مروحة تكييف الميجان

**asdfghjklzx** · 24-07-2013 09:48 PM

كنت مشغل التكييف وفجأة لقيت مروحة التكييف فصلت نهائيا رحت كشفت على الفيوزات لقيتها سليمة والكهربائى قالى لازم نفك الطابلوه كله علشان نشوف العيب من اية وقاعد يشتم شوية على الرينو .
تفتكروا العيب ممكن يكون من ايه وهل فعلا لازم نفك الطابلوة كله علشان نوصل للمروحة افيدونا ياهل الخبرة

**Ahmed Selim** · 24-07-2013 10:10 PM

روح لحد بتاع رينو

**asdfghjklzx** · 25-07-2013 04:39 AM

المشاركة الأصلية كتبت بواسطة ahmed a.maksoud

روح لحد بتاع رينو

ياريت ياباشا تدلنى على حد يكون فاهم فيها كويس علشان انا معرفش حد خالص

**asdfghjklzx** · 25-07-2013 04:40 AM

المشاركة الأصلية كتبت بواسطة ahmedfouad

وديهها التوكيل ... علشان هيبوظهالك وفى الاخر هتروح التوكيل ...
العربية كلها كهرباء ومعقدة وممكن يعملك مشكلة كبيرة لما يفك هو ....
ادى العيش لخبازة لو هياكل نصه وخصوصا لو هتفك التابلوه ..
انا بقولك الكلام ده لانى شوفت التابلوه مفكوك فى التابلوه وشفت كمية الاسلاك اللى تحتيه وهما متمكنين بصراحة
وده كان فى فرنش موتورز وكانت سينيك
وممكن الموضوع فى التوكيل يخلص من غير فك التابلوه على فكرة او يفكوا جزء واحد بس اللى فيه المشكلة وممن تكون مشكلة عامة تتحل فى ثانية فى التوكيل
ابقااااااا طمنا

هو التوكيل اكيد اضمن بس انت عارف ان التوكيل مبيصلحش حاجة بيغير علطول واكيد سعر المروحة عندهم هيكون غالى جدا فياريت لو حد يعرف حد فاهم كويس فالميجان يدلنى عليه ويعمل فيا جميلة

**abb** · 25-07-2013 08:20 AM

حضرتك العيب ف 3 حجات يا الفيوز يا زر المروحه يا موتور المروحه نفسه والتلاته دول مش بيحتاجوا فك الطبلوا ومكان المروحه غالبا بيكون ورا درج التابلو وبعدها فلتر التكيف
وتقبل مرورى

**proff** · 25-07-2013 10:57 AM

المشاركة الأصلية كتبت بواسطة asdfghjklzx

هو التوكيل اكيد اضمن بس انت عارف ان التوكيل مبيصلحش حاجة بيغير علطول واكيد سعر المروحة عندهم هيكون غالى جدا فياريت لو حد يعرف حد فاهم كويس فالميجان يدلنى عليه ويعمل فيا جميلة

ممكن تكون فيشه المروحه عاوزه تتنظف و دي قريبه من دواسه البنزين من فوق تحت التابلوه لو كهربائي رينو مش هتاخد في ايهده 5 دقايق
خد النمره دي وكانك روحت التوكيل 01225015925 مهندس احمد عاشور

**haythamkmal** · 25-07-2013 02:12 PM

اللى حصل عندك هو ان المقاومة بتاعة المروحة باظت او الفيشة بتاعتها ، ودى مكانها على يمين دواسة البنزين وتمنها استيراد حوالى 250 جنيه ، وممكن تتصلح ، ومش محتاجة فك تابلوه خالص .