الأول كنت في القاهرة وروحت مركز ضبط الزوايا الموجود في بنزينة موبيل في آخر مترو النزهة - مساكن شيراتون ... أولا مقاسات العربية مش موجودة وحطها على تويوتا كرولا وقالي إن العربية محتاجة زراجين لأن عجلة فاتحة لبرة وعجلة تانية مأخرة لورا ... المهم ما عملتش فيها حاجة وسبتها.
بالصدفة النهارده لاقيت إعلان عن مركز اسمه مركز الغربية لضبط الزوايا في أول طريق بنها المنصورة ... المهم روحتله حط العربية بردو على مقاسات التويوتا كرولا بس الشكل الجديد وقالي إن العفشة الامامية والخلفية والمساعدين هي هي بتاعة الكرولا الجديدة.
بعد الكشف قالي إن فيه عيب صناعة في العربية وده اللي عامل فتح للعجل حرام إنو يعمل زراجين في عربية جديدة ... فأبسط الحلول حل العجلة اليمين وغير المسمار اللي فوق من المسمارين اللي ماسكين المساعد في الطنبورة بمسمار أقل في التخانة بـ 1 مم وضبط الزوايا النتيجة كانت إن العربية دلوقتي مظبوطة جداً والطارة كان فيها لوحة خفيفة جداً ناحية اليمين رجعت تاني في النص لوضعها الطبيعي.
المفضلات