مشكلة عائلية وعايز النصيحة
انا فى مشكلة عائلية عايز اوضحها ليكوا عشان عايز الصح منكم
انا متزوج وعندى طفلين وحياتى كلها مشاكل مع زوجتى واهلها .
انا عندي شقتى تمليك وتزوجت فيها ..علما بان والد زوجتى –الله يرحمه - عنده بيت فيه خمسة شقق اخذ شقة له والباقى اربعة شقق مقسمة على اولاده (ولدين وبنتين ) لكل واحد شقة واخت زوجتى كانت مقيمة فى احدى هذه الشقق وانا زى ما قلتكم تزوجت فى شقتى التمليك .
بعد زواجى وربنا رزقنى بالطفلين طلب منى والد زوجتى التقل الى احد شقق منزله اللى المفروض مخصصة لزوجتى على اساس تبقى جنب اهلها واختها اللى هيا متزوجة فى نفس المنزل , روحت قمت بتشطيب الشقة بابسط الاشياء والخامات على قدر استطاعتى المادية وقمت بالنقل فيها.
بعد النقل للشقة الجديدة عرضت عليا زوجتى تاجير شقتى التمليك لمواجهة مصاريف المدارس والاولاد ولم اكن معجبا بالفكرة فى البداية ولكن بعد اللح منها قمت بتاجيرها .
علما باننى منذ بداية الزواج كان فى مشاكل بينى وبين ام زوجتى (حماتى) عشان كانت لئيمة معايا وبخيلة فى حاجات كتير مع بنتها زى المناسبات (رمضان والعيد وخلافه ....) علما بانه كانت موظفة كبيرة وليها فلوس بالبنك وكمان ولما ابنى الاول اتولد ما كانتش زى الامهات ترضى ترعى حفيدها واضررنا نوديه حضانة هشان كانت زوجتى بتشتغل كده مؤقته فترة وبعد كده سابت الشغل عشان ترعى الولد.
وبعدين لما نقلت لشقة زوجتى فى بيت حمايا بدات المشاكل تظهر بينى وبين زوجتى من جهة وبينى وبين حماتى من جهة اخرى ، وكان حمايا توفى قبل نقلى الى شقة زوجتى الله يرحمه علما بانه كان انسان طيب القلب جدا ويحبنى وانا ايضا احبه على العكس من حماتى اللى مش بحبها لله فى لله .
كل ما تحصل مشكلة بينى وبين زوجتى زى اى حد وصوتنا يرتفع شوية ، الاقيها دخلت علينا وطبعا انحازت لبنتها سواء غلطانه او مش غلطانة ... ووحده واحد وبمرور الايام بدات زوجتى تقوى عليا بسبب كده .
ونسيت اقول ليكوا عن اخوات زوجتى ..لها اخت تكبرها بثمان سنوات وكان ليها ظروف انها لم تنجب الا بعد 16 سنة زواج يعنى انجبت فى عمر 37 سنة وزوجها فى عمر 47 سنة على العكس من زوجتى اللى ربنا رزقها علطول ، وكنت احس علطول انها بتغير هيا وزوجها منى ومن زوجتى ومن الناس كلها .
الى ان حدثت مشكلة اخيرة بينى وبين زوجتى بسبب احد الاشياء التافهة فقامت امها بالنزول هيا واختها الينا وتدخلوا برضه وانحازوا اليها برضه فقمت بالنزول وتركت البيت .
ولما رجعت البيت لقيتها بتكلم امها فى التليفون عليا طبعا اتضايقت وقلت لزوجتى على فكرة ان لو حصلت مشكلة بينى وبينك تانى وحد اتدخل حطلقك وانتهى اليوم .
تانى يوم كنت قاعد بقرأ القران فى اوضتى ولقيتها بتكلم امها برضه فى التليفون وبتقول اتصورى بيقولى هطلقك واول ما قفلت التليفون لقيت امها واختها دخلو عليا الشقة وعملوا خناقة كبيرة معايا وامها قامت بطردى من البيت. فقمت رايح على بيت ابويا وامى .
ععايز اقول ليكم على حاجة انا مش مرتاح فى علاقتى الخاصة مع زوجتى وحقوقى الشرعية بتعملها معايا بالغصب منذ زواجى معها .
بالنسبة لاخوات زوجتى الرجالة واحد اكبر منها بست سنين وساكن معانا فى نفس البيت وواحد اكبر بثلاث سنين وربنا كرمه وتزوج بره ، هما للحقيقة كويسين معايا ولكن مش بيحلوا مشاكل اختهم وامهم معايا .
دلوقت انا كل حاجاتى مش معايا (ملابس و خلافه ..) وعايش مع ابويا وامى وعما ناس كبارفى السن
تنصحونى بايه عشان انا محطم نفسيا فى هذه الايام المفترجة .