هو الناس كلها بتخوفنى من البروتون جين 2 ليه؟؟؟

**draboeyad** · 24-07-2013 06:04 PM

والله انا وصلت لمرحله من الاحباط رهيبه تخيلواكل ماكلم اى حد ميكانيكى او اى حد من زمايلى معاه عربيه استشيره ...... يقولى اسمها ايه ؟؟؟ مانعرفهاش خليك فى اللى نعرفه وهارسينه واى حد شغال فيه وقطع غياره على الرصيف !!!! لو جبتها هاتتبهدل فى صيانتها وقطع غيارها............هاتلك فيرنا ولا لانوس او ميتسيوبيشى كريستاله99 او تويوتا 97 غير كده بلاش هتتبهدل وانت اول مره تسوق هاتلك حاجه خبط فيها وتتعلم عليها وبعدين لما تحب تجيب حاجه اعلى ابقى بيع ومش هتخسر فيهم كتير ..............................
انا مستخسر ادفع فى لانسر مو99 حوالى 48-50 الف علشان اجيب حاجه شغاله بقالها 14 سنه او لانوس او فيرنا.......

انا بصراحه معايا حوالى 55 الف وعايز اجيب عربيه تكون حالتها نضيفه اوى ومتبهدلنيش لانى من الاقاليم (المنصوره) و لو لقدر الله حصلها حاجه اعرف اصلحها بسهوله ومن غير متكلفنى اوى

وهل تنفع لعائله 5 افراد يعنى الكرسى الخلفى يستحمل 3 مرتاحين
وايه حكايه العفشه الناشفه دى؟؟؟
انا فى حيره شديده ياريت تفيدونى

**reda elgohary** · 24-07-2013 06:13 PM

بصراحة رأيت مشاركات كثيرة جدا،، كلها تشكر وتمتدح فى البروتون والجين.

**reda elgohary** · 24-07-2013 06:14 PM

اذا عزمت فتوكل .

**eng.m7md.ali** · 24-07-2013 06:37 PM

هيا المشكلة بما انك من المنصورة قطع الغيار هتبقى قليلة

والمشكلة التانية ان العربية ديقة من ورا يعني هتشيل 3 بس مش مستريح اوي

وسيبك من كلام الناس لولا التنفيض مكانش حد جابها اصلاً من كتر سمع كلام الناس والفتي

**mostafeno333** · 27-07-2013 09:23 PM

طيب ياجماعه انا سمعت ان العربيه صوتها عالي وتكيفها صوته مزعج والعزل اي كلام ... ده ايه مدي صحته

**eng.m7md.ali** · 27-07-2013 09:28 PM

الموتور صوته عالي اه والتكييف طبيعي يبقى صوته عالي مدام السرعة عالية

على فكرة صوت التكييف وانت راكب زي صوت السيراتو كدة مش هدوء اوي بس من برة هتسمع صوت المروحة عالية

**mostafeno333** · 27-07-2013 09:37 PM

المشاركة الأصلية كتبت بواسطة eng f3lix

الموتور صوته عالي اه والتكييف طبيعي يبقى صوته عالي مدام السرعة عالية

على فكرة صوت التكييف وانت راكب زي صوت السيراتو كدة مش هدوء اوي بس من برة هتسمع صوت المروحة عالية

يعني ياباشمهندس لو انا راكب العربيه هبقي سامع الصوت بتاع الموتور والتكييف عاليين يعني ولا ايه النظام ؟؟ مش مهم الصوت برا انا المهم عندي الصوت داخل العربيه

**amrrageb** · 28-07-2013 01:05 AM

الجين عربية جميلة ومريحة وبتشيل 3 ورى بس مش واسعة زى البرسونة بس احن من عربيات كتير سيدان.
الصوت فعلا عالى للموتور عالى وتحسة مزعج شوية فى السرعات العالية من 140 وانت طالع والمروحة التبريد صوتها عالى لما تكون معليها على الاخر ودا فى كل العربيات
انا زيك من الاقاليم من المنياو معنديش اى مراكز خدمة ولا حد بيفهم فيها هنا بس معاك كتير على متروح لحد منهم لو هتجيب جديد والعربية طالما بتعملها صيانتها فى وقتها يبقى مش هتشتكى .
توكل على الله مش هتندم اصلا مش هتلاقى اجسن منها فى فئتها بجد

**aliabdo** · 28-07-2013 01:09 AM

العربيه كويسه بس الصيانه متعبه شويه و اهم حاجه حاله العربيه الى تشتريها و اكشف عليها فى التوكيل

**monamize4** · 28-07-2013 03:22 AM

ياااااه يا جماعة ,, من 2006 لحد دلوقتى الجين 2 عاملة ازمة
انا طبعا مقصدش انى اقول لصاحب الموضوع ان سؤاله مكرر ,, بالعكس , الراجل من حقه يسأل و من حقه اننا نجاوب عليه بس اقصد ان العربية دى عاملة اتقلاب من ساعت مانزلت :) لانها مميزة

الكنبة الخلفية تشيل 3 لكن مش مرتاحين
العفشة ناشفة
التقفيل ردئ
الخامات رديئة
صوت الموتور عالى و مسموع من جوة الكابينة لكنه صوت رياضى مميز
صوت مروحة التكييف مسموع جدا و انت بره العربية لكن كويس و انت جوة العربية
و اهم حاجة ان المالتى فنكشن بيعلق

لكن قصاد كدة سحبها كويس
ثبات فوق الممتاز
شكل جميل جدا و رياضى , حتى قعدتها رياضية , رغم ان بقاله اكتر من 6 سنين
حاليا سعرها كويس و سط الاسعار اللى ضربت

لو هتجيبها مستعمل يبقى اكشف عليها كويس و اتاكد انها سليمة و انزل ف المنصورة عندكو و اسال على اسعار قطع الغيار الاستهلاكية و اسال مين الميكانيكية اللى بيشتغلوا فيها
و على فكرة هتلاقى مواضيع كتير مفيدة ف القسم هنا لناس كانوا ف نفس حيرتك

مبروك مقدما و ربنا يباركلك فيها