السويس للمعادى عن طريق الدائرى (تقريبا 45 كم رايح جاى)

مميزات العربية:

• سحب كويس،
• عفشة ناعمة،
• لسة مركزتش مع استهلاك البنزين بس انا فولت لما استلمتها و العداد دلوقتى عامل 350 كم تقريبا و لسة فية 1/4 التانك،
• صوت الموتور هادى و مش بسمعة جوا العربية قبل ال120 - 130 و لو مشغل الكاسيت مش هتحس بية قبل ال140-150،
• الفتيس ناعم فى الacceleration على طريق مفتوح لما تكون عايز سحب بسرعة و محمل علية،
• الشنطة واسعة و مساحة الارجل فى الكنبة كويسة جدا،
• قعدتها مريحة و دة احساس داخلى مش عارف تبع اية فى العربية بس لما ركبت العربية ارتحتلها غير الاسترا الجديدة اللى هى عربية رائعة بكل المقاييس بس قعدتها و قوايمها مكنتش مستريح فيهم مش عارف لية
• التكييف كويس بس عندى احساس انة محتاج فريون، و هو تكييف مانيوال متنكر فى شكل اوتوماتيك
• العربية شكلها شيك و فخم
  

عيوب العربية:

• الفتيس كعادة التيب ترونيك فى نتشة فى التانى لو طالع واحدة واحدة
• الفتيس برضة ساعات بيبقى فية سنة تردد او تاخير فى الاستجابة لما تفرمل عشان تهدى حاجة بسيطة و انت على 70-80 مثلا و بعدين تدوس تانى بحس ان العربية هنجت منى ثانية كدة و مبقتش عارفة تاخد انهى غيار و بعدين تجمع الغيار الصح و تشد
• الثبات بتاع العربية اكتر حاجة مضيقانى لحد دلوقتى، عشان بقارنها بالميجان اللى كانت معايا قبل كدة و اللى كانت عاملة زى الطوبة الصراحة، 180 و اخد مطب الهوا على الدائرى ولا كأن حاجة حصلت، المهم دلوقتى ال301 130-140 ببدء احس بعيوب الطريق فى الدركسيون و لو خدت مطب هوا او فاصل بحس بلبة كدة مش لطيفة فى العربية
• القزاز مفيهوش وحدات رفع، لازم تقفل القزاز كلة قبل ما تنزل، و دية حاجة مضيقانى عشان انا كنت متعود انزل من غير ما ابص اية المفتوح و اية المقفول و اقفل سنتر و امشى، دلوقتى ساعات بعد ما امشى ابص على العربية الاقى فية ازاز مفتوح

دة كل اللى فاكرة دلوقتى و لو فيى حاجة تانية افتكرتها هبقى ازودها إن شاء الله


فى انتظار المشاركات من باقى ملاك الجميلة ال301

متااااااااااابع

السلام عليكم ورحمة الله . موضوع جروب لملاك بيجو 301 ده موضوع ناجح جدا" ومن الممكن تناقل الخبرات والتجارب بين بعض . موفقون انشاء الله

المشاركة الأصلية كتبت بواسطة 3arbi4ever

انا العربية معايا بقالها شهرين بالظبط دلوقتي والحمد لله اصبحت راضي جداً عنها والتوكيل بتاعها في صيانة ال ٢٥٠٠ كانوا ممتازين جداً في تعاملهم معايا ومهتمين بالعربية جداً . انا عامل بالعربية ٧٠٠٠ كم ... العربية محتاج تفهمها بس عشان تعرف تتعامل مع الفتيس .. وده انا عرفته مع الوقت وفهمهوني برضه المهندس بتاع الصيانة في التوكيل وطلع جرب معايا بعد ما خلصنا ... تكييف العربية ميقلش عن تكييف الياباني وعلي مدار الشهرين مش بشغله غير علي ٢ . ثبات العربية ممتاز انا جبت بيها ١٨٠ علي طريق السويس وكانت ما شاء الله محستش بقلق خالص وفراملها كويسة جدااا .. صوت الموتور بيكون مسموع بعد ال١٣٠ بس صوته جميل .. وبالنسبة للفتيس مبقتش بحس بنتشة خالص وهو فعلا فتيس ذكي جدااااً بيتعامل حسب نوع سواقتك .. وتجميع الموتور واستجابته للسرعة جيد جدااااً ... وانا كنت عامل موضوع عن العربية وكنت حاطط صور للعربية .

ربنا يباركلك فى العربية ويبارك لكل المشترين . ولكن هناك ملحوظتين فى العربية واعتبرهم مهمين جدا" من وجهة نظرى 1 - ارتفاع خرطوم مياه الردياتير الموجود اسفل السيارة فى اوطى نقطة فى الردياتير قريب من الأسفلت وهذا يؤدى إلى خطورة علما" بأن المطبات فى مصر حدث ولاحرج .
2- عدم وجود مؤشر بالوحة العدادات لقياس الحرارة ليبين بصفة دائمة حالة الحرارةولكن يعمل فقط عند حدوث عطل لا قدر الله
أرجو الأفادة . وربنا يوفقكم جميعا"

متابع