وحشني يا قسمي العزيز

**AhMeD MeTwAlY** · 02-08-2013 03:18 AM

كل سنه وانتم طيبين
والله مش عارف اقول ايه بجد وحشاني المشاركه هنا في القسم الخاص باسكودا وبالاخص الغاليه الفليشيا بس هعمل ايه من بعد لما خلصت جامعه ودخلنا في دوامة الشغل والحياة باظت
في ناس كتير متعرفنيش لاني من زمان مدخلتش هنا من ايام الغاليه كنت بدخل بسيط جدا بس الفليشيا زي ما بيقولو ليها في الجبال علمات وليها عندي قيمه كبيره
بصراحه كانت شيلاني في الحلوه والمره عمري ما في يوم من الايام قولتها يله وقالتلي لا
هتقولي عليه مجنون لو قولتلكم ان انا كنت بكلمها وكنت بصبح عليها كمان وكنت لما اعدي من جمها لازم المسها بايدي من الفنوس للفنوس لدرجة اني كنت بخاف اخليها تبات جوه الجراش مش خوف من السرقه بس حب وتقدير
العربيه دي عملت بيها حجات كتير وعمرها ما زعلتني في يوم تخميس وشد وجري وغرز مكنتش بتقول لا واحلي ما كان فيها غرزتها يا سلام علي غرزتها ولما بتعملها بالطريقه الامريكي اموت انا
لما كنت احب اشد بيها كنت بقولها ياله يا كميله
لما بعتها كنت اركن عريبيتي الجديد مكنها كنت بحس بحاجه غلط
لدرجة اني كنت بقدر اصلحها وانا في البيت طبعا علي قدي شوية لان مكنش في عدة كافيه ومفيش حد يساعد
بصراحه العربيه دي تستحق الاحترام وبجد كل الي راكبها لازم يقدرها ويعرف يتعامل معاها ازاي عشان يحبها
طبعا منساش الاخوه الاعضاء الي كانو ديما معايا في القسم مش هينفع اقول علي اسم حد لان ممكن ميكونش حد منهم هنا او مقولش اسم حد
وجعت دماغكم شويه بس العربيه دي بجد محترمه جدا وحمالة بجد ببس انت افهم ليها
وعلي فكرا بسيطه جدا في الميكانيكا بس عايز واحد بيشتغل بدماغه مش بدراعه

اخوكم
MeTwAlY

**forti** · 02-08-2013 03:35 AM

نورتنا مرة تانية

**Moratoz** · 02-08-2013 10:00 AM

اهلا بيك وكل عام وانتم بخير

**EngAhmedSayed** · 02-08-2013 10:01 AM

هووووووووووووووو
دة اجمد متولى يغيب يغيب ويحن ويرجع تانى
بيرجع ليه بيعيد ذكرايته هنا فى القسم
ربنا يكرمك بواحده تسترجع بيها امجادك
من تانى حبيبى يا ابو احميد واحشنى
ربك المستعان

**mezo73** · 02-08-2013 04:01 PM

القسم دة عامل زي الزوجة الاولي الواحد يلف يلف ويرجع تاني
حمدا لله علي السلامة يا ابو حميد بس اوعي حد يفهم كلامي غلط والناس تبدي تفكر تتجوز تاني ولا حاجة:)
محمد حمزه