ساعدونى اشترى دايو ريسر ولا لا ؟؟؟؟؟؟

**Manar Mohamed** · 29-07-2013 12:37 PM

Mohamed ELOoL والله مش عارفه يا استاذ محمد انا حاسة انها كويسة وعلى اد الفلوس اللى معايا وكمان فيها كماليات يعنى هتبقى اريحلى من حاجات كتير وناس كتير بتقول اهو ان قطع الغيار موجوده

SYD
بخصوص الفتيس (بتاع اللانوس)
احب اطمنك انه فتيس اعتمادي جدا بشرط الاهتمام بالتبريد ومواعيد الصيانا
هو طبعا مش هيركبلها فتيس لانوس لانه سأل وانا كمان سألت والمياكنيكى قالى مش هينفع فتيس لانوس لازم الفتيس بتاعها هو اللى يركبها (فتيس ريسر يعنى ) لوكده هيبقى كويس بقى ولا ايه
بس اجماليا واضح من كلام حضرتك انها كويسة

MMamdouh
ألناس بتركب دايو عشان سهولة الصيانة و توافر قطع الغيار و سهولة اعادة البيع... مع الريسر هتفقدى كل المميزات دى... يبقى ملهاش لزمة
ما انا كده مبقتش عارفه احدد بصراحة ليها قطع غيار ولا مالهاش ناس بتقول متوفرة وناس بتقول لا بالنسبه لاعاده البيع مش هيبقى مهم ليا دلوقتى على الالقل سنتين

**Manar Mohamed** · 29-07-2013 01:17 PM

من حيث قطع الغيار الاستهلاكية والميكانيكا والعفشة والفرامل مفيهاش اي مشكلة لأشتراكها مع اللانوس والنوبيرا والفيكترا في الكثير من قطع الغيار
وهحط لحضرتك صور توضح كلامي
انا اللى اعرفه انها قطع غيار مختلفة وناس تقول موجوده وناس تقولى لا وانا اتصلت بسرور علشان اعرف تواجد قطع الغيار واسعارها بس محدش رد يا ريت لو حضرتك تعرف اقدر اسأل فين يبقى يا رييييييييييييت ولو حضرتك هتجط الصور علشان اقدر افهم وشكرااا جداااا لمساعدتك

**Amr Elshamy** · 30-07-2013 05:54 PM

استاذة منار العربية دي حاجتها متوفرة فى بورسعيد وفعلا بيركب عليها حاجات من اللانوس والنوبيرا .. ولو احتاجتي اي حاجه من بورسعيد ابعتيلي وانا باذن الله هاكون فى المساعده

**Manar Mohamed** · 31-07-2013 01:58 AM

بجد شكرا جداااااا على مساعدتك وربنا يكرمك يا رب

**MMamdouh** · 31-07-2013 02:25 PM

المشاركة الأصلية كتبت بواسطة Manar Mohamed

ما انا كده مبقتش عارفه احدد بصراحة ليها قطع غيار ولا مالهاش ناس بتقول متوفرة وناس بتقول لا بالنسبه لاعاده البيع مش هيبقى مهم ليا دلوقتى على الالقل سنتين

قطع الغيار الميكانيكية اللى مشتركة مع اللانوس او النوبيرا او الاوبل هتلاقيها موجودة.... انما لو بنتكلم فى فوانيس و اكصدامات و رفارف و مرايات و كدة هتبقى قليلة اوى

MMamdouh