رقم العضوية : 146729
تاريخ التسجيل : 30Jul2013
المشاركات : 3
النوع : ذكر
الاقامة : egypt\ismailia
السيارة: hyundai elantra
السيارة[2]: Hyundai accent
الحالة :
السلام عليكم ورحمة الله وبركاته
اولا كل سنة وانتو طيبين
ثانيا انا معايا هيونداى اكسنت لسة جايالي من يومين
والعربية وحشة اوى بس انا ناوى اخليها عروسة :)
اول حاجة عملتها روحت للميكانيكي وغيرت الريداتير والكاربيراتير
ثانيا روحت للسمكرى وظبط الحوض ظبطة كويسة وجبت رفرفين و اكسدام وصدر وفانوسين جداد
تمام
لا مش تمام
لان العربية بردو شكلها يقرف :(
اولا العربية من جوة بجد تحس انك راكب جررار
من تحت الدريكسيون مكشوف واسلاك طالعة واسلاك خارجة تحس ان انت لو اتزنقت اوى ممكن تعمل منها حمام منك عـالشارع على طول
وده غير الطابلو وغير فرش العربية وغير الارضية وغير الكاسيت والسماعات وغير الجوانب بتاعت الابواب اللى فيها الاوكرة بتاعت الباب (معرفش دي تبع الفرش ولا لا) وغير الدريكسون نفسو اللى عامل زى الطفل اللى عندو كساح
ثانيا الشكل من برة
انا زى ما قلت ظبط النص الامامى على قد ما قدرت
ماعدا الكبوت
فعايز اعرف (وده بعد ازنكو يعنى) الكبوت والاربع ابواب والشنطة والاكصدام الخلفى والفوانيس الخلفي
اسعارهم كام
ولو عايز ارش العربية كلها (عايزها نفس اللون بس من جديد بقي على نضافة يعنى) عشان شغل السمكرة بوظ الدهان اكتر فهيكلفنى كام
فبعد اذنكو عايز اعرف اسعار كل الحجات دى كلها بكام واجيبها منين وايه النصايح اللى اعمل بيها وانا بشترى وكدة يعنى اظبطونى يا رجالة
واخيرا ده اول موضوع ليا عـالمنتدى وانا قعدت يوم كامل على المنتدى واتفرجت على تقريبا كل المواضيع المثبتة وعجبتنى جدا ولاقيت ناس فااهمة كتير اوى فغير انى بطلب منكم الاجابات بالتفصيل لانى مبتدئ اوى عايز اشكركم على جهدكم العالى وخبرتكم الجبارة
وده مش كلام منتديات ده كلام طالع من القلب والله لانى استفدت كتير في يوم واحد ♥ ♥
اه بالمناسبة اعرف ازاى العربية موديل كام وكام سيسي (ده بتاع الماتور يا شيخنا مش اللى لاسعكو على قفاكو =D وصناعة مصري ولا خليجي
وشكرا تانى
رقم العضوية : 146815
تاريخ التسجيل : 02Aug2013
المشاركات : 157
النوع : ذكر
الاقامة : القاهرة
السيارة: مرسيدس 2010 C250
السيارة[2]: مرسيدس SEL 500
دراجة بخارية: في المستقبل
الحالة :
رش العربية هيكلفك حوالي 1200 جنية و انا اعرف ورشة حلوة قوي الي شغالين فيها اساسا شغالين في توكيل مرسيدس بيعرفوا يدهنوا كويس و لو عايزة مط يعملة برجتك او عايزة ماجيك الي بيدي لونين في الشمس بردة موجود اما بنسبة للابواب و الكبوت و الشنطة و الفوانيس ليداد و معدلة هيكلفك حوالي 5000 جنية او 6000 بكتير :) :) و ربنا يوفقك و يكفيك شرها لو حبيت تستفسر عن حاجة ممكن تبعت رسالة
المفضلات