الموضوع: حد يفيدنى عندى مشكله فى عربتى الكليو

هو إيه يا باشا موضوع الطبلوه بتاع عربية 1400 مش 1200 ؟؟؟؟.....في الفول أوبشن مفيش فرق بين الإتنين إلا لو أوتوماتيك طبعاً! يعني لو ركبت دي أو دي مش هاتعرف الفرق إلا من الباكيت الي على الجنب ( 1.4 16v ) أو لما تفتح الموتور

إنت جايب عربيتك من الزيرو؟؟

يا أخي والله ربنا يعينك وتحل مشكلتك إن شاء الله....معلش إستحمل..أنا عارف الشعور الي إنت بتمر بيه..بس ربنا يسهل وأحمد يوصل للرجالة بتوع المقطم

بص يا اخي الموضوع دا كان بيحصل معايا بس الحمد لله وصلت للحل

أول حاجة بص علي طرمبة البنزين مكانها تحت الكنبة الخلفية شوفها شغالة ولا لا ( لف المفتاح لحد اللمبات متنور اخر تكة اللي قبل الدوارة متدوسش للاخر وتدور وحاول تسمع صوت الطرمبة او قعد حد ورا يسمعهالك )خلي بالك ساعات بتعلق يعني ممكن تكون شغالة وبعد شوية تلاقيها طفت (بتعلق يعني) فجرب كذا مرة بس سيب وقت بين المرة والتانية عشان مفيش حاجة تبوظ.

يعني مثلا العربية قعدت تعمل معايا الموضوع دا بتاع اسبوع ومقدرتش احدد العيب فين لحد ما العربية وقفت معايا في طريق سفر واضطريت اني اقطر العربية .

بص هو انا اشك ان العيب يكون فيها ومكتشفوهوش في مركز الصيانة بس جرب مش هاتخسر حاجة .

لو طلعت الطرمبة بايظة قولي عشان الطرمبة لوحدها مبتتبعش لازم تغير القلب كله غالي .

في حل رخيص بس اتاكد الاول بايظة ولا لا وهاقولك علي الحل .

كنت هاقولك تبص علي البوجيهات بس انت بتقول انهم غيروها في مركز الصيانة معلش بص عليها برض احتياطي.

جرب كدة وقولي اية النتيجة .

حلك عند التوكيل
روح للمقطم أو العبور

ياباشا اكد علي طرمبة البنزين اولا

لو سليمة ...لو سمحت ابعتلي رقم موبيلك علي الخاص وحتعيش معايا شوية ..بس اطمن تماما...

وإن شاء الله خير