هتجنن واعرف اسم التلاجات ده ايه ؟؟؟

**Mahmoud Nagieb** · 01-08-2013 01:39 PM

السلام عليكم يا شباب

انا بسأل عن التلاجات اللى بتبقى فيها شيبسى وبيبسى وشيكولاته وحاجات كده , وبتكون شغالة بالفلوس , تدخلها الفلوس وتختار الحاجة اللى موجودة وتنزلك فى الدرج

انا عايز اعرف اسمها ايه ياريت بالانجليزى او حتى بالعربى مش هتفرق

بس بصراحة انا دوخت فى جوجل علشان اعرف بس اسمها ايه ومش عارف

ياريت اللى يعرف يساعدنى

شكرا

**Land_Cruiser** · 01-08-2013 01:46 PM

اسمها vending machines يا فندم :)

**Y a r i s** · 01-08-2013 02:01 PM

بس السؤال هل ينفع التلاجات دي تنزل مصر !
اذا الاجانب الي هما اجانب لم تعلق كنزاية او علبة سجاير محشورة مش راضية تنزل. تبص تلاقيهم يخبطوا عليها ويدوها هاتتك باتاتتك شلاليت على بونيات لغايت ما تنزل البتاعه المحشورة .... فدي لو في مصر ودفعت فلوس ومخدتش حاجتك ياترى هتعمل في التلاجة دي ايه

انا شوفت زيها كده بقه بس مش تلاجة لا مكينة دفع اجرة جراش موجوده في جراش الازهر الجديد قاعدت ساعه. علشان تقبل المكنة العشرة الجنية القديمة الي معايا :)

**Land_Cruiser** · 01-08-2013 02:16 PM

هي الافضل انها تبقي بعملات معدنيه علشان موضوع الفلوس القديمه و الجديده ده و فرصه انها تتحشر اقل بكتير او يمكن منعدمه و كمان علشان الماكينه ما تقعدش تعمل عمليات زياده بدون داعي زي انها ترجع الباقي لان احتمالات الخطأ معاه بتزيد برضه

**Y a r i s** · 01-08-2013 02:58 PM

ايام مكنت في احد دول الخليج كان ليا واحد صاحبي ... هاا واحد صاحبي مش انا ههه
كان يقلي حط ريال في التلاجة من قدام بتاعت البيبسي ... فاحط الريال في اللحظة الي هو بينيم التلاجة على ظهرها وبسرعة يقوم كافي التلاجة على وشها ههههههه.
وسبحان الله سبحان الله. شوف حكمت ربنا ياجدع... تبص تلاقي اربع خمس كنزات نزلوا كده وكل ده بريال فقط :)

ايييه اياااام ...

**ehab** · 01-08-2013 03:15 PM

كانت موجودة فترة في فروع النادي الاهلي
و اختفت بعد كدا

**Y a r i s** · 01-08-2013 03:29 PM

ههههههههههههه
انتا بتقول فيها يا احمد باشا ... ده اذا الخليجين بيعملو كده وفي مكانت البنك كمان
اومااال احنا نعمل فيها ايه ههههه كل واحد عاوز يتغدى ولا يتعشى ولا يلحي بعد الاكل ... يديها طوبة والسلام

ده على مستوى كولدير ميه تبص تلاقيهم حاطينلك قفص حديد عليه يادوبك تدخل صوابعك منوا
علشان تعرف تشرب

انا من رأيي موضوع التلاجة الي. بتشتري منها غير مجدية اذا مكنيتش في قلب منشئة فيها حراسات ... والاجدى منها اننا نعين شباب يبيعوا شيبسي وبيبسي وشيكولاته. حتى علشان نكتب في الجرايد توفير اتنين مليون فرصة عمل للشباب ههههههههه ... فاكرين زي ما الحزب الوطني. اعلن عن توفير فرصة عمل ل ٣ مليون شاب عاطل. وتاني يوم نزلنا الشوارع لقينا كل رصيف واقف عليه عيل معاه دفتر تذاكر. قال ايه الوقفة بقت بفلوس. ( بلطجة وايتاوه ) .
ياخسارة اني ملحقتليش رصيف ... اشغل ابني عليه بعد مايتخرج من الجامعة انشاء الله :) {لأه}
يالله بقه هبقى اخليه يسرح ببسكوت وشيكولاته :)