محتاج رأى وحوش الميجان ضرورى

**أيمن كور** · 29-07-2013 05:26 PM

السلام عليكم انا كنت اشتريت ميجان توب لاين 2006 بس لما روحت التوكيل قاللى على شوية حاجات فيها بصراحة عقدتنى و لأنى مافهمش فى العربيات كويس رجعتها لصاحبها و هو معرفة و قولتله على اللى فيها و اديته التقرير بتاع التوكيل ... نيجى للحاجات اللى التوكيل قال عليها :

1- رشح للزيت أسفل الموتور
2- صوت المارش غير طبيعى ( خشن شوية )
3- عزم الموتور و الجير ضعيف

دول اول 3 حاجات فى الخانة اللى ملونة احمر

بعدها فى الخانة الصفرا

1- الشكمان ملحوم
2 - تغيير اربع مساعدين (مع ان العربية ماشية زى الفل و مش حاسس بمشكلة فيهم)

و شوية حاجات كتيييييير مش فاكرها بس اول تلات حاجات قفلونى من العربية

بينى و بينكم العربية حلوة و داخلة دماغى بس الحاجات اللى فيها قلقانى

صاحبها قاللى انا هاخدها و اروح لميكانيكى معرفة و ارد عليك ( ده بعد ما استلمت فلوسى كاملة) الراجل محتلام جدا بصراحة .

المهم رد عليا يومها بالتالى
1- تغيير كويل الموتور
2- فيشة حساس الجكمان كانت واقعة تم تركيبها
3- فلتر البنزين اتغير و طرمبة البنزين ايضا .. قاللى انه ده سبب قلة عزم الموتور و ما لهوش علاقة بالجيربوكس

اه نسيت اقولكم .. و احنا ماشيين العربية دايرة بس تدوس بنزين ما تطلعش جبتها على n و كاركت بنزين جمعت و رجع الفتيس على d مشيت العربية .. و لما قولتله ده جيربوكس قاللى لا ده من الموتور

انا طولت عليكم .. بس بصراحة محتار العربية عاجبانى قوى مش عارف اعمل ايه

أخوكوا محتار يا وحوش اعمل ايه ؟

**dedo_ryo** · 30-07-2013 01:38 AM

هو طالب فيها كام لان ده الحكم لو طالب عالي يبقي تدور علي حاجه افضل اما لو السعر معقول تبقي حلوه و استني الوحوش برضه و ربنا يوفقك

**أيمن كور** · 30-07-2013 04:51 AM

هو طالب 63 ألف و العربية عاملة 140000

بس ايه رأيكم بالنسبة للمشاكل الموجودة فيها ... و هل ليها علاقة بالجيربوكس علشان واحد صاحبى قاللى انها كده ممكن تجيب جيربوكس قريب

و الله انا محتار

**أيمن كور** · 31-07-2013 03:30 AM

إيه يا رجالة 65 مشاهدة و منفضين كده ليه .. ده انتم السبب انى هاجيب الميجان
فى أول موقف تبيعونى كده !!!!!!!!!!

**dedo_ryo** · 31-07-2013 04:22 AM

بص من وجهه نظري المتواضعه ان كل اللي فوق ده حاجات استهلاكيه فيما عدا موضوع عزم الموتور و الفتيس ده الحاجه الوحيده اللي متعديش كده لان ده كفيل لو فعلا عيب في الفتيس انه يكرهك في العربيه انما الباقي كله حاجات استهلاكيه يعني المساعدين و الزيت و المارش وارد انه عايز شربون و في الاول و في الاخر دي حاجه ترجعلك و برضه استني رأي الوحوش و غالبا هما صايمين فهيغيبوا سيكه علي ما يردوا بس هيجيبوا من الاخر و ربنا يوفقك

**eleanor** · 31-07-2013 04:35 AM

كده يبقى فيها مشكله فى الفتيس وده كان نتيجه الاهمال فى تغيره فابعد عنها احسن وشوف حاجه انضف علشان تبقى مرتاح وماتتبهدلش مع الصنايعيه كل شويه

**dedo_ryo** · 31-07-2013 08:40 PM

يااااااااااااااااه ابن جيهه يعني
ده انا علشان اجيب اللي معايا لفيت جراجات اسكندريه كلها و لقيت اللي معايا في جراج في سموحه
و كان في كام واحده في جراجات مصطفي كامل بس انت عايز تاجر معرفه يعرف السكك بتاعت الناس دي
و ربنا يوفقك و تلاقي حاجه محترمه و علي فكره هتلاقي اسعار اعلي سنه من سعر اللي انت كنت هتجيبها

**أيمن كور** · 01-08-2013 12:40 AM

و الله يا أستاذ dedo أنا تعبت بس إيه حكاية الجراجات دى مش فاهمها ( أخوك جديد فى موضوع العربيات ) ؟
و هو فعلا فيه تاجر معرفة بس انت عارف هوة تاجر برضه . موضوع الثقة ده عاملى صداع ؟

وبصراحة قرت أيأس من موضوع العربية ده ... و علشان أكون واضح و من غير ضحك ...
لو ركبت حاجة غير الميجان مش هاتبسط .. بصراحة انا جربت العربية و حاسس فيها بفخامة و اوبشن مش موجود فى عربية تانية نفس الفئة .

انا بقيت مدمن ميجان و محتاج أتعالج هههههههههههههههه

ربنا يسهل إدعولى ألاقى حاجة نضيفة ... و من قدم شئ بيداه ألتقاه ... وكل سنة و انتم طيبيين

**dedo_ryo** · 01-08-2013 04:56 PM

بص بيبقي تاجر ليه علاقه بالسايس بتاع الجراج و السايس من تعامله مع صاحب العربيه بيبقي عارف مين بيبيع و مين لا و دي عامله ايه و صاحبها عامل ازاي في السواقه و الصيانه و كده و بتبقي اسعارها حلوه و بتبقي مضمونه اكتر ما تاخدها من تاجر ملصمها علشان تتباع ....... و علي فكره ممكن انت لو جنبك جراجات كبيره تسأل السايس و تفهمه ان نسبته محفوظه و هو هتلاقيه يا اما بعتك لسايس عنده طلبك يا جابهولك هو و المهم لو اتو اكشف توكيل قبل ما تدفع جنيه فيها بالاتفاق مع صاحب العربيه

الموضوع: محتاج رأى وحوش الميجان ضرورى

LinkBack

أدوات الموضوع

عرض

-

-

-

-

المواضيع المتشابهه

محتاج رأي وحوش الميجان ضروري

بالنسبة لسمعات الميجان 2 الامامية ؟ ارجو الافادة من وحوش الميجان

يا وحوش الميجان دلونى، قررت اجيب جيربوكس كامل لعربيتى الميجان 2 (2005)

من وحوش الميجان الى وحوش اللوجان :الفتوه المفتريه فى العضه المارشيديريه

مساعده ضرورى من وحوش الميجان

الكلمات الدلالية لهذا الموضوع

المفضلات

المفضلات

ضوابط المشاركة