مشكلة في هيونداي Santafe - فتيس الغرز

**M.Osama** · 01-08-2013 04:45 AM

السلام عليكم

عندي مشكله ف عربيه هيونداي Santafe.. دايما فتيس الغرز شغال.. وطبعا مقلل عزم العربيه جدا ف الطلعه وكمان بيعمل دبدبة جامده ف الدورانات

ازاي افصله نهائيا ؟ علي الاقل لحد اما اشوف الصيانه.. هل له فيوز مثلا ممكن اشيله ؟ لاني مش لاقي له زرار ف العربيه نهائيا !!

**AlGazar2** · 01-08-2013 06:03 AM

الى اعرفه ان فتيس الغرز فى العربيات دى بيبقى فتيس منفصل بتفصل منة و تخليه على وضع المور
و لو مش موجود هيبقى فى الفتيس بتاع العربية نفسه نقلة ليه او زرار فى العصاية نفسها للغرز

**ahmedalaahosny** · 01-08-2013 06:46 AM

اكيد فى نقلة من النقلات تجيب عندها الفتيس عشان يقفل الغرز هة عامة المفروض ان الفتيس الغرز بيقفل لواحده عند 60

**M.Osama** · 01-08-2013 03:09 PM

للاسف مفيش زرار ليه ولا اي علامه علي وجوده.. بس هوا فعلا بيفصل عند 60 وبتمشي العربيه كويس بعد كدا

**ahmedalaahosny** · 01-08-2013 04:11 PM

طب هو حل المشكلة دى ان حضرتك تصورلنا الفتيس بالعصاية اللى جنبه كده بتاع صورتين موضح فيها النقوش اللى ع الفتيس من فوق لو مانيول لو اوتوماتيك هاتلنا كل الحروف مع بعض عشان بس نقدر نفكر مع بعض بصوت عالى

**ahmedalaahosny** · 01-08-2013 04:23 PM

طب هى موديل كام؟

**M.Osama** · 02-08-2013 12:22 AM

المشاركة الأصلية كتبت بواسطة ahmedalaahosny

طب هو حل المشكلة دى ان حضرتك تصورلنا الفتيس بالعصاية اللى جنبه كده بتاع صورتين موضح فيها النقوش اللى ع الفتيس من فوق لو مانيول لو اوتوماتيك هاتلنا كل الحروف مع بعض عشان بس نقدر نفكر مع بعض بصوت عالى

المشاركة الأصلية كتبت بواسطة ahmedalaahosny

طب هى موديل كام؟

العربيه موديل 2009

صورة الفتيس زي دي بالظبط

مفيش فيه اي زراير اضافيه.. ما عدا الزرار الي جوا خالص عند الولاعه ده 4wd lock الي بيشغل ال 4x4

**Land_Cruiser** · 02-08-2013 01:24 AM

اللي انا اعرفه يا فندم ان مفيهاش فتيس غرز و ان تصميمها انها في البدايه بتشتغل AWD و بتوزع العزم بنسبه 90% علي العجل الأمامي و 10% فقط للعجل الخلفي لحد ما توصل لسرعه 60 و بعد كده بتشتغل دفع أمامي فقط و اذا حضرتك حبيت تخليها تكمل 4wd تروح ساعتها دايس علي الزرار بتاع ال 4wd lock و ده هيخللي العزم يتوزع بطريقه متساوية 50/50 بين العجل الأمامي و الخلفي يعني في اختلاف ما بين اول ما العربيه بتتحرك مختلف عن تشغيل ال 4WD في توزيع العزم و نظرا لان اللي بيروح للعجل الخلفي 10% فقط فموضوع ان حضرتك تحاول تفصله مش هيأثر علي استهلاك البنزين بنسبه ملحوظه يعني و اكيد صمموها كده لانه اخذ في الاعتبار عوامل كتير زي وزن العربيه مثلا و التسارع و لذلك فلا يفضل محاوله اللعب فيه و طبعا حضرتك سايق العربيه و اكيد تقدر تقارن اذا كانت كده من الاول او اذا كان الموضوع زايد عن حده و لو كان في اي تغيير يبقي روح التوكيل افضل علشان تتأكد

**M.Osama** · 02-08-2013 02:07 AM

لا حضرتك العربيه كانت تمام ومظبوطه ومفيهاش اي مشاكل وتسارعها ف البدايه ممتاز لحد اما فجأه ظهرتلي لمبه بتنور وتطفي ف التبلوه علي شكل حرف h كدا وسألت عرفت انها لمبة فتيس الغرز ومن اعراضه ان العربيه بتطلع بصعوبه جدااا وبتعمل دبدبة ف العجل ف الملفات لان علي حسب فهمي يعني انه بيمنع عجله من الحركه وهي الي بتعمل الدبدبه دي.. مشكله العربيه انها جمرك وتوكيل غبور رفض يستقبلها لانها خليجي.. فكنت عاوز اعملها حل مؤقت لحد اما ترجع السعوديه وتتظبط هناك

**Land_Cruiser** · 02-08-2013 04:04 AM

المشاركة الأصلية كتبت بواسطة M.Osama

لا حضرتك العربيه كانت تمام ومظبوطه ومفيهاش اي مشاكل وتسارعها ف البدايه ممتاز لحد اما فجأه ظهرتلي لمبه بتنور وتطفي ف التبلوه علي شكل حرف h كدا وسألت عرفت انها لمبة فتيس الغرز ومن اعراضه ان العربيه بتطلع بصعوبه جدااا وبتعمل دبدبة ف العجل ف الملفات لان علي حسب فهمي يعني انه بيمنع عجله من الحركه وهي الي بتعمل الدبدبه دي.. مشكله العربيه انها جمرك وتوكيل غبور رفض يستقبلها لانها خليجي.. فكنت عاوز اعملها حل مؤقت لحد اما ترجع السعوديه وتتظبط هناك

http://nileup.com/up/uploads/nilemotors_13754045061.jpg

دي اللمبه اللي نورت لحضرتك مش كده ؟ دي لمبه ال AWD system warning light و دي الطبيعي بتاعها انها بتنور ثانيتين اول ما تدور العربيه و بعد كده بتطفي و معني انها بتفضل تنور و تطفئ علي طول مش ثواني بس ان في مشكله في نظام ال AWD و بيخللي توزيع العزم مش 90 علي العجل الامامي و 10 علي الخلفي زي الطبيعي و لكن بيغير النسب دي و من هنا بتحس بالمشاكل اللي حضرتك وصفتها وزي ما قلت لحضرتك قبل كده ان عند سرعه 60 في جميع الاحوال ال AWD بيفصل و علشان كده لما بتوصلها ما بتحسش بأي مشاكل . الحل ان العربيه لازم يتكشف عليها و مشكله ال AWD تتحل و لو التوكيل مش راضي يصلحها علشان خليجي ممكن تدور علي مراكز تانيه معتمده او شغاله في الخليجي يحلوا المشكله او تستحمل الموضوع ده لحد لما ترجع او تركنها حسب اختيار حضرتك