سعر فانوس خلفى للريو 2013 ؟

**HSE_eng_ramy** · 26-07-2013 02:54 AM

السلام عليكم جميعا
واحشنى جدا واسف لعدم الظهور خلال الفترة الماضية لظروف عملى.
1- واحد ابن حلال حكلى الاكصدام وكسرلى الفانوس اللى ورا وكنت عايز اعرف سعره فهل حد عارف سعره؟
2- هل التأمين يغطى تكلفة الاصلاح والتغيير ولا لاء مع العلم بأن شركة التأمين هيه : البيت المصرى السعودى.
العربية : ريو 2013 وكيل
وجزاكم الله خيرا ويا رب ما يورى حد الحالة اللى انا فيها من العكننة والحمد لله على كل حال

**Ahmed_Adham** · 26-07-2013 04:02 AM

طبعا التامين هيغطي التكاليف بس كلمهم الاول اعرف الخطوات عشان كل شركه ليها نظام.

**prooo** · 26-07-2013 05:48 AM

رامي باشا .... فينك من زمان يعم .... يعم من يوم مقابلتك وانت طالع معايا في الاتوبيس مشوفتكش تاني ولا حد سمع صوتك هنا ....... المهم قدر الله وماشاء فعل ....... هتلاقيه في التوكيل هيعمل حوالي 1000 جنيه تقريبا عشان هو حتتين الحتة اللي في الشنطه والحنة اللي الرفرف .... وممكن تشتري دي لوحدها ودي لوحدها ..... بس بقه نصيحة لو خلاص التأمين هيدفع يبقى تجيب الكشافات الليدات شكلها بيبقى وهمي على السيدان .... بس ساعتها لازم تجيب الاتنين مع بعض وهما غاليين شويتين 3500 جنيه

**HSE_eng_ramy** · 26-07-2013 03:27 PM

المشاركة الأصلية كتبت بواسطة ahmed_adham

طبعا التامين هيغطي التكاليف بس كلمهم الاول اعرف الخطوات عشان كل شركه ليها نظام.

ميرسى لزوقك يا باشا ومرورك الكريم

**HSE_eng_ramy** · 26-07-2013 03:31 PM

المشاركة الأصلية كتبت بواسطة prooo

رامي باشا .... فينك من زمان يعم .... يعم من يوم مقابلتك وانت طالع معايا في الاتوبيس مشوفتكش تاني ولا حد سمع صوتك هنا ....... المهم قدر الله وماشاء فعل ....... هتلاقيه في التوكيل هيعمل حوالي 1000 جنيه تقريبا عشان هو حتتين الحتة اللي في الشنطه والحنة اللي الرفرف .... وممكن تشتري دي لوحدها ودي لوحدها ..... بس بقه نصيحة لو خلاص التأمين هيدفع يبقى تجيب الكشافات الليدات شكلها بيبقى وهمي على السيدان .... بس ساعتها لازم تجيب الاتنين مع بعض وهما غاليين شويتين 3500 جنيه

عمرو باشا حبيبى كل سنة وانتا طيب ورمضان كريم معلش يا باشا من ساعت لما شوفتنى ما نزلتش اجازة على بعضها ميرسى لزوقك وردك يا عمور بس ليا سؤال هل ينفع ان التأمين يغطلى تكلفة الليدات زى ما انتا بتقول ده انا حاسس انى حعمل حناقات عشان الفانوس العادى وربنا يسترها

**Ahmed_Adham** · 26-07-2013 03:36 PM

المشاركة الأصلية كتبت بواسطة hse_eng_ramy

عمرو باشا حبيبى كل سنة وانتا طيب ورمضان كريم معلش يا باشا من ساعت لما شوفتنى ما نزلتش اجازة على بعضها ميرسى لزوقك وردك يا عمور بس ليا سؤال هل ينفع ان التأمين يغطلى تكلفة الليدات زى ما انتا بتقول ده انا حاسس انى حعمل حناقات عشان الفانوس العادى وربنا يسترها

مش هتعمل خناقه ولا حاجه بس هتعمل كل فانوس في فاتوره لوحده لأن التأمين مش هيدفعلك تمن فانوس سليم وتدي فاتوره فيها تمن فانوس واحد والمصنعيه للتأمين وتدفع انت فاتوره الفانوس التاني.

**prooo** · 26-07-2013 05:43 PM

المشاركة الأصلية كتبت بواسطة ahmed_adham

مش هتعمل خناقه ولا حاجه بس هتعمل كل فانوس في فاتوره لوحده لأن التأمين مش هيدفعلك تمن فانوس سليم وتدي فاتوره فيها تمن فانوس واحد والمصنعيه للتأمين وتدفع انت فاتوره الفانوس التاني.

اهو استاذ أحمد جابلك من الاخر اهه يعم رامي .... هتدفع انت 1700 جنيه والتامين يدفع 1700 جنيه ...

**HSE_eng_ramy** · 05-08-2013 08:57 PM

ما حدش رد عليا يا رجالة فى سعر الفانوس فى التوكيل؟؟؟؟؟؟؟؟؟؟؟
الكل اتكلم على الليدات وموش عايز اغير دلوقتى كفاية عليا عيون الناس اقوم مركبلها ليدات يبقى عليه العوض

**prooo** · 06-08-2013 02:08 PM

المشاركة الأصلية كتبت بواسطة hse_eng_ramy

ما حدش رد عليا يا رجالة فى سعر الفانوس فى التوكيل؟؟؟؟؟؟؟؟؟؟؟
الكل اتكلم على الليدات وموش عايز اغير دلوقتى كفاية عليا عيون الناس اقوم مركبلها ليدات يبقى عليه العوض

يعم رامي مهي خدت العين خلاص ....اتكل على الله وركب الليدات ...ده اذا لقيتهم اصلا .......وعموما يعم انا في مركز القاهرة اوتو بعمل صيانة ال10000 وسئلتلك على تمن الفلوس لقيته ب 1500 بالضريبة ...... الجزء اللي في الرفرف ب 800 والجزء اللي في الشنطة ب 600 .....شوف انت بقع ايه نظامك ولو ملقتوش عندك في اسكتدرية كلمني وانا اجيبهولك وابعتهولك على مارين 2 كمان ...... بس ساعتها مش هيبقى ب 1500 طبعا

**HSE_eng_ramy** · 06-08-2013 09:02 PM

المشاركة الأصلية كتبت بواسطة prooo

يعم رامي مهي خدت العين خلاص ....اتكل على الله وركب الليدات ...ده اذا لقيتهم اصلا .......وعموما يعم انا في مركز القاهرة اوتو بعمل صيانة ال10000 وسئلتلك على تمن الفلوس لقيته ب 1500 بالضريبة ...... الجزء اللي في الرفرف ب 800 والجزء اللي في الشنطة ب 600 .....شوف انت بقع ايه نظامك ولو ملقتوش عندك في اسكتدرية كلمني وانا اجيبهولك وابعتهولك على مارين 2 كمان ...... بس ساعتها مش هيبقى ب 1500 طبعا

حبيبى يا هندسة وكمان توصلهولى لادمارين 2 ده كلام كبير والله طبعا حقاتك محفوظة

ههههههههه
ربنا يستر والاقيه انا نازل بكرة ان شاء الله وحشوف الموضوع ده على يوم الاحد وحبقى اقولكو ايه اللى تم ربنا يسترها بقى