يا جماعه ساعدوني أرجوكم

**sindbad2day29** · 31-07-2013 08:03 AM

السلام عليكم
يا رجالة ال ck 2 ......
عندي مشكله عويصه جدا و مش لاقي حل و هي إن العربيه بتسخن أن مؤشر الحراره بيعدي النص بشرطه واحده فقط و هذا لايحدث إلا على الطريق الطوالي فقط و أكرر فقط و بالذات على الخامس ...أو عند تشغيل التكييف برضه على الخامس ...
العربيه زي الفل في كل حاجه تانيه و عمرها ما بتسخن جوه البلد يعني على الاول و التاني و كده و التكييف زي الفل ... العربيه موديل 2010 و عامل 55 ألف كيلو و صيانتها كلها في التوكيل .....
بس كنت غيرت الرادياتير من سنه و مع العلم إن الموضوع ده محصلش الا بعد التغيير بشويه كده و لكن الميه مش بتنقص و تمام و الزيت تمام و عملولي وصله أرضي و مفيش فايده و غسلولي السربنتينه و الرادياتير و مفيش فايده و غيرت الميه كذا مرة و مفيش فايده ....
إيه رأيكوا أكمل و لا أطنش و خلاص ؟؟؟؟
ملحوظه ... لو أنا ماشي على الخامس بسرعة 100 مثلا و مورت الفتيس ألاقي المؤشر ينزل بسرعه للنص هاتجنن خلاااااااااااااااص

**M.Al-Hefnawy** · 31-07-2013 02:28 PM

السخونية كده ما لهاش سبب غير وش السلندر ... ممكن يكون الجوان ... حضرتك تخليهم يكشفوا عليه

**q_pidmusic** · 05-08-2013 01:05 AM

هو فين التوكيل ده يا باشا عشان انا عندي نفس المشكلة في العربية بتاعتي وهي جيلي باندا مو2011
ورحت التوكيل اللي في ابو رواش اللي هوغبور بس كان كل العربيات اميجراند لدرجة اني وانا داخل الامن معرفش ان العربية دي جيلي, ياريت نمر التليفون والعنوان اكون شاكر جدا عشان انا برده عايز اغير الريداتير

**sindbad2day29** · 08-08-2013 04:32 AM

المشاركة الأصلية كتبت بواسطة q_pidmusic

هو فين التوكيل ده يا باشا عشان انا عندي نفس المشكلة في العربية بتاعتي وهي جيلي باندا مو2011
ورحت التوكيل اللي في ابو رواش اللي هوغبور بس كان كل العربيات اميجراند لدرجة اني وانا داخل الامن معرفش ان العربية دي جيلي, ياريت نمر التليفون والعنوان اكون شاكر جدا عشان انا برده عايز اغير الريداتير

التوكيل ده في الزقازيق يا باشا
مؤسسة خالد للتجاره "فرع الصيانه "

**sindbad2day29** · 08-08-2013 04:56 AM

المشاركة الأصلية كتبت بواسطة m.al-hefnawy

السخونية كده ما لهاش سبب غير وش السلندر ... ممكن يكون الجوان ... حضرتك تخليهم يكشفوا عليه

و حكاية الجوان دي ممكن تظهر إزاي أو تتعرف إزاي و هل ممكن تظهر في الكشف بالكمبيوتر ؟

**dr.hazem** · 08-08-2013 05:01 AM

ممكن السرعه التانيه للمروحه لو هي سرعات....
وممكن الراديتير محتاج تسليك...
تحياتي

Sent from my Xperia Arc S using Forum Runner

**sindbad2day29** · 06-09-2013 03:21 AM

هو مفيش فايده و لا إيه

**hugan** · 06-09-2013 03:36 AM

لازم تراجع كل خراطيم المياه الداخله والخارجه من الردياتير
ممكن يكون فيها خرطوم فيه انسداد
وكذلك تشوف طلمبه المياه
لانها ممكن تكون تقليبها ضعيف

**saddam** · 06-09-2013 09:49 PM

يا أفندم إنت عايز الخلاصة ولا عايز تسمع كلام كتير وكقتة مفيش
الخلاصة فخدها من مجرب لنفس مشكلتك في كذا ماركة عربية حتعمل التالي حتفصل راديتير أكبر من الفبريكة و3 أو 4 ماسورة وحتحط مياه خضراء محترمة غالية وكمان حتركب مروحة كهربائية أمامية قوية نسبيا على ثرموستات 72 إلى 82 ولتكن مروحة فيرنا سغرها رخيض جديدة في التوفيقية وب 180 جنيه وعيش حياتك موضوعك باين من غير متعرضو على حد بالعقل عربية بتسخن بس لما اﻷر بي إم يعلى ولما تمور وفي الزحمة حترجع طبيعي يبقه إيه يبقه راديتير صغير عليها ومروحة مش ملاحقة عليها ودمتم للنضال نفذ فورا وحتى لو قال لك الميكانيكي غلط قوللو ملكش فيه ولو مفيش عندك مكان لتوسعة الراديتير فكر ولاقيلو مكان ومتقلقش مشكلتك بسيطة