الموضوع: العربة الطائشة وفرامل اليد

العربة الطائشة
وانا مروح امبارح وقفت عند سوبر ماركت اجيب بقى زبادى للسحور كان معايا مراتى جانبى وشايلة البنت الصغيرة على حجرها .... والبنت التانية بتلعب فى الكنبة الخلفية .... ركنت بزاوبة ناحية السوبر ماركت وشديت فرام اليد وحطيت الفتيس على p والعربية دايرة ومشغل لهم التكيف ..... قعدت اشوف تاريخ الصلاحية للزبادى واختار الفريش لقيت الولد البياع بيقولى يا بيه العربية بترجع لوحدها ..... نطيت خارج المحل لقيت العربية ماشية باى باى بضهرها ومراتى بتصوت وبتضرب كلاكس وبنتى بتعيط . فطيت نطيت زى سبيدر مان مراتى فتحت الباب ولحقت العربية بعد ما دخلت فى شاهين السايس كان بيركانها بس الحمد لله حكه بسيطة وقعدت طرف الرفرف بتاع الشاهين وحكت الباب وضغطه ضغطه بسيطة الحمد لله ان العربية كان بزاوية فقطعت الشارع بالعرض لكن لو كان معدولة ..... كانت سرحت ع الشارع الرئيسى ..... حيث الميكروباصات الفولكس فخر الصناعة الالمانى.
كانت اعصابى بيزة ..... وشكلى وحش قووووى
يا استاذ حد يسيب العربية دايرة
والله انا كل مرة بشيل المفتاح بس قلت اشغل التكيف للعيال
برضه يا استاذ
قدر الله وما شاء فعل
الظريف فى القصة ..... ان فى عربية ميتسوبيشى واقفة بعيد ومش فى مسار السيارة الطائشة .... لقيت السايس بيقولى يا بيه الفانوس ده اتكسر من عربيتك .... قلت له بقى استنى اودى العيال واجيلك ..... رجعت له واستخدمت وسائل التحقيق الجنائى .....
قلت له اولا مش فى مسار العربية
ثانيا انت راشش ميه والاسفلت معلهوش اى تكسير للفانوس
ثالثا الفانوس قلبه مترب دليل ع انه اتكسر من زمان
وع الشاهين اخدها للسمكرى واعمله له والمعها
دى حكايتى يا بيه بقوله لكل واحد عاوز ينزل يجيب زباى او سجاير او قزازة ميه انه يفصل العربية
.... هى رجعت ازاى لوحدها ......
البنت الصغيرة رفست رفسة حلوة برجليها جابت ال r
واكتشفت ان فرامل اليد ولا الهوا

شوف ازاي فتيس اتحرج بدون الزرار لو كدة في زرار جمب فتيس كدة تحت شوفتة في تيدا يمنع ان االاتوماتيك يتحرك خالص