اقتباس:
- أول ما نزلت الفانتازيا وأثبتت جدارة أمام شقيقتها الجيتا..قالك عليها بطة وعفشتها ناشفة أوي ومتعبة في السفر..لكن الجيتا تكتسح (( مع إن العربيتين واحد في كل مسمار عفشة وموتور ))
الفانتازيا مسحت بالجيتا الأرض وخصوصا بعد نزول الشكل الجديد للجيتا الفانتازيا باعت 4500 ألف عربية قصاد 500 جيتا
اقتباس:
..قالك معلش وأنا إيه اللي يخليني أدفع فلوس في شكل قديم زي الفانتازيا والشكل الجديد نازل (( قال يعني هيشتريها )
أنا عن نفسي مفكرتش كده أنا عربيتي 2013 وأيام ماجيبتها كان الشكل الجديد على وصول لكن الموضوع ده مفرقش معايا نهائي لإني عارف إنها حتنزل بسعر تاني خالص
اقتباس:
- أول ما شمينا خبر إن الـ a7 هتنزل تربصنا لها بالمرصاد علي مشكلة الفتيس (( حتي وإن كان اللي نازل فيها الجيل الرابع بردو مشكلة ملناش فيه )) وأول ما نزلت بـ 222 ألف و 273 ألف .. وقولنا 222 ليييه دي سكودا ( كأن سكودا دي سُبة ) أنا أركب جيتا أحسن وكماليات أعلي وإسمها فولكس ( علي أساس إنه مش عارف إن الفئة اللي بـ 229 ألف في الجتيا اللي بيسموها هاي لاين وهي في الأصل mid-line فيها نفس الكماليات اللي في أول فئة في الـ a7 بزيادة فتحة السقف للجيتا مقابل esp في الـ a7 ده غير قاعدة العجلات الأكبر في الـ a7 والأطول..ومع ذلك الـ a7 أقل سعراً )
الجيتا الشكل الجديد خلاص إتوفت رسميا وإكلينكيا في السوق المصري فاريت نذكر محاسن المرحومة
اقتباس:
حتي يا جدعان الجولف 7 اللي نازلة فاضية فحت وأقل في الأوبشن من a7 وسعرها 225 ألف جنيه محدش فتح بقه !!!.
لأ لأ اسمحلي ياأستاذ إنسبايرون أختلف معاك بشده في النقطة دي :
أولا الجولف هي الأصل في كل حاجة والأوكتافيا نسخة مشابه ليها وأنا مستغرب إن العربيتين نازلين بسعر بعض الطبيعي إن الجولف بتبقى أغلى ب 15 ألف
ثانيا كفاية إن عفشة الجولف ملتي ليتك
وأحب أضيف إن طارة الجولف جلد وملتي
اقتباس:
- وأول ما عرفنا إن عفشة الـ a7 تورشن بيم..كفرنا العربية وشركناها و طلعنا فيها القطط الفاطسة..وقالك ده كده عمرها ما هتبقي في ثبات الفانتازيا ولا في نعومة عفشة الفانتازيا !!!!!!!!!! ( مع إنه لسه قايل من شوية إن عفشة الفانتازيا ناشفة ومتعبة في السفر !! ومع إنه عارف إن الـ a7 فيها Esp !!!
أنا نفسي أقابل إللي طلع عال a5 إن عفشتها ناشفة وأقوله حرام عليك بلاش إفترا وبالنسبة للتورشن بيم فحعمل إقتباس للرد بتاعي تاني المشاركة الجاية
اقتباس:
- وأول ما نزلت الهاي لاين بـ 273 ألف وقلبت الموازين بكماليتها وعوامل الأمان اللي فيها..قالك ليييييييييييه أنا أركب باسات أحسن يا جدع دي راحت ولا جات أوكتافيا يعني (تاني ) علي أساس إنه ميعرفش إن موتور الـ a7 أقوي !! ولا يعرف إن كماليتهم واحد تقريباً..مع تفوق الـ a7 في حاجات بسيطة زي النظام الصوتي وكمبيوتر التحكم الجديد !! وإن الباسات نازلة بـ dsg الجيل التالت ( إن لم تخني الذاكرة ) .. ومع ذلك سعرها 295000 جنيه...وعادي جداً قشطة !!
الصراحة الإتنين سعرهم مبالغ فيه أنا سمعت إن الباسات الفاضية وصلت 270 ألف !!!!!!!! لكن طبعا لو أنا إجبرت إني أختار بين العربيتين دول فقط فأكيد حختار ال a7
اقتباس:
الخلاصة..إحنا شعب لا بيعجبه العجب..ولا الصيام في رجب..ومعظم كلامه شفهي ولا يمت بصلة إلي أرض الواقع إلا من رحم ربه..ولو فضلنا 100 سنة ضوئية....عمرنا ما هنتغير..هو كييف فينا
عشان الأوكتافيا من العربيات إللي كلنا بنحترمها وبنحبها فلازم نهتم ونعلق عليها سواء بالسلب أو بالإيجاب