معروض عليا اوكتافيا a5 موديل 2008 .. ايه رايكم ؟؟
كل عام و انتم بخير جميعا دول اول مشاركة ليا من فترة طويلة و اول مشاركة ليا في قسم الاسكودا
انا معروض عليا اسكودا اوكتافيا a5 .. موديل ٢٠٠٨ .. بتاعة حد قريبي محترم جدا و سبب البيع هو انه هايستلم عربية جديدة في شغله .. نيجي بقي للمواصفات :
١- اوتوماتيك هاي لاين ( فتحة سقف و بلوتوث و تلاجتين و كل الكماليات دي )
و معلش انا معرفش في الفئات بتاعة الاسكودا
٢- العربية عاملة ١٥٠ الف كم و ده لانه صاحبها بيسافر كتير و طبيعة شغله كده
٣- العربية حالتها الداخلية ممتازة و الخارجية ماعدا بعض الرتوش اللي هاقول عليها
٤- العربية معملتش حوادث و لا حاجة لكن اتخبطت قبل كده في الاكصدام
٥- معظم صياناتها في التوكيل
٦- العيوب اللي قاللي عليها و زي ما قولت انه شخص محترم للغاية و لا اشك به اطلاقا : التكييف مش شغال و قالي انه ممكن يحتاج كومبريسور و الاكصدام الامامي محتاج تغيير بسبب الخبطة اللي فيه و قاللي انه الكشافات الامامية ممكن تحتاج فيها تغيير
٧- السعر اللي بيقوله انه حاطط سعر ٩٥ الف بس هايخصم تكلفة تصليح الحاجات اللي قال عليها يعني ممكن تنزل لحاجة و تمانين مثلا
٨- فيه تسهيل في السداد بحكم القرابة يعني هاياخد تلتين المبلغ و التلث بعد ٤ شهور..
ده الموقف اللي قدامي و انا هاشوف العربية لانها في القاهرة و انا من الصعيد علي الاسبوع الجاي .. ايه رايكم يا وحوش الاسكودا ؟؟؟ اخلص فيها و لا ايه ؟؟؟
علي فكرة انا معايا لوجان فول اوبشن ٢٠١٠ مغربي و عامل بيها ٣٧ الف كم مانوال .. بس نفسي اركب سكودا لانها عاجباني من بدري و مكانش معايا ساعتها غير تمن اللوجان .، انما دلوقت الحمد لله الامور كويسة و الراجل عارض تسهيلات بسبب القرابة و كدة ؟؟؟
المطلوب دلوقتي .. هل السعر كدة كويس ؟؟ و اكشف عليها فين ؟؟ و الحاجات اللي قال عليها دي اصلحها فين و كده ؟؟؟
اسف علي الاطالة و تقبلوا صداقتي و تحياتي
د. جلال
ارسلت لحضرتك رسالة على الخاص
اقتباس:
المشاركة الأصلية كتبت بواسطة eng_amrnabil
ربنا يوفقك لشراءها وتكون من نصيبك باذن الله
ولو ناوي تبيع اللوجان ابعتلي مواصفاتها عشان عايز اشتري ومش لاقي حالة كويسة
ارسلت لحضرتك رسالة فيها المواصفات علي الخاص
و في انتظار ردك
جديد موضوع سكودا a5 موديل ٢٠٠٨
اقتباس:
المشاركة الأصلية كتبت بواسطة طارق _عبد السلام
وانت بكل خير وصحه
منور منتداك وانت بين اخوانك ان شاء الله
وفى انتظار الجديد ان شاء الله
النهاردة العربية كانت في التوكيل بتاع سكودا
و تم الكشف عليها و تغيير الزيوت و الفلاتر و عمل تقرير من التوكيل
١- فيه خبر كويس انه التكييف اشتغل كويس جدا لما كشفوا عليه اشتغل و بدون و لا مليم و رغم كده محتاج عنوان و تليفون حد يكون بتاع تكييف سيارات الماني .. كان زميل هنا كان علي حد اسمه العاقل ..
٢- فيه حاجات التوكيل كاتب انها تتغير .. زي المساعدين الامامي و البطاحة و شوية حاجات في العفشة و برضه الردياتير .. و كاتب طبعا اللوازم بالتركيب ١٠ الاف جنيه .. هل فيه مركز صيانة يكون ممتاز بحيث يعمل الشغل ده و يكون عنده الحاجات الاصلية بتاعة العربية زي التوكيل ؟؟ يا ريت لو امكن تليفونه
٣- عاوز اجيب ٤ فرد كاوتش جداد لانه اللي فيها تعبوا اوي .. هيا موديل a5 .. اليجانس الفئة اللي فيها فتحة سقف بس مفهاش زينون .. يا تري المقاس ايه ؟؟ و اجيبهم منين و كده .. و عاوز حاجة تكون كويسة عشان موضوع العزل
٤- فيه شوية سمكرة في الاكصدام الامامي و الرفرف الخلفي شمال .. يا تري مين احسن حد يعملهم ..
اسف علي الاطالة و جزاكم الله خيرا .. كل عام و انتم بخييير
الحمد لله بقيت من اصحاب سكودا
كل عام و انتم بخير يا رجالة سكودا ... لله الحمد بقيت من رجالة سكودا بعد ما دفعت عربون العربية .. و اتفقت مع صاحبها علي كل شيء .. انا حاليا في القاهرة ... بس المشكلة من ساعة ما وصلت كان عندي ظروف اسرية كده .. حمايا تعب فجأة و دخل مستشفي المعادي العسكرى .. انما لله الحمد خرج و حاليا بيكمل علاج في البيت .. امبارح بقي كانت معايا الاسكودا 2008 اللي قولتلكوا عليها .. انطباعي عن العربية :
١- العربية من الداخل حدث و لا حرج طبعا هي اليجانس هاي لاين من غير زينون .، كل الكماليات تعمل بصورة ممتازة و جربتها بنفسي .. ما عدا مثبت السرعة .. عشان لسة ما اعرفش بيشتغل ازاي .. الكاسيت الاصلي بتاعها ممتاز و الكار كيت يعمل جيدا .. حتي فتحة السقف جربتها .. الفرش الجلد البيج الاصلي بحالة ممتازة و بس عاوز يتغسل عند حد متخصص انما لله الحمد مفهوش قطع و لا خدش .. العدادات رائعة .. الدركسيون المالتي فنكشن يعمل جيدا ..
ملحوظة : واحدة بس في العربية من الداخل .. التكييف كان شغال تلاجة .. بس صاحب العربية قاللي في النهار الكومبروسور بيشتغل بس ما بيجبش سقعة .. انا استغربت جدا لانه بليل كان تلاجة بمعني الكلمة .. حد عنده تفسير او حل للموضوع ده ؟؟؟
٢- العربية من الخارج : -
- الاكصدام الامامي مش مظبوط .. فيه كلبسات تقريبا وقعت او كده يعني فيه مسافة صغيرة بينه و بين البودي بتاع العربية و ده من اليمين و الشمال
- فيه حكتين في الرفرفين اليمين و الشمال ورا بس حجمهم صغير
- الاكصدام الخلفي جيد و لا يوجد به الا خدوش بسيطة للغاية
- الكاوتش محتاج تغيير و هي عليها جنوط ١٦ سكودا الاصلية طبعا .. و صاحب العربية نفسه قاللي محتاجة كاوتش جديد .. و علي كلامكم هنا احسن حاجة كومهو اكستا spt ku31 .. لو حد يعرف مكان تكون فيه فرد الكاوتش لاني شفت ناس هنا بتقول مش موجودة بسهولة .. واذا ملاقيتهاش ايه الاختيار التاني .. انتوا عارفين انا جاي فترة قليلة في القاهرة و ماشي
٣- تقرير التوكيل : مكتوب فيه تم عمل صيانة ٣٠ الف و تغيير زيوت و فلاتر السيارة و انها تحتاج لبعض قطع الغيار كلها حاجات مستهلكة في العفشة .. يعني شداد فتيس .. مساعدين قدام ،، تيل فرامل .. حاجات كده كده بتستهلك و العربية انا متفق مع صاحبها اني هايخلص كل الشغل اللي فيها لحد اول تسعة يكون استلم عربيته الجديدة و انا كمان بعت عربيتي اللوجان
٤- قيادة العربية : طبعا دي ثالث مرة في حياتي اسوق اوتوماتيك و اول مرة ستيبترونيك .. انما العربية بتديلك احساس بالفخامة غير طبيعي .. و السواقة سهلة جدا لاني وجلي الشمال بتبقي عاوزة تدوس في اي حاجة .. انما خرجت بيها عند سفن ستارز في التجمع و الدنيا زحمة عشان العيد و حسيت براحة و بالبلدي حسيت اني كان لازم اسوق اوتوماتيك من زمان ههههه ... سحب العربية جيد و استجابة ممتازة و عزل ممتاز عن الخارج و صوت الموتور هادي بس تحس انه قوي .. من الاخر عجبتني بشدة و لله الحمد ...
انا اتفقت معاه خلاص اني هاخدها و دفعت عربون كمان...،، مستني رودكم و اقتراحاتكم بالذات : موضوع التكييف و مكان بيع كاوتش كومهمو حتي لو بعيد عن التجمع مش مشكلة المهم مضمون ... و الحاجات اللي في الاكصدام الامامي اعملها عند مين و فين مكانه ؟؟
و جزاكم الله خيرا و في انتظار الردود الحلوة
تعرف حاجة عن مركز محمد سمير للصيانة
[QUOTE=Moratoz;3875131028] اقتباس:
المشاركة الأصلية كتبت بواسطة Thebutcherr
موضوع التكييف من الاخر عشان متتعبش نفسك محتاج كومبيسور + سربنتينة ده عيب معروف فى جيتا و اوكتافيا 2007ظ2007 هيكلفك حوالي 4600-4750 ( الكومبريسور ساندن تايلاندي) و لازم تغير السربنتينة مع الكومبريسور عشان تحس بكامل الفرق
ريح بالك هي دى الخلاصة[/
اولا العربيه ٢٠٠٨ ومشكله اللكم بروس اتحلت في موديل ٢٠٠٨ ولو الكمبرسور بايظ ممكن يجئ بتاع تويوتا كرولا او جوف ٤ وبيركب علي نفس القواعد تقريبا ومش بتحتاج تغير سربنتينه
ازيك يا عمرو باشا ؟؟؟ اخبارك ايه ؟؟؟
١- كلمت اولاد بيومي بتوع الكاوتش اللي في الدقي و عندهم الكومهو اكستا علي ٥٠٠ جنيه الفردة شامل كله
٢- استقريت علي اني هاعمل السمكرة البسيطة عند المهندس كريم منير في مركز نايل موتورز ان شاء الله لانه الناس كلها بتشكر فيه
٣- العفشة و الذي منه ربنا يسهل فيها و سمعت عن الشركة الهندسية فولكس فاجن اللي فيها محمد سمير .. فيه حد اعرفه كويس بيقولي عليه انه محترم و شغله نضيف .. هو بجوار السندباد .. بس مًش عارف رقمه او العنوان بالظبط .. يا تري سمعت عنه ؟؟؟ و لا نشوف اللي قولتلي عليه
٤- التكييف قولت اخليه بعد ما اظبط العفشة و الكاوتش و السمكرة و لا ايه ،،،؟؟؟؟؟