اقتباس المشاركة الأصلية كتبت بواسطة ahmed salah90 مشاهدة المشاركة
بوص انا شايف حوار العربيه الواقعه اللي انت تشدها ده حوار فاشل علشان بمجرد ما تركب عربيه كويسه هتلعن العربيه و تبدا تدقق في التفاصيل و هنا هتقول العربيه فتحت بقها انا شايف جراند بونتو موديل حديث احسن او اي عربيه موديل حديث و اكشف عليها صدقني حوار انك تشد عربيه هتلاقيها بتسحب باكو بعد التاني و في الاخر هتبعها بخساره بعد ما تكون قرفت من كتر مشاوير قطع الغيار المكلفه و مصاريف الميكانيكيه ده غير العطله هات عربيه حلوه و ريح بالك و يسلام لو جديده حتى لو فرنا او لانوس يكفيك انك تريح دماغك حوالي 5 سنين قدام و ربنا يكرمك اسف على الاطاله
ربنا يخليك و الله يا باشا على النصايح دى :)
انا حاسس إنه حوار متعب .. بس لما العربيه تخلص و موتورها يدور هى أدائها من أوله لأخره مظبوط صح زى ما أنا عايز و شكلها زى اللى فى دماغى .. هاحس بإنجاز برضه :d
أنا كده كده طلعت الجولف و المكوه من دماغى علشان موديلات قديمه .. بختار بين البونتو و الابيزا علشان أقارن واحده منهم مع السيفيك و أقرر .. اللى مخوفنى من السيفيك إنها واطيه جداً .. و اللى مخوفنى من الجراند بونتو و الابيزا إنهم شبه مش موجودين أصلاً او مش منتشرين خالص !!
و متشكر على مساعدتك و ردك :)