سؤال فى عقد بيع شقة نهائى

**elrasy** · 04-08-2013 03:54 AM

سؤال فى عقد بيع شقة نهائى

بعد انتهاء اقساط الشقة بيتم عمل عقد بيع نهائى + توكيل بيع للنفس و الغير
وبعد كدة بكلف محامى بعمل تسجيل عقد فى الشهر العقارى (الورقة الخضرا)

هل فى حاجة تانية ؟؟

**svneleven** · 04-08-2013 09:53 AM

كده عداك العيب لكن تسجيل العقد بيتكلف مبلغ حوالي 4 تلاف جنيه و يمكن أكتر طبعا حسب أتعاب المحامي.

**wawamoha** · 04-08-2013 10:16 AM

فيه شركات بتكتب مخالصه كمان ..

**elrasy** · 04-08-2013 05:10 PM

المشاركة الأصلية كتبت بواسطة svneleven

كده عداك العيب لكن تسجيل العقد بيتكلف مبلغ حوالي 4 تلاف جنيه و يمكن أكتر طبعا حسب أتعاب المحامي.

مش عقد البيع النهائى بيكون هو الابتدائى بس بيذكر فية ان المبلغ تم سدادة بالكامل ؟

**svneleven** · 05-08-2013 04:48 AM

لأ بيكتب عقد تاني جديد لأن ممكن بعض البنود تتغير زي طبعا الأمور المادية بيتكتب أنك مش عليك أي مستحقات للشركة و كمان ممكن يشيل الشرط بتاع أنك مش ممكن تبيع غير لما تسد الأقساط و غرامات التأخير في الأقساط و بنود مت هذا القبيل و ممكن يكتب عليه عقد بيع نهائي. المهم يتكتب فيه أنك مش عليك مستحقات و أن حضرتك المالك الحالي للشقة و لك حرية التصرف فيها.

**eslamrace** · 05-08-2013 06:24 AM

طيب ولو تم البيع ومعايا عقد نهائى ومعموله صحه توقيع ومعيش توكيل بيع للنفس او للغير يبقى فيه مشكله ولازم يتعمل توكيل ولا عادى ؟؟؟؟

**hassanin_lada** · 05-08-2013 06:36 AM

اعمل صحة توقيع افضل

**svneleven** · 09-08-2013 10:13 AM

معظم الشركات مش بتعمل التوكيل ده اللي بيعملع الأهالي فقط و مش مهم يعني لأنك معاك عقد من المالك.

**mero100** · 09-08-2013 11:45 PM

لو حضرتك شاري شقه من مشروع كبير ... اقصد معروف و سمعه الشركه مضمونه و لها سابقه اعمال علي سبيل المثال : الرحاب - سما القاهره ...يبقي متشغلش بالك بموضوع التسجيل في الشهر العقاري ... لانه مصاريفه كتير و بياخد غلبه ووقت . لو حاجه غير كده يبقي امشي في اجراءات الشهر .

من ضمن اثباتات الملكيه : الحيازه الفعليه ..يعني انك قاعد في الشقه و مقيم بالفعل ... عداد الكهرباء بأسمك .

**elrasy** · 10-08-2013 03:19 AM

المحامي بيقولي اجراءات التسجيل بتاخد من سنة لسنة و نصف
اية رايكم الموضوع مهم ولا اطنش ؟

انا معايا توكيل بيع للنفس و الغير و اقرار باستلام كل جميع المستحقات و عقد بيع نهائي وتم تحويل عداد الكهربا بأسمي.