الموضوع: ترموستات الكوعة

المشاركة الأصلية كتبت بواسطة ayman20100

عندي المروحة بتشتغل على 90 تقريباً ورغم كده الحرارة بتوصل 100 في الزحمة والحر والمروحة بتفصل بعد فترة طويلة حتى لو بطلت العربية ومش بتنزل عن 90 غير شرطة واحدة ده لو فصلت العربية خالص والمروحة شغالة تبريد .....
السلانسية عندي على 10 عالى + انا شاكك في مروحة الريداتير مش كويسة او في ثرموستات الكوعة
وطبعاً الميكانيكي بيقولي شوف الريداتير وبتاع الريداتير قالي الريداتير سليم غير المروحة وهات واحدة سرعتين ومش مقتنع بكلامه

مين بقى ممكن يقولي فين المشكلة ؟؟؟ ريداتير سليم ، ميه مش بتنقص ، ترموستات ريداتير جديد وشغال ، مروحة شغالة (بس مش قادر احدد قوتها كفاية ولا لاء ) + ثرموتسات الكوعة مش عارف احدد ايه علامات تلفها ؟

ممكن تلغى ترموستات الكوعة نهائى كل الفليشياوية لاغينها وانا اولهم ليه؟ علشان دى بتخنق حركة المية وسعات بتهيس وتكون النتيجة تضربلك جوان وش السلندر فبنلغيها وده لو حضرتك لقيتها راكبه اصلا ومفيش مشكلة من لاغيها ولما تلغيها شوف اللى حيحصل لو العربية ضبطت تمام لو فضلت الحرارة عالية بعد ماتلغيها تغير الرادياتير بدون ادنى تفكير انا غيرت الرادياتير من شهر بواحد صينى لما باجرى بالعربية على 120 ك درجة الحرارة بتنزل ل 80 والمروحة بتفصل تماما ده فى عز الظهر ده طبعا بعد ماغيرت الرادياتير والرادياتير القديم كان الأصلى بتاع العربية كان بيسخنها فى الطوالى والحرارة بتوصل ل 100 رغم ان مروحه التبريد شغالة وبوظلى جوان الوش وغيرته بعد ماغيرت الرادياتير ونسيت موضوع الحرارة ده تماما وطبعا انا لاغى ترموستات الكوعة ومركب ترموستات 90/80 علشان المروحة ماتفضلش شغالة كتير وربنا معاك !!