الموضوع: الوكتافبا ال a7 نفضوها من كل الأوبشنز وبرضو سعرها مبالغ فيه جدااااا

المشاركة الأصلية كتبت بواسطة inspiron

حقائق :-

1- بيجو 508 :- موتور 1600 سي سي 152 حصان عند عزم دوران 240 نيوتن..يحقق تسارع 0-100 في 10 ثواني وسرعة قصوي 217 كم/س

سكودا أوكتافيا a7 :- موتور 1400 سي سي 140 حصان عند عزم دوران 250 نيوتن.. يحقق تسارع 0-100 في 8.3 ثواني وسرعة قصوي 220 كم/س

2- بيجو 508 :- ناقل حركة 6 سرعات أوتوماتيك ستيبترونيك.

سكودا أوكتافيا a7 :- ناقل حركة 7 سرعات dsg <<< الجيل الرابع >>> والذي لم يظهر به مشاكل مع المستخدمين حتي الآن.

3- بيجو 508 :- إستهلاك الوقود 10.4/5.5/7.3 l/100km urban/extra-urban/combined

سكودا أوكتافيا a7 :- إستهلاك الوقود 6.5/4.6/5.3 l/100km urban/extra-urban/combined

4- الكماليات مش هتكلم كتير..في موضوع معمول للأوكتافيا a7 هاي لاين معروض كمالياتها ويا ريت الـ 508 توريني نفسها معاها !!

حقيقة أخيرة كتير يعرفها وكتير بيكابر ويتجاهلها..الفرنساوي فاااااااااااااااااااااااا اااااااشل في مصر.واللي يقول غير كده يا ريت يراجع الـ history بتاع الفرنساوي كويس مع المستخدمين في مصر.
ده غير سعر إعادة البيع اللي رايح في داهية بالنسبة للفرنساوي مقابل باقي الأوروبي.

أما بالنسبة لنقطة مالتي لينك وتورشن بيم اللي قفشنا فيها زي ما تكون صيدة للعربية..أولاً في ناس كتييييييير لا تعرف إيه هو المالتي لينك ولا تعرف إيه هو التورشن بيم.ولما يركب العربية ولا يعرف يفرق بينهم في الإحساس وهو ماشي..ثانياً..إحنا زعلانين وواجعين دماغنا ليه !! والله لما حد يجرب العربية ويجري بيها وينتشها أحلي غرز علي 160 وإنت طالع وقلِت معاه..يبقي يعترض..ده لو قلِت معاه:copy of m-s5:..ده حتي في الفيديوهات اللي عاملين فيها تقارير عن العربية زي auto express مثلاً..بعيداً عن تقرير الثبات الوهمي..قالك إنها في الراحة علي الطرق الوعرة تتفوق علي الموديل السابق بشكل ملحوظ !!. طيب إيه بقا ؟؟ فين إحنا عشان نتكلم..
إن الله مع الصابرين إذا صبروا :)
تحياتي.

نايس ياإنسبايرون بجد أحييك وثبات ال A7 أكيد حيكون ممتاز لكن معتقدش برضو إنه حيرقى لمستوى ال A5
وأحب أرد على الأعضاء الكرام إللي ذكروا ال 508 مش عايزين ننسى تاريخ البيجو الإسود هي وكل الشركات الفرنساوي وعلى سبيل الذكر وليس الحصر :
بيجو 206. 307. 308 وطبعا إسطورة العربيات الفاشلة ال406
اعتمادية لاتقارن بالألماني وكما ذكر إنسبايرون سعر إعادة بيع في الحضيضص
أنا صاحبي معاه 308 العربية يدوب لسه مكملة 10 تلاف الإزاز الأمامي شرخ وحساس حرارة بتاع حاجة ضرب وساعتها ودا العربية للتوكيل بونش والبطارية إللي كانت جاية مع العربية باظت مع إن العربية لسه مكملتش سنة ده ولسه إللي جاي أحلى على رأي المغني السيس إياه

للاسف نفس الطريقة السيئة في الحوار اللي خلت ناس كتير تسيب المنتدى
كل واحد بيدافع عن عربيته زي ماتكون حد من أهله ومش قادر يتخيل رأي الناس التانية

ممكن حد يقولي إيه يخليني ادفع أكتر من ربع مليون جنيه في عربية و أنا مقلق من الفتيس
ومتأكد إنه هيعملها معايا في أي وقت
حتى لو جيل رابع ولا عاشر حتى , أنا اخاطر بفلوسي ليه ؟؟!!!!!!!

وبالنسبة لسعر اعادة البيع , متستعجلوش على رزقكم
لما يتعرف إنها DSG هيتخسف بيها الأرض
واظن ال jetta وال passat دليل على كده
مبيعاتهم مش محصلة تلت اللي كانوا بيبيعوه

ده غير إن ال 508 أصلا فئة ال superb مش ال octavia
شكل البيجو اللي محدش يختلف إنها أحلى بكتير
ضمان بيجو 3 سنين مش اتنين زي سكودا

ال 508 متجربة وبقالها في السوق أكتر من سنتين
مش لسة هجرب عربية الله أعلم إيه اللي ممكن يطلع فيها و فتيسها مش مضمون

BTW البيجو 156 hp مش 152
لو هتحط القياس بال BHP ,يبقى مشيها على الإتنين
مش تنقي الرقم الأقل للبيجو ;)

من 0-100 في 9.2 ثواني بالضبط مش 10 زي ما الاخ كل فوق
و maximum speed تساوي 220
وادي brochure أهو عشان القيل والقال بس :)
http://www.mediafire.com/?nxwtn9gi8g6evbt

وعموما احنا مش في سباق عشان تفرق معايا ثانيا زيادة ولا أقَل


يعني الخلاصة إن الاوكتافيا تتفوق في ال option , ده لو نزلت بالمواصفات المكتوبة هنا
و أداء أعلى شوية في ال low range لأن بعد كده فرق ال 16 حسن هيبان
أما سعر اعادة البيع والاعتمادية فـطبعا دول باي باي مع ال DSG

عشان كده ك package على بعضها البيجو أحسن
وبرده رأي الناس التانية يحترم بس يا ريت يكون بدليل زي ما أنا قلت

المشاركة الأصلية كتبت بواسطة a.adel

للاسف نفس الطريقة السيئة في الحوار اللي خلت ناس كتير تسيب المنتدى
كل واحد بيدافع عن عربيته زي ماتكون حد من أهله ومش قادر يتخيل رأي الناس التانية

أنا معاك في النقطة دي بس ياريت بلاش نجرح في الناس بكلمة (الطريقة السيئة) إللي إنت ذكرتها

أنا مثلا معايا أوكتافيا وقاعد بنتقد فيها أهوه في الموضوع إللي إنت فيه حاليا وانتقدت قبل كده كل العيوب إللي في عربيتي في موضوع قبل كده

وحياتك رأي في الفرنساوي زي ماهو حتى قبل ماجيب الفانتازيا
الفرنساوي عربيات شكلها شيك عزل ممتاز أوبشنز وتكنولوجيا حتى الصباح الباكر لكن اعتمادية سيئة ومصاريف تشغيلها مكلفة جدا , كل يوم العربية بمشكلة شكل
وأكيد وبالطبع سعرها في المستعمل ماوقعش من فراغ
مثلا الميجان الهايلاين البانوراما النضيفة بنفس سعر كريستالة موديل 99 وعايزك إنت تشرحلي ليه؟!!

وبالنسبة لل dsg فحتى لو لسه فيه مشاكل فليه ضمان استثنائي من شركة فولكس الأم غير ضمان الوكيل أبو سنتين

المشاركة الأصلية كتبت بواسطة شاهين - بنز

ليه الغلط بس ياباشا كل واحد حر في رأيه ومن حقه يعبر عنه مادام بيتعرضش لشخص حد

أنا مثلا معايا أوكتافيا وقاعد بنتقد فيها أهوه في الموضوع إللي إنت فيه حاليا وانتقدت قبل كده كل العيوب إللي في عربيتي في موضوع قبل كده

وحياتك رأي في الفرنساوي زي ماهو حتى قبل ماجيب الفانتازيا
الفرنساوي عربيات شكلها شيك عزل ممتاز أوبشنز وتكنولوجيا حتى الصباح الباكر لكن اعتمادية سيئة ومصاريف تشغيلها مكلفة جدا , كل يوم العربية بمشكلة شكل
وأكيد وبالطبع سعرها في المستعمل ماوقعش من فراغ
مثلا الميجان الهايلاين البانوراما النضيفة بنفس سعر كريستالة موديل 99 وعايزك إنت تشرحلي ليه؟!!

أنا مغلطش في حد ,أنا بنتقد طريقة الحوار المنتشرة في المنتدى حاليا
وعموما لو حضرتك شايف إني تجاوزت في حقك
ممكن تعمل تقرير والإدارة تشوف لو أنا غلطان

أما بالنسبة للفرنساوي أنا مش هدخل في جدال ملوش داعي
حابب تكلمني عن ال 508 أو ال a7 أهلا وسهلا
مش حابب دي حاجة ترجعلك

أنا مش هقعد اراجع تاريخ الفرنساوي مع حضرتك , ولا بدافع عنه
ولا ده موضوعنا أساسا
ولا بقولك اشتريه ,كل واحد بيركب اللي على مزاجه

يا ريت متخرجناش بره الموضوع

المشاركة الأصلية كتبت بواسطة شاهين - بنز

أنا معاك في النقطة دي بس ياريت بلاش نجرح في الناس بكلمة (الطريقة السيئة) إللي إنت ذكرتها

نظرا لتغير الرد , أنا كمان هغير ردي
على فكرة كلمة سيئة دي نقد مش تجاوز في حق حد
ولو تلاحظ أنا قلت طريقة سيئة ,متعرضتش لاي حد بحاجة تخص شخصه

وعموما أنا اسحبها بدام هتضايق حد مع إنها بقت واقع للاسف في المنتدى

المشاركة الأصلية كتبت بواسطة شاهين - بنز

وبالنسبة لل dsg فحتى لو لسه فيه مشاكل فليه ضمان استثنائي من شركة فولكس الأم غير ضمان الوكيل أبو سنتين

على فكرة أنا معجب بـال A7 جدا
خصوصا لو نزلة بالمواصفات المكتوبة هنا
فيها حاجات جميلة جدا زي cassette bolero و ventilated seats و adaptive cruise control و park assist

بس اضمنلي حاجتين 7 سنين ضمان عالفتيس زي البلاد المحترمة (مع إن برده أنا مش مجبر إني استحمله)
وانها تشتغل بـ 92 من غير مشاكل

على فكرة أنا معجب بـال A7 جدا
خصوصا لو نزلة بالمواصفات المكتوبة هنا
فيها حاجات جميلة جدا زي cassette bolero و ventilated seats و adaptive cruise control و park assist

للأسف الهايلاين مبتنزلش بال ventilated seats ولا adaptive cruise control
وأنا ركبت ال a7 الإليجانس الصراحة مشدنتيش نهائي ومن ضمن الحاجات إللي دايقتني إن الفرش بتاعها مش جلد نص جلد على شمواه ممكن يكون أغلى من الجلد العادي بس معجبنيش خصوصا إن الفرق الرئيسي بين البيزلاين والهاي لاين فأي عربية بيتركز عالجلد والشكل الخارجي وهي كشكل خارجي نازلة بجنط 16 شكله كمان أوحش من البيزلاين والسعر 273 ألف ولسه حيزيد !!!!
وأنا سقت الفولفو ال S60 بصراحة تكتسح الA7 الإليجانس والفرق بينهم 10 تلاف بس وبتاخد قصادها إنتريور وشكل وحجم خارجي مختلفين جذريا عن الإليجانس وبتخش كاتيجوري تاني خالص
وميزة كمان للفولفو s60 نازلة استناردر بفرش جلد وكراسي كهربا ومرايات ضم وتعتيم وباركينج سينسورز وطارة جلد ملتي وكلرد سكريين يعني برضه ماتعتبرش فاضية

بس اضمنلي حاجتين 7 سنين ضمان عالفتيس زي البلاد المحترمة (مع إن برده أنا مش مجبر إني استحمله)
وانها تشتغل بـ 92 من غير مشاكل

التوكيل فعلا ضامن الحاجتين دول

المشاركة الأصلية كتبت بواسطة شاهين - بنز

للأسف الهايلاين مبتنزلش بال ventilated seats ولا adaptive cruise control
وأنا ركبت ال a7 الإليجانس الصراحة مشدنتيش نهائي ومن ضمن الحاجات إللي دايقتني إن الفرش بتاعها مش جلد نص جلد على شمواه ممكن يكون أغلى من الجلد العادي بس معجبنيش خصوصا إن الفرق الرئيسي بين البيزلاين والهاي لاين فأي عربية بيتركز عالجلد والشكل الخارجي وهي كشكل خارجي نازلة بجنط 16 شكله كمان أوحش من البيزلاين والسعر 273 ألف ولسه حيزيد !!!!

هو بالنسبة لل options دي أنا كتبها بناء على كلام أستاذ احمد
واظن لو مفيهاش دول يبقى كده البيجو أفضل

المشاركة الأصلية كتبت بواسطة شاهين - بنز

وأنا سقت الفولفو ال S60 بصراحة تكتسح الA7 الإليجانس والفرق بينهم 10 تلاف بس وبتاخد قصادها إنتريور وشكل وحجم خارجي مختلفين جذريا عن الإليجانس وبتخش كاتيجوري تاني خالص
وميزة كمان للفولفو s60 نازلة استناردر بفرش جلد وكراسي كهربا ومرايات ضم وتعتيم وباركينج سينسورز وطارة جلد ملتي وكلرد سكريين يعني برضه ماتعتبرش فاضية

ال S60 اختيار ممتاز و في رأيي تتفوق على ال 316 وال C180 كمان
ما عدا ال prestige والدفع الخلفي

بس هي دلوقتي بادية من 289 ألف وال 508 high line بـ 275
لو معاك تزود زود

المشاركة الأصلية كتبت بواسطة شاهين - بنز

التوكيل فعلا ضامن الحاجتين دول

التوكيل عمل ضمان 7 سنين على الفتيس ؟؟!!!!!
والموتور على فكرة لو حصل فيه مشاكل بسبب البنزين , عمرها ما هتبقى في أول سنتين
لو حصل بعد الضمان إيه الحل ؟؟