مشكلة هزةشديدة فالموتور عند تشغيل المكيف /النترا2007

**عبدالرحمن محمد** · 21-07-2013 07:01 AM

السلام عليكم ، انا مقيم ف السعودية ، اشتريت النترا مستعملة 2007 مانيوال 1600cc - ولا حظت هزة شديدة فى الماكنة عند تشغيل المكيف لما فحصتها كمبيوتر وانا بشتريها لم يظهر مشكلة فى الحساسات فا قولت يمكن الاهتزاز الشديد من كرسى ماتور بس بعد كدة اتضح انهم سلام (يمكن فحص الكمبيوتر كان مش دقيق) المهم طبعا كل ما اوديها لميكانيكى (باكستانى او مصرى) يفتى بحاجة شكل ، والصنايعية المهرة فى السعودية وبالذات المنطقة الغربيةقليلين جدا واسهل حاجة عنده (غير) تغير لك 4 او 5 قطع لغاية ما تلفق معاه وتظبط بالصدفة ... السؤال : هزة الماكنة الشديدة دى لما بشغل المكيف سببها ايه هل حساس الهوا والا حاجة تانية ، واللى يعرف ورشة ميكانيكى (بيفهم) فى جدة او مكة يدلنى وجازاه الله خير .

**khaledrezk** · 21-07-2013 11:20 AM

المشاركة الأصلية كتبت بواسطة عبدالرحمن محمد

السلام عليكم ، انا مقيم ف السعودية ، اشتريت النترا مستعملة 2007 مانيوال 1600cc - ولا حظت هزة شديدة فى الماكنة عند تشغيل المكيف لما فحصتها كمبيوتر وانا بشتريها لم يظهر مشكلة فى الحساسات فا قولت يمكن الاهتزاز الشديد من كرسى ماتور بس بعد كدة اتضح انهم سلام (يمكن فحص الكمبيوتر كان مش دقيق) المهم طبعا كل ما اوديها لميكانيكى (باكستانى او مصرى) يفتى بحاجة شكل ، والصنايعية المهرة فى السعودية وبالذات المنطقة الغربيةقليلين جدا واسهل حاجة عنده (غير) تغير لك 4 او 5 قطع لغاية ما تلفق معاه وتظبط بالصدفة ... السؤال : هزة الماكنة الشديدة دى لما بشغل المكيف سببها ايه هل حساس الهوا والا حاجة تانية ، واللى يعرف ورشة ميكانيكى (بيفهم) فى جدة او مكة يدلنى وجازاه الله خير .

السلام عليكم يا اخى كل عام وانت بخير
ان شاء الله مشكلة بسيطة
1- نظف بوابة الهواء جيداً
2- تنظيف بلف الايدل
3- عمل ايدل ليرن ( ريست لكومبيوتر السيارة )
4- اكشف على البوجيهات وتغيرهم اذا لذم الامر
وان شاء الله تختفى الرجة فى موتور السيارة وستجد ان صوت الموتور اهدأ من ذى قبل

**bassam nagy** · 21-07-2013 11:56 AM

فى الاغلب الفريون زيادة
الفريون لما بيبقى زيادة الموتور بيرج جامد

**hamaka** · 21-07-2013 12:18 PM

متابع

**عبدالرحمن محمد** · 26-07-2013 09:20 PM

أ. khaledrezk ، كل سنة وانت وكل المصريين بخير وربنا يدبر لمصر امر يعز فيه اهل طاعته ويهدى فيه اهل معصيته ، وشكرا على اهتمامك و ردك انت وكل من اهتم و رد على ... بس حبيت اسأل عن بعض حاجات عشان اعرف اوصل المعلومة ( للمش مهندس ) فى الورشة عشان يجرب ايه هو او ايه وظيفة (بلف الايدل ) و عمل ايدل ليرن ( ريست لكومبيوتر السيارة ) يعنى اعمل اعادة برمجة لكمبيوتر العربية ، و جازاك الله خير

**aldesha989** · 26-07-2013 10:42 PM

المشاركة الأصلية كتبت بواسطة khaledrezk

السلام عليكم يا اخى كل عام وانت بخير
ان شاء الله مشكلة بسيطة
1- نظف بوابة الهواء جيداً
2- تنظيف بلف الايدل
3- عمل ايدل ليرن ( ريست لكومبيوتر السيارة )
4- اكشف على البوجيهات وتغيرهم اذا لذم الامر
وان شاء الله تختفى الرجة فى موتور السيارة وستجد ان صوت الموتور اهدأ من ذى قبل

فعلآ البوجيهات عندى كانت مهببه وكانت العربيه كلها بتترج مع التكيف ولما غيرتها كل حاجه تمام الحمد لله