الموضوع: تجربه مع Gen 2

السلام عليكم و رحمة الله و بركاته
انا عاوز في الاول اعبر عن شكري لكل اعضاء المنتدي و خاصة الجزء الخاص ببروتون
و اقول اني اشتريت العربيه بعد اقتناع بها و بعد شكر اغلب الاعضاء فيها
العربيه معي من حوالي شهر و امبارح كملت بيها ال 1000 كم و لحد امبارح كان كل شيئ فيها تمام ملاحظاتي في مدة هذا الشهر كانت
1-كان في صوت تزيئ في العربيه من ورا ناحية اليمين لما بتكون في اهتزازات حاصله للعربيه يعني لو ماشي في طريق مكسر شوية بس دي مش مشكله كبيره ، الصوت ده راح دلوقتي لوحده.
2-السنتر هيس مره فتح بابي و مفتحش باقي الابواب بس دي حصلت مره واحده بس، ولما جربته تاني شغال و لسه شغال الحمد لله .
3-المشكله كانت في اللي حصل امبارح لاقيت في حته في التابلوه مطقطقه ناحية الهوايه اللي في النص، انا كنت حاطط في المكان ده فواحه ممكن يكون الزجاج بتاعها سخن من الشمس وعمل كده، بس كمان لاحظت ان في زرار من زراير الطابلوه حصله نفس الحكاية، الزرار اللي في القص اليمين، اعتقد انه مش مستخدم .

دي ال مشاكل البسيطه اللي قابلتني فيها

غير كده العربيه جميله جدا و بسم الله ماشاء الله روعه علي الطريق ، العربيه اللي معايا اوتوماتك ، سحبها كويس جدا مش بطال من وجهة نظري، علي الطريق ثابته(انا طبعا لسه موصلتش بيها للسرعات عاليه بس علي 100-110) و في الملفات جامده جداً
العربيه من 70كم\س و انت طالع بتبقي هاتطير مع كل دوسة بنزين
انا مونتها اول ما اخدتها من المعرض اخدت بالظبط 70 جنيه بنزين 92 اللي هوه حوالي 37 لتر وشوية عملت حوالي 400 كم و شوية بيتهيألي ده عشان لسه بتلين، انا سمعت ان بعد كده بيبقي الاستهلاك احسن شوية.

دا كل تجربتي معاها في مرحلة التليين و هابقي اكتبلكم تاني بعد صيانة الالف و المرحلة من 1000 لي 3000 ربنا يكرم
بس بجد يا جماعه العربيه دي عربيه محترمه قوي، و انا حاسس انها بقت منتشرة في مصر و الاحلي ان قليل قوي اللي بيبقو عارضينها للبيع، انا برضه هابقي اكتب شوية عن الماتور الكاامبرو لاني كنت قريت عنه و عندي شوية رسومات و حاجات هابقي احطها للمنتدي

حاجه اخيره يا تري تعتقدوا مشكلة التابلوه دي ممكن يظبطوها في عز و لا لأ ، اصلي مبحبش جميلة الجميلات حد يعبق عليها كلمة، اي حد بيقول عليها حاجه بحس انها مش فيها بروح ناطط علي طول و مصلحله المعلومه.
قبل مامشي شكر خاص لاستاذ توت