اقتباس المشاركة الأصلية كتبت بواسطة eslamrace مشاهدة المشاركة
والله انا سالت على المصروفات وعرفت انى علشان ادخل جامعه اسكندريه خصوصا وانا معايا شهاده اخرى فحدفع 5000 جنيه سنويا مصروفات بدون دعم لان الدعم "بتاع مجانيه التعليم " بيكون للطالب مره واحده بس ودي بصراحه شايف عندهم حق فيها بس انا لسه حتأكد من القيمه بالظبط مع انها مش حتفرق طالما اخدت القرار .

بس ليا استفسار عند حضرتك الفكره اللى شاغلانى هى فكره الدراسه لوحدى "self study" حتنفع وتكون سهله خصوصا ان علشان الشغل حيبقى صعب حضور محاضرات او سكاشن
فسؤالى مواد الكليه ممكن ادرسها لوحدى مع الكتب وورق الكورسات ولا لازم حضور مع العلم انى ظابط واحد صديق ليا خريج حقوق وهو اكدللى ان الموضوع ممكن دراسته لوحدى عادى والمصطلحات ممكن هو يشرحالى فياريت تاكدلى الكلام ده او تنفيه علشان الواحد يطمن بجد

وفكره التقييد فى النقابه اظن مش حتفرق اوى انا داخل ادرسها زياده فى المعرفه وعلشان الواحد يقدر يعمل الاشغال القانونيه بنفسه خصوصا انى بحب اعمل اى حاجه خاصه لوحدى لان اكيد محدش حيعمللى اللى انا عايزه بتفاصيله غيري وبرضه زى مقولتلك الواحد يعرف اللى ليه واللى عليه وبصراحه احساسي ان المحامى بيقدر ياخد حقه بالكامل بمصنعيه هههههههههههههه
وبجد انت طمنتنى ان الموضوع زى متخيلته فهم وحفظ مش حفظ بس
شكرا ليك.
بص يا باشا بالنسبة المبلغ اللي بتقوله ده خيالي لأن جامعة عين شمس اللي تعتبر من اغلي الجامعات الحكومية و التعليم المفتوح فيها حوالي 1500 فمتقلقش هتلاقي المبلغ بسيط ان شاء الله بس اتأكد منهم و يفضل تسال من دلوقتي او بعد العيد مباشرة عشان تلحق
بخصوص الدراسة هي سهلة و مفيهاش اي مشاكل و مش هتحتاج حد يشرحلك حتي ده يمكن التجارة مقرفة شوية خصوصا لو قسم محاسبة و لازم حضور و سكاشن
اهم حاجة جيب الكتب و ابدأ قراءة من بداية الدراسة و خلص عيد تاني كأنك بتتسلي في قراءة كتاب و واضح ان حضرتك من النوع اللي بيحب القراءة و ظبط مع زمايلك من اللي بيحضروا او احضر في الاواخر لو مفيش امكانية للحضور دايما لأن الدكاترة بيجوا في الاخر ملغي و مقرر زي ما حضرتك عارف و نصيحة ابعد عن الملازم اللي بتتباع الا لو حضرتك عايز تنجح بس من غير تقدير ساعتها الملازم اهي تسند
و احنا مفيش عندنا حضور و غياب و مكناش بنحضر اي سكاشن لأن مكنش فيها حضور و غياب و كنا ندخل نمتحن مادتها كمادة بتساعد ع رفع التقدير لكن مش مادة سقوط و نجاح فيما عدا المحكمة التدريبية لازم حضور لكن مكنش فيها امتحان ده لو هتطبق عندكم في اسكندرية
بس نقطة اخيرة لازم برده تكون عارفها لو هتدرس عشان التصرفات القانونية عقود و خلافه و دعاوي فديه مش محتاجة دراسة ممكن تروح لأي محامي او تشوف معهد المحاماة تتعلم لأن اللي هتدرسه في الكلية هي القوانين و شرحها مدني و جنائي و مرافعات و دولي خاص و دولي عام و دستوري و تجاري و زراعي و بحري و جوي و غيرها فيه مثلا سيكشن مثلا تدرس فيها كتابة العقود و بنودها و الشيكات و ايصالات الامانة و الاوراق التجارية عامة و شرحها يعني مثلا التصرفات او طرق كتابتها بشكل مخالف زي ايصال الامانة لو اتذكر تاريخ فيه او الشيك فيه شئ مخالف في كتابته و هكذا

و اي حاجة يا باشا عايز تسال عليها في الكلية تحت أمرك :)