من 50 ألف ل 65 ألف .. جولف 4 ولا ابيزا ولا مكوه ولا جراند بونتو ولا سيفيك 99 ؟!

**Patrickologyy** · 24-07-2013 02:44 AM

مساء الخير :)
عايز عربيه حلوه كده فى حدود 50 ل 65 ألف .. كنت بفكر فى حاجه من دول
جولف 4 .. سيات إبيزا بس موديل بعد 2004 .. لانسر مكوه .. فيات جراند بونتو .. سيفيك من 96 ل 2000 بس مش داخله دماغى قوى
و طبعاً كله مستعمل .. لو حد عنده رأى فى أى حاجه من دول يا ريت يفيدنى .. و يا ريت لو حد يقولى المبلغ ده يجيب موديل كام من أى عربيه و حالتها تبقى عامله إيه :)
و كمان أعتقد ان كل الاختيارات دى يا إما موتور 1300 يا إما موتور 1400 .. أيه منهم ممكن يتسقط فيها 1600 أو 1800 و يبقى ليها تعديلات أعملها مع الوقت !
كمان كنت بفكر أجيب حاجه من دول فاضيه و حالتها نيله فى حدود 15 أو 20 ألف و أشدها أنا شده حلوه كلها على مزاجى بقى .. ولا إيه رأيكوا ؟!
يعنى هل فيه حته أشترى منها عربيه فاضيه تماماً و رخيصه لو بفكر أجيب و أشدها أنا ولا إيه .. عايز نصايحكوا علشان الموضوع ده واكل دماغى :)
مستنى أراء الأعضاء .. شكراً :)

**Patrickologyy** · 25-07-2013 02:13 AM

حد يعبرنى طيب يا جدعان :d

**S O P H O S** · 25-07-2013 12:24 PM

جوليت - ياريس مانيوال

**m_newyork** · 25-07-2013 01:13 PM

بالسعر دا جيب 316 bmw اجسن موديل 1992

**mohamed hussei** · 25-07-2013 01:27 PM

ممكن تشوف علي كوناكت كار تيدا هاتش باك او سيدان ب 70 الف موديل 2005-2007

**Patrickologyy** · 25-07-2013 05:09 PM

المشاركة الأصلية كتبت بواسطة s o p h o s

جوليت - ياريس مانيوال

شكراً طبعاً على المساعده .. أنا كنت بفكر فى الجوليت بصراحه بس حسيتها صغيره و قديمه حبتين .. و الياريس عائليه جداً و أنا عايز عربيه شبابيه عنها شويه :)

**Patrickologyy** · 25-07-2013 05:11 PM

المشاركة الأصلية كتبت بواسطة m_newyork

بالسعر دا جيب 316 bmw اجسن موديل 1992

فكرت فى البى ام بس الموديل اللى عجبنى e46 مش e36 و لقيت العربيه هاتدخل فى 100 أو 110 فقلت بلاش .. مع إنى كنت عايز عربيه خلفى بصراحه بس غاليه على كونها أول عربيه .. و شكراً لرأى حضرتك :)

**Patrickologyy** · 25-07-2013 05:12 PM

المشاركة الأصلية كتبت بواسطة mohamed hussei

ممكن تشوف علي كوناكت كار تيدا هاتش باك او سيدان ب 70 الف موديل 2005-2007

دورت على الهاتشباك بس لقيتها هاتبقى غاليه شويه عن حدودى لو حاله نضيفه فرسيت على الأربع أنواع دول .. و شكراً لرأيك :)

**ahmed salah90** · 25-07-2013 05:18 PM

بوص انا شايف حوار العربيه الواقعه اللي انت تشدها ده حوار فاشل علشان بمجرد ما تركب عربيه كويسه هتلعن العربيه و تبدا تدقق في التفاصيل و هنا هتقول العربيه فتحت بقها انا شايف جراند بونتو موديل حديث احسن او اي عربيه موديل حديث و اكشف عليها صدقني حوار انك تشد عربيه هتلاقيها بتسحب باكو بعد التاني و في الاخر هتبعها بخساره بعد ما تكون قرفت من كتر مشاوير قطع الغيار المكلفه و مصاريف الميكانيكيه ده غير العطله هات عربيه حلوه و ريح بالك و يسلام لو جديده حتى لو فرنا او لانوس يكفيك انك تريح دماغك حوالي 5 سنين قدام و ربنا يكرمك اسف على الاطاله

**ahmed salah90** · 25-07-2013 05:22 PM

المشاركة الأصلية كتبت بواسطة ahmed salah90

بوص انا شايف حوار العربيه الواقعه اللي انت تشدها ده حوار فاشل علشان بمجرد ما تركب عربيه كويسه هتلعن العربيه و تبدا تدقق في التفاصيل و هنا هتقول العربيه فتحت بقها انا شايف جراند بونتو موديل حديث احسن او اي عربيه موديل حديث و اكشف عليها صدقني حوار انك تشد عربيه هتلاقيها بتسحب باكو بعد التاني و في الاخر هتبعها بخساره بعد ما تكون قرفت من كتر مشاوير قطع الغيار المكلفه و مصاريف الميكانيكيه ده غير العطله هات عربيه حلوه و ريح بالك و يسلام لو جديده حتى لو فرنا او لانوس يكفيك انك تريح دماغك حوالي 5 سنين قدام و ربنا يكرمك اسف على الاطاله

نسيت اقولك كل عام و حضرتك بخير و يا رب يمن عليك في هذا الشهر الكريم بالخير و البركات