كاسيت سوني اكسبلود باظ ومش بيطلع صوت خالص

**abo_lamar** · 29-07-2013 01:52 PM

السلام عليكم و رحمه الله و بركاته
رمضان كريم ...

عندي جهاز سوني اكسبلود موديله CDX-gt790ui ودي صورته ....

ظهرت مشكلة فيه مش عارف ليها حل ...
لما اجي اشغل الكاسيت سواء على الراديو او الفلاشة او السي دي .. بتظهر رسالة على شاشته وهي ATT on

ال ATT ده وظيفة فيه بيوطي الصوت اللي خارج من الكاسيت اوي .

اول ما بلاقي الرسالة دي ظهرت لوحدها اللي هي ATT on مبلاقيش اي صوت خارج خالص من الكاسيت وبلاقي ايقونه على شاشته عباره عن علامة ميكروفون وعليها حرف X يعني مفيش صوت خالص ....

حتى لو دوست من الريموت وخليت وظيفة ال ATT مغلقه يعني خليتها OFF برضه مفيش صوت بيطلع من الكاسيت .

شيكت على الوصلات الكهربائية كلها لقيتها سليمة وزي الفل .... والسماعات تمام .

تفتكروا العيب حيكون ايه ....
انا من سكان عين شمس ... ياترى في مركز كويس لتصليح الكاسيتات دي ؟؟
وشكرا

**abo_lamar** · 02-08-2013 04:12 AM

تم حل المشكلة الحمد لله وشكرا لكل من شاهد ولم يشارك حتى بحرف .

**م.محمد عبده** · 03-08-2013 04:18 AM

بما انك حليت المشكلة فانا كنت هكتبلك توقعي ..
ان فيه زرار معلق فيه او حاجه physic في جسم الجهاز نفسه يعني مش كهربا وكده
ياريت تقول بقا عشان الفضول هيموتني :D