مشكلة الفصل والتشغيل المتكرر لتكييف صني ٢٠١٣ كل ٥ ثواني

**mohamed2015** · 24-07-2013 12:19 AM

يا باشا نفس المشكلة و بعدين السبع يتميز بمهندسين إستقبال بيشتغلو الناس و مش فاهمين حاجة خالص

**Batman372** · 24-07-2013 12:34 AM

هو الموضوع فى حد ذاته طبيعى .... لكن 5 ثوان قليله جدا جدا ....
انا كمثال عندى فى الجراج لما درجه التبريد توصل للمطلوب ... التكييف بيفصل و يشتغل كل حوالى 20 ثانيه ...
تحياتى ...

**memoo305** · 24-07-2013 09:17 AM

طب ممكن حد يا جماعة من الأخوة إلي ليهم علاقة بالتوكيل يسئل ويفدنا .علشان لوكان الناس إلي في السبع دية بتشتغلنا ومش فاهمين حاجة مفروض يتظبطو بصراحة. أما لوكان العربية أصلا نظمها كده فهل ده بيأثر على الكمبريسور مع العلم أن فعلا أدء التكييف ليس على المستوى المطلوب

**M.ABDOU** · 24-07-2013 02:23 PM

بص اللى بيخلى تكييف العربيه يفصل هوا حاجه من دول

لاما حساس الضغط بتاع دايره الفريون ( لو الفريون مشحون زياده يعمل كده وتلاقى العربيه ضعيفه فى السحب كمان لما تبقى مشغل التكييف )

او حساس الحرار اللى بتظبط عليه درجه حراره التكييف

او ثالثا واخيرا فصل للامان لما يكون درجه حراره الكمبريسور عليت جداااا فيفصل عندها علشان يحافظ على الكمبريسور ( فى بعض الاحيان لما يكون سربنتينه التكييف مش نضيفه بتعمل العيب ده )

اعمل تشيك على كل اللى فات ده وقولى

**acasper3d** · 24-07-2013 10:08 PM

بص ياباشا انا معايا صني 2010 اتو الشكل القديم ... وحصل معايا موضوع ان التكييف فصل بس في الزحمة بمعني لو العربية واقفة في اشارة او مستني حد مثلا والتكييف شغال لو وقفت بالعربية التكييف بيفصل بمعني انو بيطلع هوا بس مش بيسقع ولو اتحركت بالعربية بيرجع يشتغل تاني وفضل علي كده قالو في اتو ايجيب محتاج فريون وحصل ولسه بايظ .. لحد معملت شكوي عن طريق الجروب بتاعهم علي الفيس بوك والرقم المختصر .... واتضح في السبع طبقا لكلام المهندس سعيد وده مهندس من الفنيين مش مهندس استقبال ان المشكلة في الريتاديتر كان درجة سخونة اعلي من المعتاد فكان بيسبب ضعط علي الكومبرسور بالذات لو العربية واقة وميفش حركة هواء ... وغير الريتادتير وحط التكييف علي الجهاز والحمد لله الدنيا تمام ... فنصيحة حضرتك ممكن تروح السبع وتسأل علي المهندس محمد عمر وهوا مدير الاستقبال مكتبة في الدور الي بعد استراحة العملاء .. او تسأل عن المهندس سعيد وهوا هيقوم معاك بالواجب

**د.هشام** · 25-07-2013 11:25 PM

طبعا دا مش طبيعي
التكييف مابيفصلش أصلا
واللي يقوللك طبيعي حط صباعك في عينيه

**memoo305** · 31-07-2013 05:08 PM

المشاركة الأصلية كتبت بواسطة د.هشام

طبعا دا مش طبيعي
التكييف مابيفصلش أصلا
واللي يقوللك طبيعي حط صباعك في عينيه

يعني يا دكتور أنت معاك النيو الصني والتكييف مش بيفصل خالص

**Fo1Fo** · 31-07-2013 06:13 PM

المشاركة الأصلية كتبت بواسطة aderwy

مشكلة الفصل والتشغيل المتكرر لتكييف صني ٢٠١٣ كل ٥ ثواني، التكييف بفيصل ويشتغل كل ٥ ثواني ولما روحت السبع قالولي ان ده شئ عادي في الموديل ده بس مقتنعتش لان الموضوع مزعج جداً وأكيد ليه حل هما مش عارفينه. حد عنده حل؟

جميع أجهزة التكييف والتبريد سواء منزليه اوللسياره وحتى التلاجات وغرف التبريد والتجميد لازم الكمبريسور يفصل ويشتغل تانى لسببين : الأول عند وصول دردة حرارة المكان المطلوب تكييفه لدرجة الحراره المطلوبه وده صعب تحقيقه فى السياره فى 5 ثوانى ............... والسبب التانى هو الفصل لأزابه او لعدم تكون ثلج على السربنتينه الداخليه ( المبخر ) والعمليه دى ممكن تكون كل 30 ثانيه والفصل لمده لا تزيد عن 5 ثوانى _______ والفيصل فى الموضوع ده كفائة المكيف عندك هل هى طبيعيه ولا حاسس انه ضعيف ؟

**د.هشام** · 02-08-2013 01:14 PM

المشاركة الأصلية كتبت بواسطة memoo305

يعني يا دكتور أنت معاك النيو الصني والتكييف مش بيفصل خالص

انا معايا العربية والتكييف مابيفصلش
حتى لو بيفصل، يبقى أكيد الموضوع دا مش محسوس

**kokyg2010** · 06-08-2013 11:05 AM

انا كان عندى نفس المشكله وروحت السبع اللى فى زهراء المعادى وتم التصليح ولما سألت المهندس كان فى ايه قالى انه ظبط ضغط التكييف والمشكله الحمد لله اتحلت

الموضوع: مشكلة الفصل والتشغيل المتكرر لتكييف صني ٢٠١٣ كل ٥ ثواني

LinkBack

أدوات الموضوع

عرض

-

-

-

-

المواضيع المتشابهه

كيا سيراتو فئة sx ٢٠١٣ أم ميتسوبيشي لانسر شارك ٢٠١٣ أم مستسبشي لانسر بومة ٢٠١٣؟؟

اوبل استرا سيدان ٢٠١٣ ولا فورد فوكاس ٢٠١٣ ؟ من حيث كل النقاط.

جيب شيروكي ليميتيد ٢٠١٣ ولا بيجو ٣٠٠٨ موديل ٢٠١٣

باشـا ثواني بعد أذنكـ مشكلة في عـربيتي

تجربة مع نظام صوت كينوود حبيت انقلها (مشكلة و اتحلت في ثواني)

الكلمات الدلالية لهذا الموضوع

المفضلات

المفضلات

ضوابط المشاركة