الموضوع: أخوكم د/علاء أخصائى الجلدية والتناسلية فى انتظار اسئلتكم...

المشاركة الأصلية كتبت بواسطة ensan_71

السلام عليكم ورحمة الله وبركاته يا دكتور
عندى مشكلة بقالها معايا تقريبا 8 سنين وهيه انى بحس بالم من طول فترة الانتصاب ولو استحلمت احس بالم عند الصحيان وغالبا الالم ما بيكون على جانبى القضيب ومن الداخل ..... رغم انى روحت لاتنين دكاترة قالوا لى الامر عادى وعملت كمان تحليل بروستاتا وكل تمام الحمد الله ...... سبب الالم ده ايه مش عارف

اعمل دوبلكس ملون على القضيب لو الاوردة سليمه يبقى دة طبيعى مع الانتصاب وانتفاخ الاوردة

المشاركة الأصلية كتبت بواسطة محمد مجدى

الف شكر ليك يا دكتور علاء وربنا يحميك انت واهلك كلهم

انا عندى التهاب فى بصيلات شعر الذقن فى الرقبة والموضوع ده خانقنى ؛ وروحت لدكاترة كبار والله وكل اللى عملوه انهم خفوا الموضوع شوية لكن بمجرد ماحلق ذقنى بيرجع تانى الالتهاب وبيبقى شكلها وحش
هو التهاب بصيلات الشعر ده مالوش حل نهائى ؟

الحل النهائى هو ازاله الشعر بالليزر لان الشعر هو سبب المشكله ولازم يزال....لو غير ممكن يبقى حلاقة الذقن يوميا بفوم للبشرة الحساسة وفى اتجاة واحد...تحياتى

المشاركة الأصلية كتبت بواسطة ehab

دكتور علاء
انا عمري 24 سنة
و من سنة تقريبا ابتدي يكون في سقوط في الشعر
الشعر الي بيقع بيكون من الشعرات التخينة مش شعرات رفيعة
و حتي كمان بيوقع من جانب الرأس
هو ان بعاني من ضعط عصبي لفترات طويلة
هل ممكن يكون السبب فعلا و لا يكون androgenic alopecia
الموضوع بيقل مع استخدام pantogar بانتظام

...لو التساقط من منطقة التاج فقط والجانبين طبيعى وهناك وراثة للشعر الخفيف من ناحية الام زى الخال والجد...لو الشعر فى المنطقة دى بينعم ويضعف يبقى غالبا صلع وراثى ولازم البدأ فى العلاج قبل 5 سنوات

المشاركة الأصلية كتبت بواسطة salsat

السلام عليكم
جزاك الله خير يا دكتور وجعل ما تفعله فى ميزان حسناتك
ابنى عنده دلوقتى 2.5 سنة ومن سنة وقعت على ايده مياه مغليه واستعملت ميبو ولكن الى الان فى اثار للحرق عالى عن الجلد . ارجو النصيحة

حضرتك ارفعلى الصورة عشان اححد دى ندبة ولا اثار...وفى كل الحالات العلاج بسيط بدام هنبدأ بسرعة

استاذنك يا دكتور كنت عاوز لوسيون كويس لانبات الشعر لانه بدا يخف شوية من الجانبين في مقدمة الراس و سمعت ان الperforma كويس بس لما ابطله الشعر الجديد و القديم بيقع هل ده صح ؟ و برضه سمعت ان ال ecrinal ممتاز . ارجو من حضرتك توصف لي حاجة مناسبة و شكرا و انا عمري 38 سنة

المشاركة الأصلية كتبت بواسطة fdido26

استاذنك يا دكتور كنت عاوز لوسيون كويس لانبات الشعر لانه بدا يخف شوية من الجانبين في مقدمة الراس و سمعت ان الperforma كويس بس لما ابطله الشعر الجديد و القديم بيقع هل ده صح ؟ و برضه سمعت ان ال ecrinal ممتاز . ارجو من حضرتك توصف لي حاجة مناسبة و شكرا و انا عمري 38 سنة

ببساطة يا فندم ومن وصف حضرتك دة بدايه صلع وراثى ومعنى انه بدأ فى السن دة يبقى حالتك كويسة واستجابتها هتكون حلوة لانه غالبا بيبدأ فى اول العشرينات....اهم اهم حاجة فى العلاج انك لو بدأته لازم تستمر علية علطووووول اعتبر نفسك لا قدر الله لا قدر الله مريض ضغط مثلا ولازم تاخد الدوا يوميا ومتوقفوش طول حياتك لانى بعكس تأثير الهرمون الذكرى وبقوى الشعرة ولو بطلت ...الهرمون هيشتغل على الشعرة ويوقعها....
استخدم هير باك 5% حط 6 بخات صباحا ومساء ودلك لغاية ما يمتص...
وتاخد اقراص بروهير قرص بعد الافطار يوميا لمدة شهرين فقط...
النتيجة هتلاحظها بعد 4الى 6 شهور من العلاج وبعدها بنقلل جرعة البخاخة لجرعة اقل مستمرة..
تحياتى

المشاركة الأصلية كتبت بواسطة egyptiondr

ببساطة يا فندم ومن وصف حضرتك دة بدايه صلع وراثى ومعنى انه بدأ فى السن دة يبقى حالتك كويسة واستجابتها هتكون حلوة لانه غالبا بيبدأ فى اول العشرينات....اهم اهم حاجة فى العلاج انك لو بدأته لازم تستمر علية علطووووول اعتبر نفسك لا قدر الله لا قدر الله مريض ضغط مثلا ولازم تاخد الدوا يوميا ومتوقفوش طول حياتك لانى بعكس تأثير الهرمون الذكرى وبقوى الشعرة ولو بطلت ...الهرمون هيشتغل على الشعرة ويوقعها....
استخدم هير باك 5% حط 6 بخات صباحا ومساء ودلك لغاية ما يمتص...
وتاخد اقراص بروهير قرص بعد الافطار يوميا لمدة شهرين فقط...
النتيجة هتلاحظها بعد 4الى 6 شهور من العلاج وبعدها بنقلل جرعة البخاخة لجرعة اقل مستمرة..
تحياتى

شكرا لرد حضرتك بس هو وضع الهيرباك بيكون علي الشعر كله و لا اماكن الفراغات بس و الجرعة المستديمة تقريبا بتكون كام بخة و شكرا