الموضوع: أفضل مكان للصيانة ؟

السلام عليكم رجالة رينو,

كل سنة وانتم جميعا بخير أنشاءالله.

أنا كنت عامل حوالي 5150 كم , وعندي سؤالين:
- هل يوجد حدود لعدد الكيلومترات ما ينفعش أعديها علشان ميعاد الصيانة مايروحش عليا , قصدي أني عايز أعمل صيانة ال 5000 هل ما ينفعش أعدي مثلا 5500 قبل ما أعمل الصيانة ؟

- أنا في م. نصر , أسمع دائما أن فرع العبور أفضل مكان , يا ترى فعلا بلاش أروح مكان غير العبور ؟ المقطم مثلا ؟ و يا ترى العبور ده أروحله ازاي ؟ و هل الطريق أمان اليومين دول ؟

المشاركة الأصلية كتبت بواسطة land_cruiser

هما حاطين ورقه في كل حته ان الصيانه لازم تبقي كل ٥ الاف كيلومتر بس عمليا لو كنت عامل ٥٠٠ او ٦٠٠ كيلو زياده ما اعتقدش انهم هيعترضوا خاصه و ان صيانه ال ٥ الاف مفيهاش حاجه يعني تربيط عفشه علي كشف علي السوائل بس حاول ما تزودش عن كده علشان تبقي في المضمون و خاصه كمان ان الصيانه مجانيه . بالنسبه بقي للفروع اللي تعمل فيها صيانه عندي لحضرتك نصيحه صغيره وهي ان لو حضرتك رايح تعمل صيانه فقط يعني مفيش حاجه في العربيه يبقي اعمل الصيانه في المركز الأقرب ليك و ده علشان الظروف الامنيه لان الصيانه العاديه وبالذات الصيانات الأولي مفيهاش فن أما لو عند حضرتك ملاحظات او عايز تعمل اي حاجه زياده عن الصيانه العاديه او حتي كانت صيانه كبيره يبقي ساعتها دور علي مركز صيانه كويس زي المقطم او العبور

أشكرك لرد حضرتك .
أنا حجزت في رينو فرع القطامية علشان أقرب حاجة بالنسبالي, يوم السبت اللي جاي انشاءالله.

بس و انا بابلغهم برقم الشاسيه , قالي الرقم في حاجة غلط , أنا كنت بقراه من الرخصة, و بعدين أتأكدت أنه سليم من الكود اللي على الزجاج الأمامي, قالي وقت الصيانة حيتأكدوا من الموضوع ده , مش عارف ايه الموضوع ده بصراحة