الموضوع: وجه السلندر ..... المواجهة الاولى

hahahahahahahaahah
awesome comedy
7

يا دين النبى كل ده عشان السؤال ده خد ياربرنس ده كان عند الجماعة (مش الاخوان ) ههههههه ف قسم الهوندا
http://www.nilemotors.net/Nile/333382-a.html

المشاركة الأصلية كتبت بواسطة ahmedalaahosny

يا دين النبى كل ده عشان السؤال ده خد ياربرنس ده كان عند الجماعة (مش الاخوان ) ههههههه ف قسم الهوندا
http://www.nilemotors.net/nile/333382-a.html

شكرا يا باشا ع الرد واللينك

المشاركة الأصلية كتبت بواسطة alsayedsabry

وجه السلندر
المواجهة الاولى
تنتابنى القشعريرة كلما أبلغنى أحدهم ان على مراجعة ومواجهة وش السلندر لمعلاجة تسريب الزيت المتكرر من جوان غطاء التاكيهات.
حيث اننى لا أعلم ما هو "وجه السلندر" هذا ....؟ يبدوا لى كأسم مقاتل هندى أخر نفس دفعة "الراقص مع الذئاب " . أو أحد آليين أبو الغضب الذين يرسلهم لمهاجمه ماهر ورفاقه. او ربما أسم إعصار أمريكى حيث ان لديهم طريقة غريبة فى تسمية الكوارث.
هل هو فيرس ..؟ لا اظن
وباء ..؟ لا اعتقد
نيزك ... محتمل
قال لى صديق بعدما سالته عن ما هو "وجه السلندر" ..؟ بصوت متهدج أن وجه السلندر من المواضيع الحساسة التى لا يستطيع ان يتحدث فيها لما تمثل له من ذكرى سيئة أليمة ... وأعتذر وأنصرف بهدوء وهو يبكى متمنيا لى الخير ... كل الخير فى مواجهتى مع هذا الوجه.
تبا للاصدقاء الحساسين الذين اذا سالتهم لا يزدونك الا خبالا.

وقال لى اخر أشتعل الشيب فى رأسه دالا على اعتراكه الحياة وغبر اسرارها وانا اساله عن وجه السلدر.
- وجه السلندر .... امممممم.
وضعا يده على كتفى محدقا فى قائلا
- أعتقد انه حان الوقت
وقت ايه يا عم اللى حان ...؟ طب زود لى نص.
ممسكا بتلك اللفافة التى سحبها منذ لحظات من خزانته العتيقة التى يبدو انها لم تفتح منذ عقود.
وقال "ان هذا هو قدرى وقدر كل جماعتى"
جماعة ايه يا اخينا انت هتودينى فى داهية ثم انا مش اخوان انا متعاطف معاهم.
استطرد قائلا جماعة الذين يشترون السيارات المستعملة بدون فحص جيد قلت له والله حاولت وفحصت بس التسرع قدر الله وما شاء فعل.
قال لى متخذا وقفه عبد المنعم رياض فى شارع الحب قصدى "حسين رياض" مخاطبا حلم.
انت اللى هتواجه يا منعم.
اواجه ايه يا استاذنا مش اعرف ايه هو الاول...!
- متسائلا فى حدة آخائف أنت ...؟
تعلم انه لا تنفصنى الشجاعة ولكن تنفصنى الاموال اذا كانت هذه المواجهه تحتاج الى اراقة المزيد منها.
هوب .... قلب مرة واحدة الاستاذ غسان مطر ثم قال لى اذا
"اعمل الصح يا منعم "
منعم مين يا هندسة .... وصح ايه ..؟!
ثم تلاشى وسط سحاية من الدخان
جو فاك قوى.
مرددا أعمل الصح .... صح ايه يله مهو انا لو كنت عرفته مكنتش سالت واحد زيك.
لا يزالون يحدثونك انه عليك ان تفعل الصح بدون ان يخبروك ما هو ..... يبقى كده هم تمام وعملوا اللى عليهم وحضرتك بقى تلطش وتخبط ويا توصل يا متوصلش.
كالطبيب الذى يشدد عليك ان تأخذ الدواء فى ميعاده دون ان يخبرك ماهو الدواء.
"هل هناك دولة".
فالى اصحاب القلوب الرحيمة أناشدكم أن تخبرونى ما هو وجه السلندر .... وما هو الصح فى هذه المواجهه المرتقبة.
ولا تنسوا ان جيبى الصغير لا يحتمل.
الليك لوحده مش كفاية.

ايه ده يا عم ..... انا دخلت فيلم ساسبنس ؟؟
بس عارف .. فعلا أنا جالى فوبيا وش السلندر ... قصدى وجه السلندر ....