اقتباس المشاركة الأصلية كتبت بواسطة Amr Axel مشاهدة المشاركة
اولا شكرا لمرورك و كلامك الرائع
للاسف ناس كتييير منهم بغبغنات بيرددوا و خلاص
و بخصوص الدراسة لو حضرتك خريج يعتبر حديث او فيه امكانيه تكون انتساب لا تتردد و انتهز الفرصة و مصاريفها اعتقد بسيطة حوالي 500 ج في السنة اما التعليم المفتوح حوالي 1200-1500 في السنة بس لو حبيت تتقيد في النقابة و حضرتك تعليم مفتوح لازم تجيب ما يثبت انك كنت ثانوية عامة
و متقلقش الحقوق اسهل ما يكون اهم حاجة تعرف هو عايز ايه و تجاوب ازاي الناس بتفتكر ان الحقوق حفظ و بس ميعرفوش انها بتعتمد ع الفهم اصلا عشان تعرف تحفظ و تجاوب و الاجابة تكون في شكل خطة بحث في كراسة الاجابة
و اي استفسار عن الدراسة اتفضل :)
والله انا سالت على المصروفات وعرفت انى علشان ادخل جامعه اسكندريه خصوصا وانا معايا شهاده اخرى فحدفع 5000 جنيه سنويا مصروفات بدون دعم لان الدعم "بتاع مجانيه التعليم " بيكون للطالب مره واحده بس ودي بصراحه شايف عندهم حق فيها بس انا لسه حتأكد من القيمه بالظبط مع انها مش حتفرق طالما اخدت القرار .

بس ليا استفسار عند حضرتك الفكره اللى شاغلانى هى فكره الدراسه لوحدى "self study" حتنفع وتكون سهله خصوصا ان علشان الشغل حيبقى صعب حضور محاضرات او سكاشن
فسؤالى مواد الكليه ممكن ادرسها لوحدى مع الكتب وورق الكورسات ولا لازم حضور مع العلم انى ظابط واحد صديق ليا خريج حقوق وهو اكدللى ان الموضوع ممكن دراسته لوحدى عادى والمصطلحات ممكن هو يشرحالى فياريت تاكدلى الكلام ده او تنفيه علشان الواحد يطمن بجد

وفكره التقييد فى النقابه اظن مش حتفرق اوى انا داخل ادرسها زياده فى المعرفه وعلشان الواحد يقدر يعمل الاشغال القانونيه بنفسه خصوصا انى بحب اعمل اى حاجه خاصه لوحدى لان اكيد محدش حيعمللى اللى انا عايزه بتفاصيله غيري وبرضه زى مقولتلك الواحد يعرف اللى ليه واللى عليه وبصراحه احساسي ان المحامى بيقدر ياخد حقه بالكامل بمصنعيه هههههههههههههه
وبجد انت طمنتنى ان الموضوع زى متخيلته فهم وحفظ مش حفظ بس
شكرا ليك.