أوبل أسترا كوزمو تربو 2013

**eng_ah_xxxx** · 22-07-2013 12:05 AM

السلام عليكم انا اشتريت اوبل تربو من شهر 4 الماضى مشكلتى اننى اسمع صوت غريب مثل هواء بيتسرب بيدخل فى بلاستيك او شبه ذلك وهذا فى الناحية الشمال (ناحية السائق ) موجود فى اخر الرفرف الامامى وباب السائق بعد حوالى 120 كم/ساعة وأيضا أحيانا أحس ان الفتيس بينقل بدرى شوية لكن من غير اى كركرة فهل ذلك لان رجلى خفيفة شوية على دواسة البنزين بس مجمل الفتيس عادى جدا من غير اى مشاكل واضحة , ارجو من الاخوة الرد على , انا من الاسكندرية والسيارة ماشية على بنزين 95 وهى عاملة الان 1000 كم وشكرا لكم ورمضان كريم عليكم

**K.Ossama** · 22-07-2013 12:25 AM

موضوع الصوت ده مش عارف
بالنسبة للفتيس فهو فعلاً غلس وما بيصدق وبينقل ابدر ما يمكن ولهذا هو بطيئ الأستجابة وغير ممتع طبعاً
اما بقى موضوع البنزين 95 فأنا معي الكوزمو العادية ولما استخدمت 95 3تفويلات لم الاحظ فرق جوهرى الحقيقة ورجعت 92 تانى

**Mohyeldin1974** · 22-07-2013 12:33 AM

الله اكرم
الصوت اللى حضرتك بتسمعه ده محير معظمنا وانا قلت للمهندس عليه فى الصيانه وكان فى رايين
١- وده رايى انه صوت لحركه الدلايات الاماميه لانها خفيفه والهوا مع السرعه العاليه بيحركها تعمل الصوت ده
٢- انه صوت السلك بتاع الشبوره مع دخول الهوا بيحركه ويخبط ويعمل الصوت ده
للاسف من وقت مارحت الصيانه ملقتش فرصه اوصل ١٢٠ عشان اعرف الصوت راح ولا لسه
بس هوا على العموم مش مقلق ابدا
بالنسبه للنقله البدرى فده اكيد ان رجليك خفيفه على الدواسه ودى طريقتى انا كمان فى السواقه طالما مش محتاج تحرق وتجرى
ادخل على المواضيع بتاعت الاسترا هتلاقى تعليقات كتير على استفساراتك
انا عامل موضوع اسمه "تقييم اوبل استرا كوزمو"
ربنا يباركلك فى عربيتك ويكفيك شرها

**eng_ah_xxxx** · 22-07-2013 12:34 AM

معلش نسيت اسال انا شارى السيارة حوالى منتصف شهر 4 وطبعا لن أعمل ال 5000 كم بهذا المعدل اتصلت بالتوكيل قال لى 5000 كم او 6 أشهر ايهما اسبق هل هذا الكلام بالنسبة لل 6 اشهر صح شكراً لكم

**Mohyeldin1974** · 22-07-2013 12:36 AM

المشاركة الأصلية كتبت بواسطة eng_ah_xxxx

معلش نسيت اسال انا شارى السيارة حوالى منتصف شهر 4 وطبعا لن أعمل ال 5000 كم بهذا المعدل اتصلت بالتوكيل قال لى 5000 كم او 6 أشهر ايهما اسبق هل هذا الكلام بالنسبة لل 6 اشهر صح شكراً لكم

لا ٥٠٠٠ او ٤ شهور ايهما اقرب
يفضل تكلمهم وتتاكد يمكن التربو نظام صيانتها مختلف

**dede_dodo88** · 22-07-2013 04:23 PM

ايه ده ؟
هي الصيانة بيبقى ليها فترة معينة وللا بالكيلومترات بس ؟!
أنا أخر صيانة عاملها كانت الـ20000 شهر فبراير اللي فات و العداد دلوقتي لسة 23000 يعني لسة قدامي حبة حلوين على ما أوصل للـ25000 !!

**K.Ossama** · 22-07-2013 07:42 PM

مش فاهم الحقيقة
هو أصلا موضوع الخمسة آﻻف قليل جدا. المفروض تبقى كل عشرة.
ده بره الصيانة كل 15 ألف
يبقى ازاى بس 4 وﻻ 6 شهور

**eng_ah_xxxx** · 22-07-2013 10:55 PM

شكرا جدا لكل من رد على لكن لو فعلا ميعاد اول صيانة 4 شهور لو ما خلصتش 5000 كم ده يبقى التوكيل بيقول من غير علم لانة قال لى 6 اشهر طب مين صح!!!!!!!! وشكرا لكم تانى

**zoueil** · 26-07-2013 04:05 AM

تقدر يا باشا تكلمنا عن الأسترا التربو عاملة معاك إيه عامة ؟؟؟؟؟
لأنها نادرة و مش موجودة كتير وعلي وجه الخصوص موضوع السحب و الشد
و هل تقبل بنزين 92 ولا لأ؟

**eng_ah_xxxx** · 27-07-2013 06:35 PM

هى تقبل بنزين ٩٢ بس بتكون ثقيلة فى السحب والشد بس لا يوجد اى كركرة أو صوت غريب مع ٩٢ وأيضاً فيها نفس التعليقات التى قالها الأعضاء المحترمين على الكوزمو والانجوى من صوت الهواء فى ناحية باب السائق على السرعات العالية وأيضاً مع ان الفتيس جيد واعطالة نادرة وصيانته سهلة لكنه قديم ويهدر الكثير من قوة المحرك حتى التربو وأيضاً حرام تكون أعلى فئة وهى التربو ولا يوجد فيها الكثير من الاوبشن المهمة مثل البلوتوث والزيتون وحساسات ركن أمامية وأيضاً وضع زر الاسبورت مود وحتى لو كان يوجد وضع للتحويل للوضع اليدوي وعلى فكرة فى أوروبا يوجد زر وضع الاسبورت وأيضاً الاقتصادي وأيضاً المفتاح الذكى الاسمارت كي وزيادة فى عدد الايرباج الحالية وأيضاً لا يوجد فتحة تكييف خلفية بس يا خسارة الحلو لا يكمل ، .. معلش نسيت أقول ان مشكلة انخفاض لفات الموتور مع التكييف لا توجد حتى مع ٩٢ . أنا جربت ٩٢ مرة واحدة ولكن أنا أضع ٩٥ لكن عندى صاحبي معة تربو هاتشباك فى القاهرة ماشى على ٩٢ عادى وطبعا الزيادة فى عرض الإطارات فى التربو مزودة الثبات ولكن طبعا فيه خطورة أكثر من المطبات ، الرجاء التأكيد من الأعضاء المحترمين على الوقت الزمني لأول صيانة ٤ ولا ٦ اشهر؟؟ وشكرا لكل الأعضاء المحترمين وحفظ الله مصر من كل شر فى هذة الأيام العصيبة

الموضوع: أوبل أسترا كوزمو تربو 2013

LinkBack

أدوات الموضوع

عرض

-

-

-

-

-

المواضيع المتشابهه

بعد شراء أسترا كوزمو تربو سيدان

شراء أوبل أسترا كوزمو تربو زيرو

شراء أوبل أسترا كوزمو تربو

صراع مرير - فيات برافو تربو و أوبل أسترا Gtc

أوبل أسترا تربو 2012

الكلمات الدلالية لهذا الموضوع

المفضلات

المفضلات

ضوابط المشاركة