نفس قصه حضرتك واشتغلت فى القصر العينى ومرتب 160 جنيه وسبتها بعدها وحاليا قطاع خاص وطبعا قامت الثوره قووووم اييييه الناس كلها اتعينت هههههههههههههه بعد منا مشيت بشهرين الناس كلها اتعينت اللى كانت معايا نصيب
رقم العضوية : 82434
تاريخ التسجيل : 01Dec2010
المشاركات : 1,282
النوع : ذكر
الاقامة : cairo
السيارة: YA MOSAHEL
السيارة[2]: R-I-T-M-O
دراجة بخارية: no
الحالة :
السلام عليكم ورحمه الله وبركاته
من عشر شهور بالظبط كنت متقدم فى كذا شغل واتقبلت فى اتنين مع بعض منهم شركه قطاع خاص و المكان تانى سغل حكومى
المهم سمعت كلام والدى ودخلت الحكومه من باب الامان والجو دا
اللى انا فيه دلوقتى بقى مرمطه بمعنى الكلمه مرتبى فى الشغل 850ج طبعا ولا ليهم اى لازمه دا عليا كل شهر 1200ج جمعيات بس دا طبعا غير مصاريفى
واضطريت انى اشتغل بعد الظهر بخلص شغلى الساعه 4 واطلع على شغلى التانى انا شغال فى مجال المعمار وطبعا اروح كل يوم الساعه 1 و2 باليل وعامل زى الطور اللى مربوط فى ساقيه
دا من الناحيه الماديه وطبعا من الناحيه النفسيه زى الزفت شغل روتينى من الدرجه الاولى ومطحون فى الشغل كانك فى قطاع خاص واكتر كمان على 850 فى الشهر
والمفروض اننا بتثبت بعد 3 سنين ياعنى المفروض انى استنى ال فتره دى علشان اعرف اعمل اجازه بدون مرتب واشوف حاجه تانيه
المهم بقى الشركه اللى كنت قدمت فيها واتقبلت فى الاول انا على اتصال بحد فى الشركه وهما فتحوا قسم والراجل كلمنى وقالى عايزينك معانا وهبدا من 3000ج
فتحت الموضوع مع والدى اتخانق معايا بما فيه الكفايه
هو مين الصح بقى ومين الغلط
انا من وجهه نظرى انى عايز اطحن فى الشغل بس اتعلم حاجه ياعنى فى الحكومه انا شغال كاتب بعد التعليم دا كله ياعنى من الاخر ال3 سنين اللى هقضيهم مش هستفاد منهم لا خبره ولا فلوس
انما لما اطحن فى الشغل فى القطاع الخاص حتى لو سبت الشغل ممكن الاقى حاجه تانيه بخبرتى فى المجال دا وكمان المبلغ اللى هاخدته هقدر اكون بيه نفسى وفى نفس الوقت اقوى نفسى بكورسات لان ساعتها هيبقى عندى الوقت اللى اقدر اعمل فيه كده غير دلوقتى من شغلانه للتانيه وكمان الشركه اللى رايحلها ليها فروع برا مصر كتير ياعنى فى فرصه انى اسافر اى فرع برا مصر للشركه ودى بصراحه امنيه حياتى
مين بقى الصح ومين الغلط
اسف جدا على الاطاله
وشكرا.........
رقم العضوية : 129856
تاريخ التسجيل : 01Oct2012
المشاركات : 1,565
النوع : ذكر
الاقامة : giza
السيارة: mazda 121
السيارة[2]: 128
الحالة :
نفس قصه حضرتك واشتغلت فى القصر العينى ومرتب 160 جنيه وسبتها بعدها وحاليا قطاع خاص وطبعا قامت الثوره قووووم اييييه الناس كلها اتعينت هههههههههههههه بعد منا مشيت بشهرين الناس كلها اتعينت اللى كانت معايا نصيب
ahmed air سابقا
رقم العضوية : 60618
تاريخ التسجيل : 01Feb2010
المشاركات : 5,992
النوع : ذكر
الاقامة : Cairo
السيارة: Renault Duster E2
السيارة[2]: Nissan Sunny EX 2010 Auto
دراجة بخارية: No
الحالة :
لو حضرتك لسه في بدايه حياتك العمليه اهم هدف المفروض يبقي عندك انك تتعلم شغلك كويس و تبقي شاطر فيه و عندك خبره لان ده الأساس اللي هتعتمد عليه بعد كده وهيخلليك مطلوب في سوق العمل و بالنسبه للفلوس هي مهمه طبعا بس في المراحل الأولي بيبقي اكتساب الخبره اهم و لذلك انصحك بانك تختار الوظيفه اللي تساعدك علي اكتساب الخبره حتى و ان كانت بمرتب قليل في البدايه وطول ما انت مجتهد و بتحب شغلك ربنا هيكرمك بحاجات افضل و هتلاقي المرتب بيتحسن . من الوضع اللي حضرتك بتحكيه هتبقي محتاج حل وسط يرضي جميع الاطراف و ده يبقي بانك تخليك في شغل الحكومه الصبح انما هتحتاج تشتغل بعد الضهر في حاجه قطاع خاص تاخد منها خبره في المقام الاول و تحتها مليون خط و برضه فلوس و معلش هتتعب زياده بس لحد ما تتثبت في الحكومه و بعد كده تبقي تختار براحتك بعد ما هتكون جربت الشغلتين و كمان اتثبت في الحكومه و في الاول و الاخر انت بتبني مستقبلك فلا بأس ببعض المجهود الزياده في مقابل ذلك و اعتقد ان الحل ده هو الانسب لك لانك لو اعتمدت علي شغل الحكومه فقط مش هتاخد اي خبره و بعد كام سنه هتلاقي نفسك بقيت بعيد عن سوق العمل و معندكش اي خبره أما لو اخترت القطاع الخاص هتضيع منك مرتب مضمون و شويه امتيازات و كمان الحاله الاقتصاديه مش تمام اليومين دول فالقطاع الخاص مش مستقر ووارد انه يستغني عن العماله غصب عنه فترجع ساعتها تقول يا ريتني ما كنت سيبت الحكومه وده الحل اللي بيعمل زيه تقريبا دكاتره الكليات تلاقيه الصبح بيدرّس للطلبه علشان الناحيه النظريه و البرستيج و بعد الضهر في القطاع الخاص علشان الخبره العمليه و الفلوس طبعا قبل اتخاذ اي قرار عليك بالاستخاره و بالتوفيق لما فيه الخير
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
انا لو مكانك لا طبعاً هسمع كلام ابويا
واروح ابوس ايدو وش وظهر واحب على راسو كمان واقولوا سامحني يابه وانا كنت غلطان وهسمع كلامك وهفضل في وظيفة الحكومة الي لا بتودي ولا تجيب ... وبعد ما تخلي ابوك يرضى عليك. اطلع على الشغل تاني يوم قدم استقالتك في الحكومة ورح اشتغل في الخاص هو انتا هتعيش كام سنة وولا. العمر بعزئة ... صحتك هتروح مع الحكومة على الفاضي بس متقلوهوش بقه علشان ميزعلش .
بس لو مجال وظيفتك في الحكومة فيها رشاوي وكدة .... يعني حتى لو عشرة من هنا او عشرين جنية من هنا اهو بريزة على ريال على شيلن لا طبعاً ساعتها اقولك خليك في الحكومة اضمن واحسن بلاقطاع خاص بلا وجع قلب . ... وبالتوفيق انشاء الله
سقوط سماوات فوق رأس تجار روبابيكيا امين يارب
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
والدك بيفكر بفكر الستينات
اقلب ...... يا عم انت بتقول المرتب اكتر من 3 اضعاف ...... طيب يعني لو رفدوك - لا قدر الله - بعد سنة هتبقى كانك قبضت قبض 3 سنين حكومة و يبقى معاك سنتين تدور على شغل !
و بعدين خلي بالك لو طولت في الحكومة هتتحرق و مش هتنفع تروح القطاع الخاص تاني لان ساعتها مش هيبقى فيه اي نوع من انواع الخبرة خالص
القطاع الخاص سهل تكبر و تتنقل من شركة لشركة و مرتبك يزيد و ممكن يجيلك شغل برة كمان
توكل على الله و انقل ....... و حاول تفهم الحاج بهدوء ان الرزاق ربنا و موضوع الامان و الجو ده ما يأكلش عيش
رقم العضوية : 28976
تاريخ التسجيل : 01Jan2009
المشاركات : 1,317
النوع : ذكر
الاقامة : Alexandria, Gleem
السيارة: Renault Logan 1.6 F/O 2010
السيارة[2]: Mitsubishi Lancer 1.6 F/O 09
دراجة بخارية: No
الحالة :
بلا حكومة بلا وجع قلب
انفد بجلدك
[img3]http://cs631817.vk.me/v631817576/2772f/ip9hAX6B0b4.jpg[/img3]
رقم العضوية : 1432
تاريخ التسجيل : 14Jul2007
المشاركات : 1,444
النوع : ذكر
الاقامة : Egypt
السيارة: none
السيارة[2]: Renault Fuence
دراجة بخارية: none
الحالة :
عاوز أوجه نظرك لحاجه تانيه
إنت لو إشتغلت في الحكومه فتره كبيره عقليتك هاتبقى شبه اللي حواليك
يعني مثلاً: لما بتروح بنك حكومي بتلاقي عقلية الموظفين إنه عادي أهزر براحتي وأشرب وأكل وأنا قاعد على الشباك ومش مشكله الناس تستنى يا عم ما هم كده كده قاعدين وحتى لو حد إشتكي المدير نفسه مش هايعمله حاجه.
لكن لما بتروح بنك خاص بتلاقى العقليه بتاعت الموظف إن الناس ما ينفعش تستنى بدون سبب ولازم أشتغل بسرعه على قد ما أقدر عشان ما حدش يتضايق ويشتكيني
لو إنت إشتغلت فتره في الحكومه هاتطبع بطباعها ولو حبيت تنقل شركه قطاع خاص محترمه غالباً مش هاتعدي الإنترفيو أصلاً ولو قبلت فيها هاتتعب عشان هاتعمل حاجه إنت مش متعود عليها خالص
محمد سعيد
"No act of kindness is ever wasted"
رقم العضوية : 3125
تاريخ التسجيل : 11Nov2007
المشاركات : 626
النوع : ذكر
الاقامة : 6 اكتوبر
السيارة: الحمد لله على الاولى
السيارة[2]: نوبيرا 2
دراجة بخارية: لا
الحالة :
قطاع خاص طبعا
رقم العضوية : 60220
تاريخ التسجيل : 27Jan2010
المشاركات : 413
النوع : ذكر
الاقامة : مصر
السيارة: ----------------------
السيارة[2]: هوندا سيفيك 2010
دراجة بخارية: BAJAJ 220DTSI
الحالة :
القطاع الخاص افضل طبعا كفايه ان الشهر فيه يعادل ٣ شهور في الحكومي وغير كده بيبقى قدامك انك تكتسب فرص وخبره اكتر ترفع من مستوى معيشتك و بالتوفيق ان شاء الله
kingrace سابقا
رقم العضوية : 73956
تاريخ التسجيل : 27Jun2010
المشاركات : 2,407
النوع : ذكر
الاقامة : القاهرة
السيارة: ميتسوبيشى لانسر 2005 خليجى
السيارة[2]: دايو نوبيرا 2002 sx
دراجة بخارية: عجله فيرارى صينى :)
الحالة :
سيب الحكومة و اشتغل قطاع خاص
شغل الحكومة ده كان زمان ايام الستينات دلوقتى بقى شغل تعب على الارض
ده غير ان شغل الحكومة لا خبره ولا فلوس شغل القطاع الخاص الى قدامك خبرة و فلوس و ده المهم فى المعمار
المفضلات