الموضوع: مساعده فى تركيب كاسيت جديد

السلام عليكم ورحمة الله وبركاتة

طبعآ بعد الخنقه والقرف اللى بعانيهم كل ما اطلع مشوار بالعربيه من ردائه الكاسيت الحالى

صينى ب 140 جنيه وما تفهمش وشه من قفاه لدرجه انى وصلت معاه mp3 وزفت برضه

المهم انا جيبت كاسيت انضف شويه وهجربه وان شاء الله يطلع احسن كاسيت citisound 4500

انا حاليآ واقف بس على توصيل الفيشه بتاعت الباور الكاسيت المعفن الصينى كان مكتوب عليه طريقه التوصيل وكل سيلك رايح فين ده مش فاهم منه الا حاجات بسيطه وعايزكم معايا علشان ما ابوظهوش واضيع ال 400 جنيه على الارض :D

وماحدش يدينى رائيه فى الكاسيت سيبونى افرح بيه شويه حتى لو وحش هههههههههههههههههههههههه

المهم فيشة الباور فيها خمس اسلاك اسود وابيض واصفر وبرتقالى وموف

الكتالوج بيقول كالعاده الاسود ارضى black ground
والاصفر البطاريه yellow memory +
والابيض نور الشاشه white panel light
والابرتقالى الاريال الكهرباء orange power antenna
والموف acc (ign) لحد هنا عقلى وقف

دلوقتى الاسود هوديه للارضى والاصفر انا كنت واخد واحد من البطاريه على طول
ونور الشاشه هحطه مع سلك الكهرباء والانتنه مش هوصله والموف بقى ده بديل الاحمر مثلآ بيتحط برضه مع الكهرباء ؟ اللى هى عادى بعد الكونتاك ؟ مظبوط كده اوصل واتوكل على الله ولا فى حاجه ؟

وفى حاجه تانيه قريتها فى الكتالوج انهم بيقولو فى جلبه ههههههههههههههههه فى الكتالوج العربى بيقولك شيلها اللى هى الشاسيه الحديد اللى بيكون حوالين الكاسيت ده يتشال عادى ولا اسيبها وخلاص ؟

الكاسيت امكنياته حلوه يو اس بى وميمورى كارد وكبل صوت وcd وريموت وجربته لقيت صوته معقول وحلو وانا هوصله على اربع سماعات اتنين فى الباب واتنين ورا وهقلب الاتنين اللى ورا بعدين بأتنين بايونير 400 وات ان شاء الله لكن فى الخطه الخوماسيه القادمه بعد ما اغير الكاوتش واركب زجاج كهرباء :D

ياريت الله يباركلكم ما تتأخروش عليا علشان عايز انزل اركبه الصبح

قبل ما انسى حاجه كمان مخنوق منها اوى وهى ان الاخ اللى شارى منه العربيه كان حاطط اكوليزر وكاسيت وانا شيلت الاكوليزر لانه شكله عفش ومش كفائه انى اسيبه
ولما غيرت الكاسيت حطيت القديم تحت والجديد فوق ولما اجى اركب ده هسيب الاخير تحت وارمى القديم فى الزباله واخلى الجديد فوق

طب انا عايز كاسيت واحد بس مش عايز اسيب الكاسيت التانى تحت ومش عارف مكانه ممكن يتحط ايه

لو فى افكار او حاجه ينفع تتحط حامل كوبيات علبه فاضيه مكانه ايه الافكار والبدائيل واقدر اجيبها منين

وجزاكم الله كل خير

ارجو اغلاق الموضوع تم تركيب الكاسيت وشكرآ على المساعده