الموضوع: حد يفيدنى عندى مشكله فى عربتى الكليو

المشاركة الأصلية كتبت بواسطة أبو عبدالله

ما هو احنا قلنا الكلام ده من قبل كده
وطلع اني مش عارف ايه وبتلكك والكلام ده

اهه واحد من ملاكها وبيقول انه راح بيها لعز العرب ومعرفوش يعملو حاجه حاجه وعشرين يوم كمان

نفس المشكلة العربيه تقطع
وانا قلتها قبل كده

ولكن انا مش من ملاك العربيه حتى لو عارف العربيه وبركبها
يبقى مينفعشي كلامي يبقى صح

للأسف الناس ساعات مبتحبش تشوف الحقيقة لنها مش عاوزاها

ربنا يكون في عونك وان شاء الله يكون خير لك بإذن الله
وربنا ييسرلك امرك بإذن الله

السلام عليكم جميعا".. وكل سنه وكلكم بالف خير..تقبل اللهم منا ومنكم ان شاء الله..
ازيك يا ابو عبدالله؟؟
انا حبيت بس اوضح ان انا معايا نفس العربيه ونفس الموديل والعربيه عامله معايا 160 الف كيلو والحمدلله رب العالمين محصلش فيها اي حاجه..بسم الله ماشاء الله كل اللي بعمله الصيانه الدوريه في مواعيدها بس...مفيش غير مره واحده كانت العربيه بتغيب في التدوير واتغيرلها طلمبه البنزين مجانا في التوكيل بالرغم من اني كنت معدي الضمان (علي 70 الف كم )..ومن سنه تقريبا" غيرت البطاريه.. غير كده الحمدلله مفيش حاجه..واعتقد ان ده احسن من الطبيعي بمراحل والحمدلله.. :smile:

في المقابل انا كنت راكب قبل العربيه دي سويفت من الزيرو , ستروين, هيونداي اكسنت من الزيرو .. وشايف ان الرينو الكليو اكتر عربيه موفره فيهم من ناحيه قطع الغيار والاعتماديه..
كلمه اخيره: اي عربيه ( اي =كل) في الدنيا ليها مميزات ولها عيوب وخاصه في ارض الكنانه..انا عايز اجدد وفكرت في ميجان, لانسر شارك, A4, امبيريزا,SX4 , النترا, وكنت بخلص في مازدا 3, ولما الميزانيه خرمت فكرت في الكورولا 2008 والاسترا واكتشفت ان كل العربيات دي فيها ( علي الاقل بالنسبه لي ) عيوب, بعضها لا استطيع التعايش معه... واكتشفت ان العربيتين اللي ممكن اتعايش مع عيوبهم هم الميجان (لاني راكب رينو ومبسوط جدا بيها) او النترا ( للاسف)..
تقبل تحياتي وكل سنه وانت بالف خير واسف علي الرد الطويل..

الف الف شكر للاستاذ ايمن مومو الرجل بصرحه مش سيبنى وبيحاول يساعدينى النهارده عندى ميعاد مع الكهربائى بعتنى ليه ايمن فى امبابه ربنا يسهل

قبل ما ايمن يدلينى على احمد الكهربائى اللى لسه رايحلو النهارده اتروقت عند مهندس ميكانيكى فى الداهر وقالى غير موبينه ووغيرتها اشترتها ب 520 جينيه وشربت كاعاده ونفس العيب انا هروح لحمد وربنا يسهل وعايز اقول بغض النظر عن مشكلتى الف الف شكر مره تانيه لايمن راجل جدع جدا جدا بجد

==========

المشاركة الأصلية كتبت بواسطة seeika

يا جماعه انا العربيه من فتره بدات وانا ماشى ترعش وتقطع فى السحب وانا واقف تبدا العربيه ترعش جامد ثم تبطل راحت الميكانكيون العرب اقسم بالله العربيه قعدت عندهم اكتر من 20 يوم ومعرفوش يوصلو لحل اتخنقت ورحت سحبت العربيه اخدو منى 350 جنيه ال ايه تنضيف منفل وتظبيط التكيف ثم 140 جنيه بوجيهات اتخنقت سحبت العربيه ورحت لميكانيكى تانى ولسه مش عارف بس فى واحد قالى انه العيب ده ظهر معه وطالع من حساس الكرنك لو حد ممكن يسعدنى يا جماعه ارجوكم

ممكن حضرتك تقول كمية استهلاك مياة الريداتير زيادة عن المعتاد ولا زى الاستهلاك العادى لان نفس المشكلة دى حصلت معايا فى كليو 2001 نفس اللى انت بتقول علية

المشاركة الأصلية كتبت بواسطة seeika

اهم شى عايز اقولو وربنا شاهد عليها فى مركز معتمد فى شارع فيصل عند محطه التعاون اسمه محمود عثمان والله الميكانيكى اللى عنده هو السبب فى كل اللى بيحصل فى العربيه راحت عنده عشان اظبط التكيف مع العربيه السحب بيتقل زياده شويه المهم راحت دخل على الجهاز القرع ده وقعد يلعب فى العربيه والله من بعدها على طول العربيه بدات فى القصه ديه الميكانيكى ده اسمه عبده ولما كلمته قالى هتها راحت لقيت المهندس ده محمود عثمان قالى اصل ممكن تكون عايزه ديفيره وكنستر قلت ايه رجعو قالو اه كنستر لا سليم يبقى دفيره المهم عمله الواجب الله لا يسمحهم ومشيت سواح فى الدنيا بالعربيه مفيش ضمير يا اخونا الا من رحم ربى وانا باكلام ده لا اقصد تشويه سمعه احد والله ده اللى حصل

إنت تقصد إن ركب الجهاز بتاع ضبط الكمبيوتر بتاع العربية ؟ إلي هو ذي ال calculator بس كبير كدة ، و عملك بيه تظبيط السحب و من ساعتها ده حصل ؟