مشكلة الفصل والتشغيل المتكرر لتكييف صني ٢٠١٣ كل ٥ ثواني

**aderwy** · 21-07-2013 11:53 PM

مشكلة الفصل والتشغيل المتكرر لتكييف صني ٢٠١٣ كل ٥ ثواني، التكييف بفيصل ويشتغل كل ٥ ثواني ولما روحت السبع قالولي ان ده شئ عادي في الموديل ده بس مقتنعتش لان الموضوع مزعج جداً وأكيد ليه حل هما مش عارفينه. حد عنده حل؟

**Msanad** · 21-07-2013 11:59 PM

مش فاهم قصد حضرتك يعنى ايه فصل وتشغيل متكرر للتكييف كل 5 ثوانى ؟

**lamada** · 22-07-2013 12:40 AM

التكييف بيفصل لما يحقق درجة و يشتغل تانى و ده ممكن يصادف انها كل خمس ثوانى

عادى يعنى بس انت بتحس بفرق و العربية ناية او ان التكييف برودته مش كويسة؟؟

طب و الدنيا حر و انت لسه نشغله برضه بيعمل نفس الموضوع؟؟

**M I D O** · 22-07-2013 12:50 AM

لا طبعا مش عادي هوة في عربية بتلحق تسقع في 5 ثواني يعني ؟؟ وبعدين هوة كل 5 ثواني تسقع و 5 ثواني العربية حرارتها تزيد تاني اطلع علي فرع تاني من التوكيل

**al_manara** · 22-07-2013 03:46 AM

وكمان ممكن يكون الفريون ناقص

**memoo305** · 22-07-2013 10:11 AM

بص ياباشا أن عندي نفس المشكلة روحت السبع وماكنش مقتنع بردة . دخلوني الهنجر جوة ووروني أكتر من عربية الكمروسيور بيفصل ويشتغل كل 10 ثواني وقالولي أنا ده الطبيعي بتاعها . مش عارف أنا ليه مش هاضم الموضوع ده لأن أنا كان معايا لانوس قبلها وكان لما تعمل التكييف على 2المغربية ماطقش تمسك الطارة من سقعويتها وده مش بيحصل خالص مع الصني. مع أن بعض الأخوة هنا بشكرو في تكييف الصني وشافين أنه ممتاز .
ألي أنا مستنتجة هنا:1-العربية تكييفها ضعيف فعلا بالمقارنة بالكوري( أعتقد أنه حركت الفصل والتشغيل دية ليها علاقة بالموضوع)
2-في مشكلة في بعض الموديلات وتوكيل السبع بشتغل في الناس(وارد طبعا)

**amr011111** · 22-07-2013 10:23 AM

معايا تيدا وفيها نفس الكلام
وكان فيه موضوع معمول فى القسم هنا من فتره لاحد الاخوه الاعضاء وقالوله برضه فى التوكيل عادى
بس مش عارف الاقى الموضوع تانى
شكل تكييف النيسان كله كده والله اعلم

**Msanad** · 22-07-2013 10:31 AM

المشاركة الأصلية كتبت بواسطة amr011111

معايا تيدا وفيها نفس الكلام
وكان فيه موضوع معمول فى القسم هنا من فتره لاحد الاخوه الاعضاء وقالوله برضه فى التوكيل عادى
بس مش عارف الاقى الموضوع تانى
شكل تكييف النيسان كله كده والله اعلم

لا مش كل تكييف الصنى كده
خليهم يبصوا عليه فى التوكيل وزعق واعمل مشكله - ولو وصلت انك تقدم شكوى فى نيسان وفى حماية المستهلك - الطبيعى ان التكييف يشتغل عادى بدون فصل

**aderwy** · 23-07-2013 04:21 PM

أنا جريت كل الاقتراحات اللي الأخوة قالوها.
١) تشغيل المروحة على السرعة ٢ أو ٣ مفرقش.
٢) ال٥ ثواني بتزيد ل١٠ بالنهار عشان الحر
٣) برده في السبع وروني كزا عربية وحاولوا يفهموني ان ده عادي بس انا مش أهبل انا كان معايا برايد وبعديها فرنا بعديها افيو مكنش فيهم المشكلة دي خالص يمكن الأفيو كان تكييفها ضعيف بس مكنش بيفصل ويشغل كومبريسور كل ٥ ثواني.
انا هبعت لنيسان اسألهم وشكلي هعملهم مشكلة في صيانة ال٥٠٠٠