اذا عزمت فتوكل .
رقم العضوية : 56253
تاريخ التسجيل : 19Dec2009
المشاركات : 64
النوع : ذكر
الاقامة : القاهرة - زهراء المعادى - بيتشو امريكان سيتى
السيارة: سيتروين أكسارا 2001
السيارة[2]: Fiat 131 - 1979
دراجة بخارية: صرفت نظر عنها
الحالة :
كل سنة وحضراتكم طيبين ورمضان كريم على الامه الاسلامية جميعاً ...السلام عليكم ورحمه الله وبركاته
كنت فى حيرة من مدة طويلة ،، فى انى أختار عربية على قد الميزانية .. يا سلام علي القافيه :d المهم العربية تكون شكل و مضمون وقطع غيار على القد وكل حاجه ،، ودخلت فى معارك كتير بين عربيات كورى ويابانى و اوروبى .. إلى ان توصلت نهاية المعارك إلى (الرينو ميجان) انا مش هقدر اتكلم عنها ،، لان يكفى اللى قالوه عنها الاعضاء اللى موجودين هنا وفى اى منتدى ... من الاخر عربية فوق الخيال.
لكن لما تيجى لأرض الواقع وتكون الفلوس فى ايدك دلوقتى !! وخلاص هتشترى عربية بقى والدنيا هتضحكلك وكله فى اللذيذ .. تقوم ترجع تفكر تانى فى القرار اللى خدته بالنسبة للعربية ،، تيجى تقرء تانى وتالت مواضيع الاعضاء اللى هنا ،، والشك يدق بابك اللى يقولك جيت ادورها الصبح مدارتش لازم تشيل اواطيش البطارية لمدة دقيقتين وترجع تحطهم وتدور واللى يقولك تخبط على مش عارف ايه تلاقيها دارت !! واللى يقولك الرسايل اللى بتطلع على الطريق وهو ماشى ،، اذا كان اوفر هييت مش عارف فى ايه ، و الاير باج ماله ،، وترس الديفيزور اللى تقريبا تلات تربع المواضيع بتتكلم عنه والكويلات واللى يقولك متشتريش الميجان البانوراما علشان ساعات السقف بيعلق و بيسرب مايه ،، و المفتاح بتاع فتحة السقف تمنه 1500 جنيه !!! والخ الخ الخ من المشاكل !! وحوارااااااات !!
طبعا دى حاجه متخلنيش اكره الميجان بعد سنوات الحب دى كلها (عشق من بعيد لبعيد :d) لكن لما تيجى تقرب وتطلب ايديها ،، ممكن ترجع تفكر تانى ... فالسؤال المشهور .... هل تنصحونى بيها (بغض النظر عن اللى هيقول لو شوفت واحده كويسة مش هتشوف منها المشاكل دى ولو حافظت على صيانتها مش هتلاقى فيها الحوارات دى ) انا بتكلم عن الميجان كعربية ،، هل فعلا الحاجات دى بتظهر فيها لوحدها كدة يعنى ممكن ابقى مغير كذا وكذا و ابقى ماشى فى امان الله الاقيها تعطل على الطريق و حساس مش عارف ايه ماله وترس ابصر ايه ماله وتخلينى اكره اليوم اللى جبتها فيه و الخ الخ الخ ... و وجع قلب !!
فأرجو ان حد يطمن قلبى لانى المفروض هشتريها الأسبوع دة ان شاء الرحمن... وشكراً
رقم العضوية : 137048
تاريخ التسجيل : 22Mar2013
المشاركات : 1,584
النوع : ذكر
الاقامة : القاهره
السيارة: فورد كا
السيارة[2]: فيات 127
الحالة :
اذا عزمت فتوكل .
رقم العضوية : 128309
تاريخ التسجيل : 30Jul2012
المشاركات : 1,464
النوع : ذكر
الاقامة : rashid
السيارة: فولكس واجن جولف 7 ( MK7 )
السيارة[2]: نيسان صنى 2016
دراجة بخارية: بعتها ومش هجيب تانى
الحالة :
]لسلام عليكم :- أنا معايا العربية دى موديل ٢٠٠٥ شاريها استعمال ماشيه ٦٠٠٠٠ ألف كيلو تمام صيانه توكيل بقالها معايا ٣ سنين دلوقتى عدادها ١٣٥٠٠٠ ألف كيلو وبرضك مستمر صيانه توكيل .....! الحمد لله الحمد لله الاعتمادية على السياره فوق الهايله بجد عربيه محترمه جدا بس تعاملها برقى واحترام هتديك كل حاجه كويسه باذن الله وارجوا أنى أكون افدت حضرتك ومطولتش عليك
المفضلات