سبحان الله وبحمده سبحان الله العظيم
عرض للطباعة
سبحان الله وبحمده سبحان الله العظيم
معلش انا اسف بس حضرتك بتعمل update للموضوع
هو لسه ما تحلش وعايز الناس تجدد نصايحها ولا فيه حاجة تانية
ان بجدد اسفى للمرة التانية
لسه.... عشان لو فى اى نصايح تانية من الاخوة الكرام
ودعواتكم ليا وربنا المستعان
اسال الله ان يعينك على ما انت فيه من بلاء
انا هاقولك الحل من وجهة نظرى او لوكنت مكانك (بس اللى ايده فى المياة مش زى اللى ايده فى النار)
انا شايف ان انت اللى شايل المشكلة على كتف مع ان بلعبة بسيطة ممكن تقلبها مشكلتهم هما
بص يا سيدى انت تتصل بواحد من اخوتها ويفضل اللى مش عايش معاهم فى البيت
قولو البيت اللى انا اضطرت منه واتقلت فيه كرامتى عمرىماهدخولوا تانى
وهتحدد معاد مثلا اليوم كذا ده يكون هما جابو عمال وعربية نقل ويرجعوا العفش للشقتك وانت تحاسب العمال والعربية هنااك
وقبل ده كولو تجيلك هيا لواحدها من غير امها بيت اهلك وتعتذرلك وتبوس ايدك قبل دماغك
وساعتها تبقى المياة رجعت لماجريها وتملى عليها شروطك كلها وخصوصا فى موضوع علاقتك معاها وتديها كتاب زى فقه السنة وتقولها تقرأ باب معاملة الازواج
يا اما مش هتجيلك وساعتها تبقى لا بتحبك ولا مقدرة العشرة وامها مقوية شوكتها يبقى ساعتها تنفصلوا
وبردو هرجع اقول لك دى مجرد وجهة نظر وربنا ينور بصيرتك
السلام عليكم ورحمة الله وبركاته ...
اخى الكريم نفس موضوعك حصل مع واحد صديق ليا مع اختلاف التفاصيل ...
ودلوقتى هما عايشين فى هناء وسرور ...
الحل انك تخلى حد قريب منهم جدا يوصلهم انك ناوى تتقدم لناس علشان تتجوز لانك زهقت وهتخلى بنتهم متعلقة زى البيت الوقف ...
بس اهم حاجة يكون شخص موثوق فيه ...
بعد كده ان شاء الله هييجوا ويتفهمه واول حاجة تتنقل لشقة تانية حتى لو شقتك لسه متاجرة تاخد شقة ايجار ومتقبلش باى حل تانى ...
حصل جديد اليوم يا جماعة :
اخوتها الرجالة الاتنين جاءوا عندى الشغل النهاردة
وماعرفوش يدخلوا عشان اجراءات الامن واتصلوا بيا من على البوابة
فانا طلعت ليهم على البوابة وسلموا عليا بالاحضان وازيك يابو حميد وكده
واحد منهم بيقوا يننفع تسيب البيت من رمضان يا بوحميد
المهم اديتهم وش خشب وقلتهم امكم طردتنى من البيت ومحدش فيكم كلمنى .. راح اخوها التانى باصص فى الارض
المهم اخوها اللى ساكن بره بيقولى تعالى عشان نقعد مع بعض النهاردة فى التجمع
قولتوا مش هروح التجمع وبعدين ده مكان شغل وما ينفعش نتكلم وفى كاميرات مراقبة
راح التانى اللى ساكن معاهم بيقولى تعالى عندى قولتوا مش رايح عندك
المهم اتفقنا على تليفونات وسلام
ايه رايكم
ربنا يوفقك الى ما يحبه ويرضاه
كويس انك عرفتهم انك مش اهبل و لا بريالة
كويس الي حصل انهاردة منك
وان شاء الله خير بس تستمر علي هدوءك
هما بدأو بالاتصال بيك وده كويس و اعتقد انهم عايزين يلموا الموضوع ,
انت عليك الدور , اتصل بيهم و حدد موعد في مكان بعيد عن البيت ,
و كويس موضوع الوش الخشب ده , بس خللي بالك في وقت تشد و وقت ترخي ,
انا مش هضيف كتير رغم اني مريت بتجربتك ,
أول حاجة تنسوا موضوع الطلاق ده ,
تسيب البيت ده و ترجع لشقتك ان أمكن أو تأجر شقة مؤقتاً ,
تتفقوا على الخطوط الرئيسية زي عدم تدخل الأهل الا لو الدنيا باظت , زي حتى لو حصلت مشكلة مستقبلاً المفروض تعملوا ايه , مينفعش الزوجة تعللي صوتها و برده مينفعش الزوج يغلط فيها
تتفقوا على مناقشة أي مشكلة تقابلكم مستقبلاً و مش تسيبوها تتراكم و تكبر
مشكلة العلاقة الزوجية لازم تتناقش بينك و بينها فقط و مفيش مانع لو الموضوع محتاج تزور طبيب متخصص انت او هي