الموضوع: الوكتافبا ال a7 نفضوها من كل الأوبشنز وبرضو سعرها مبالغ فيه جدااااا

المشاركة الأصلية كتبت بواسطة Ahm662

انا اسف ان كان كلامى دايقك (هى بالدال ولا بالضاد) ما علينا بس اكيد زى حضرتك ما قلت ثباتها هايبقى افضل من الكورى واليابانى ( انا سوقت فانتازيا سبورت خليجى كلمة واحدة تفى بوصف الثبات والفرامل بتاعها "وهم") وانا اقصد بكلام فى الهوا ان ما حدش فينا حتى الان جرب العربية ووصف الثبات عموما احنا فى انتظار تقرير تيم اسكودا عن المواصفات و تجربة القيادة وخصوصا فى الثبات ............ بعتزر ان كان كلامى حاد

هى ضايقك (بالضاد)
وبالمرة بقى، بعتذر بالذال مش الزين (أو الزاى)

احنا نسيبنا من موضوع الثبات لأنه ده مش محل نقاش أصلاً
لكن مربط الفرس الحقيقة هو السعر. التـورشن أكيد أقل تكلفةً من المالتى لينك.
وواضح من تجهيزات الفئة الأولى إنها أفقر من الفانتازيا التربو الفئة الأولى بكثير.
لذا، فلا يوجد ما يبرر فرق السعر الكبير اللى حصل.
نفس الكلام حصل على فكرة مع الجيتا الجديدة ونفس النقد من الناس ولم تلقى ترحيب وقت نزولها، مع الفارق إن الجيتا كان فيها نقلة جوهرية فى الموتور (من MPI إلى TSI)

المشاركة الأصلية كتبت بواسطة Ahm662

بس فى ناس مصدقت تطلع فيها عيب !!!!!!!!!!!

ولا تزعل نفسك
دى أحسن عربية فى السوق........!!

المشاركة الأصلية كتبت بواسطة engahmedsayed

احب اقول لسياتك طول ما الناس بتقبل بسياسة الامر الواقع احب اقولك كل مدى الموضوع بيتدهور

المشاركة الأصلية كتبت بواسطة yyy

+1111
مش بيقبلو بس..... دول بيدافعو عنو كمان
!!!

كلام سليم
وده مش فى سوق السيارات بس
ده للأسف فى كل حاجة تقريباً عندنا فى مصر

لو حد عايز يعرف مزيد من المعلومات عن ال A7 هذا منتدى هندى بيناقش مشاكل ال a7 1.4 TSI و واضح برضه اعتراض المشاركين على تغير ال suspension setup الى torsion beam لتقليل تكلفة العربية و مع ذلك العربية نزلت مصر بزيادة مبالغ فيها على مستوى الكماليات لكن يبدو ان جميع الوكلاء قرروا رفع الاسعار و اللى عايز يشترى يصبح امام امر واقع و لا بديل
http://www.team-bhp.com/forum/indian...pg-1-a-15.html

المشاركة الأصلية كتبت بواسطة شاهين - بنز

أنا رأي إن ال 508 خارج المقارنة تماما إحنا بنتكلم على عربيات ألماني مش عربيات فرنساوي لعبة ...منظر عالفاضي
البيجو 308 خدت تاني أسوء عربية في تاريخ البشرية في البرنامج الشهير top gear

حضرتك انا من ملاك الاسكودا لكن للاسف اختلف معاك , السكودا بالمواصفات دى البيجو تتفوق عليها و بفارق كمان . موتور اقوى , فتيس بدون مشاكل , اوبشن اعلى , عافشه مالتى و طبعا التصميم الداخلى و الخارجى اللى تكتسح فيه البيجو بشده . اما بقى بالنسبه انها لعبه اتمنى من حضرتك انك تركبها و بعد كده تبنى رايك عن تجربه مش كلام صنايعيه و تجار . بالنسبه لتوب جير جيرمى كلاركسون معروف عنه حبه و تعصبه لشركات و بلاد بعينها , و بيطلع القطط الفطسانه فى اللى مش بيحبه .