الموضوع: الوكتافبا ال a7 نفضوها من كل الأوبشنز وبرضو سعرها مبالغ فيه جدااااا

المشاركة الأصلية كتبت بواسطة corolladestroyer

ازي حضرتك يا استاذ كوزمو معاك حق طبعا في موضوع الفتيس بس هقول لحضرتك كام حاجه انت قايل في بداية الكلام ان في بدايل كتييير فين دول انا مش شايف حاجه في فئتها وفي فخامتها وعزلها وموتورها( غير طبعا الجولف ) انت عايز مثلا تقارن الاوكتافيا الجديده بالاسترا ولا الفوكاس
دي العربيه 1.4 tsi موتور بمعنى الكلمه والعربيه على شاسيه mqb اقل 100كيلو من اللي قبله بالتالي performance رائع بتوصل 100 في 8.4sec مش 14 و 16 ونام ونصحى عقبال مال العربيه تتحرك من مكانها ده دانتا مش هتشوف الاسترا ولا الفوكاس في المرايه اصلا (مع احترامي طبعا للسيارتين وانهم محترمين جدا بس في ملعبهم مش هنا) وطبعا حتى بالتورشن بيم ال ride quality بتاعت الاوكتافيا انضف من الاسترا و الكورولا والسيراتو والحق يتقال الفوكاس احسن منها في النقطه دي بس والاوكتافيا لما نزلت تورشن بيم مبقتش ضايعه ولا حاجه لا هيا still كويسه جدا واحسن من عربيات كتيييير والواحد زعلان انها نزلت للمستوى ده الفكره ان الاوكتافيا متتقارنش بالحجات دي نهائي بالملتي لينك ايام الفنتازيا كان ثباتها علامه وماركه مسجله وكانت تناطح الكبار راسا براس من البي ام والمرسيدس....
ومتزعلش مني في حاجه وعلى فكره انا بحترم الاسترا جدا جدا جدا بس كل حاجه تتحط في مكانها الاسترا اقارنها بالفوكاس والكورولا والسيفيك والسيراتو واطلع بمحصلة ان الاسترا افضل او الفوكاس مثلا وكل واحد وزوقه ودماغه ولولا اختلاف الاذواق لفسدت السلع ودمتم........

لا انت فهمتنى غلط فى موضوع الاسترا ومع ذللك التربو تشد معاها انا كان قصدى ان هيا كصفقة افضل من كل مثيلاتها او كسعر مقابل قيمة
بالنسبة للبدايل انا شايف ان دودج دارت او فولفو s60 s80 او سيتروين ds5 كنفس الفئة افضل
مع انى شايف ان المبلغ ده ممكن يجيب جيب رانجلر او كابتيفا وكفايا احساس 4*4 وانك كاشف الطريق كلو ومعمولك حساب وبردو فى بدائل تانية فى فئة الهاتش وال suv
موضوع تجميع السرعة ده مش مجال مقارنة بس الكورى بيشد ومنغير تربو الموضوع كله فى احساس الامان فى السرعة (فى طرق مصر فين وفين عقبال ماتجيب اخر العربية)
الاسترا مش تورشن بيم هيا واتس لينك
الاسكودا عموما ماتتقرنش ب مرسيدس او بى ام
دى اساسا فئة المفروض انها اقل من فولكس
واسف للاطالة

المشاركة الأصلية كتبت بواسطة eleanor

الاسترا نازله بموتور تيربو ياكل الاسكودا ده بالنسبه للجرى مع العلم ان العربيه مش جرى وخلاص
والاسكودا لا تقارن مع البى ام والمرسيدس فى الثبات وده مايقللش منها بس ثبات البى ام والمرسيدس حاجه واى عربيه حاجه تانى
والاستاذ inspiron ادرى واحد لانه معاه فانتازيا ومعاه مرسيدس اكيد الفانتازيا ثابته وكل حاجه بس بالمقارنه مع المرسيدس انا هاسيبه هو يرد لانه ادرى منى
وبالنسبه لموضوع التسارع العرييات دى مصممه انها تستخدم داخل المدن والسفر وغير مصممه للرالى يعنى مطلوب منها توب سبيد وتسارع معين يعنى مش عربيه سباقات
علشان كده انا شايف ان الفانتازيا مرضيه جدا فى الموضوع ده لانها جمعت متطلبات الشعب المصرى

ازي حضرتك eleanor كل سنة وانت طيب...
وواحده واحده كده الاسترا التربو 180 حصان حلو بفتيس عادي جداا ووزن العربيه تقيل اوي 1400 كيلو
بتوصل 100 في 9 ثواني والاسكودا في 8.4 ف مش هتاكلها ولا حاجه ال dsg زابط الاوكتافيا تمام
كسرعه قصوى الاسترا 223 والاوكتافيا 212 ف هو ده الفرق وعلى فكره الاسترا متقدرش تثبت على التوب سبيد بتاعها حفاظا على السياره عشان هتلاقي ال rpm واصل 5800 الى 6100 اقل واجب اما الاوكتافيا اصلا بتجيب التوب سبيد بتاعها بالسادس والسابع ده ماهو الا over عشان يريح العربيه ويقلل في استهلاك البنزين...
ثبات الفنتازيا خرافي ويتقارن بالمرسيدس والبي ام اقرب من انك تقارن الفنتازيا ببعض الكوري او الياباني على فكره انا سقت الفنتازيا 2013 وسقت البي ام 316i f30 واللي اقلهولك انهم من ناحية الثبات قريبين جدا من بعض بس الهاندلينج ودقة التوجيه اللي فرقت شويه لمصلحة البي ام...

المشاركة الأصلية كتبت بواسطة cosmo

لا انت فهمتنى غلط فى موضوع الاسترا ومع ذللك التربو تشد معاها انا كان قصدى ان هيا كصفقة افضل من كل مثيلاتها او كسعر مقابل قيمة
بالنسبة للبدايل انا شايف ان دودج دارت او فولفو s60 s80 او سيتروين ds5 كنفس الفئة افضل
مع انى شايف ان المبلغ ده ممكن يجيب جيب رانجلر او كابتيفا وكفايا احساس 4*4 وانك كاشف الطريق كلو ومعمولك حساب وبردو فى بدائل تانية فى فئة الهاتش وال suv
موضوع تجميع السرعة ده مش مجال مقارنة بس الكورى بيشد ومنغير تربو الموضوع كله فى احساس الامان فى السرعة (فى طرق مصر فين وفين عقبال ماتجيب اخر العربية)
الاسترا مش تورشن بيم هيا واتس لينك
الاسكودا عموما ماتتقرنش ب مرسيدس او بى ام
دى اساسا فئة المفروض انها اقل من فولكس
واسف للاطالة

كل سنه ونت طيب يا كوزمو
الاسترا فعلا صفقه ناجحه جدا وهيا من افضل العربيات في مصر ك value for money
بص كل البدايل انت جبتها مبدايا excutive cars مش فئة الاوكتافيا لا سعر ولا مضمون ياراجل ده ال s60 وحش كاسر بجد والستروين خد اقراه الريفيو ده Full review of Citroën DS5 Hatchback What Car?
وركز كاتبين ايه في ال ride&handling
اه على فكره الاسترا تورشن بيم فعلا بس معدلينه ب ال watts-link
ال watts-link ده مش عفشه ده زي جزء بسيط لتحسين الاداء زي الصوره دي كده

المشاركة الأصلية كتبت بواسطة K.Ossama

السيراتو مش مكانها هنا خالص على كل المستوايات ولا الكورولا كمان فى رأيى.....دول مايخوشوش فى مقارنة مع الحاجات التانية خالص.
اما الفوكاس والأسترا فالفوكاس فى مصر للأسف مش نازل الموتور الإكو بوست، لكن الأسترا نازل الموتور التربو ودى موضوع المرايا والنوم والصحيان مش حيبقى موجود

ازي حضرتك يا اسامه وكل سنه وانت طيب معاك حق طبعا بس للاسف بلدك دخلتهم بحكم السعر وفعلا للاسف الفوكاس منزلتش بالتربو ال180 حصان مع انها 1.6 ف انا مش فاهم الفكره بس تقريبا عشان هما عارفين انها مش هتبيع زي ما حصل مع الاسترا انا ولا مره شفت التربو لحد دلوقت

واخيرا هيا الاسترا التربو بقت بكام دلوقت انا فاكر انها كانت في فبراير ب227 الف

المشاركة الأصلية كتبت بواسطة corolladestroyer

كل سنه ونت طيب يا كوزمو
الاسترا فعلا صفقه ناجحه جدا وهيا من افضل العربيات في مصر ك value for money
بص كل البدايل انت جبتها مبدايا excutive cars مش فئة الاوكتافيا لا سعر ولا مضمون ياراجل ده ال s60 وحش كاسر بجد والستروين خد اقراه الريفيو ده Full review of Citroën DS5 Hatchback What Car?
وركز كاتبين ايه في ال ride&handling
اه على فكره الاسترا تورشن بيم فعلا بس معدلينه ب ال watts-link
ال watts-link ده مش عفشه ده زي جزء بسيط لتحسين الاداء زي الصوره دي كده

وحضرتك طيب
مبدائيا انا مش شايف انى حطيت executive cars غير s80
اما بالنسبة لسعر s60 فهو بيبتدى من 268 لغاية 328 والفئة الاخيرة دفع خلفى (على عهدة السيت اللى جبت منه المعلومة)
بخصوص ds5 اللى فهمته من السايت مبدائيا احنا معندناش هاتش بس هو كاتب ان فى مشاكل مع الطرق الغير ممهدة طب اى شركة بتنزل عربية مصر بتراعى النقطة دى حتى bmw بتاخد مطبات هوا عشان التعديل ده
وبشكر حضرتك على معلومة watts link ولو تقدر تشرحلى الفروق بين انظمة التعليق ابقى شاكر ليك جدا

المشاركة الأصلية كتبت بواسطة cosmo

وحضرتك طيب
مبدائيا انا مش شايف انى حطيت executive cars غير s80
اما بالنسبة لسعر s60 فهو بيبتدى من 268 لغاية 328 والفئة الاخيرة دفع خلفى (على عهدة السيت اللى جبت منه المعلومة)
بخصوص ds5 اللى فهمته من السايت مبدائيا احنا معندناش هاتش بس هو كاتب ان فى مشاكل مع الطرق الغير ممهدة طب اى شركة بتنزل عربية مصر بتراعى النقطة دى حتى bmw بتاخد مطبات هوا عشان التعديل ده
وبشكر حضرتك على معلومة watts link ولو تقدر تشرحلى الفروق بين انظمة التعليق ابقى شاكر ليك جدا

لا لا بص ال compact excutive car volvo 60
وال excutive ds5 برضو
ال s60 سعرها يبدا من 288 c-plus وراها 318 ال premium وراها 335 ال r design ومش دفع خلفي ولا حاجه هي بس مظبطين شكلها Chrome Exhaust وشبكه وطبعا DIFFERENT SUSPENSION اوطى شويه بص انواع العفشه مش هقدر افيدك اوي فيها بس من اللي اعرفه اني في عفشه MULTI-LINK ودي بتبقه عباره عن عن تلات روابط عرضيه وواحد طولي كل واحد فيهم بيمتص قوة مختلفه وطبعا لده بيخلي العربيه توصل معاك لاقصى درجات النعومه والثبات وفيه طبعا التورشن بيم ودي كويسه برضو بس مش زي المالتي لينك طبعا....وكعفشه اماميه اغلب العربيات دلوقت بتنزل ب ماكفيرسون امامي وده كويس جدا بس فيه احسن منه برضو بس معنديش معرفه بيه...