لانسر الشارك الجديدة و السوبارو امبريزا و الهوندا سيفيك و المازدا 3 و الكورولا الجديد

**the_wheel_man** · 02-09-2008 03:19 PM

السلام عليكم
يا جماعة انا كنت عاوز اشتري عربية ياباني بس محتار اقرر اية
قدامي لانسر الشارك الجديدة و السوبارو امبريزا و الهوندا سيفيك و المازدا 3 و الكورولا الجديدة
اختار اية فيهم محتار
مع ان احسنهم طبعا الهوندا بس دي بتنزل مصر اتوماتيك بس و انا مش بحبة عشان الشد و كدة
و الصراحة انا داخلة دماغي السوبارو بس مركبتهاش قبل كدة بس سمعت عليها كلام كويس في الشد و السرعة و مانيوال و دة الي انا عايزة
فا ياريت حد يديني النصيحة
و شكرا اني لقيت الفرصة اني اشارك في المنتدي العظيم دة

**أبو عبدالله** · 02-09-2008 03:41 PM

لو معجب بالسوبارو يبقى توكل على الله واستخيره
لأن العربيه تحفه بجد

وربنا يباركلك فيها ان شاء الله

**the_wheel_man** · 02-09-2008 03:56 PM

شكرا علي ردك الجميل يا ابو عبد الله و ربنا يخليلك عبد الله و ابقا سلملي علية

**mohamed ibiza** · 02-09-2008 06:05 PM

متنساش ان السوبارو قطع غيارها غالية جدااااااااااااااااااااااا ااااااااااااااااااااااااا ااااااا فانوس 2000 جنيه مساعد 1800 حاجات غريبة كده:d:d

**أبو عبدالله** · 02-09-2008 08:20 PM

لو بتحب التمييز ومش هتفرق معاك الأسعار دي يبقى مفيش مشاكل
ولكن في ملحوظة ان قطع غيار سوبارو معمره

**mohamed ibiza** · 03-09-2008 04:40 AM

علي فكرة لو هتجيب لانسر شارك هاتها مانيوال انا جربت الاوتو اللي بجنوط النهاردة الصبح سحبها تعباااااااااااااااااااااا اان جدا مكنتش متوقع انها تبقي كده و صاجها ضعيف جدااااااااااااااااااااااا ااااااااااااااااااااااااا ااااااااااااااااااااااااا اااااا

**Kamal-1** · 03-09-2008 04:45 AM

سيفيك بلا منازع بعدها السوبارو

الاتنين دول اشد من بعض بصرااااحة

وبعدين مين قاللك السيفيك وحشة في الشد ؟؟ هي لو انت هتبدأ من الثبات ممكن يكون فيه شوية تأخير بس لو انت ماشي هتشوف حاجه تانية خالص وعلى فكرة انا طلعت من لانسر الجديدة من 60 لحد 195 على طريق الواحات المعفن وتقريبا كان فرق عربية ونص وكمان جربت مع استرا الجديدة وبرضه طلعت منه

وجربت مع امبريزا الجديدة من الثبات من عند طلعة المنصورية في اول محور المنيب وبرضه كان اول عربيتة في اخر عربيتي وفرق حوالي نص متر كمان ( علشان الامبريزا بتطلع من 0 - 100 في حوالي 15 ثانية ) انما معايا انا بتطلع في 10 ثانية

نصيحة مني يالسيفيك يا الامبريزا غير كده ما تفكرش
وبعدين هو انت هتجيب عربية عشان تشد بيها ؟؟؟

**the_wheel_man** · 04-09-2008 06:15 PM

شكرا كتير يا جماعة علي ردودكو الحلوة دي و اهتمامكو بلموضوع شكرا بجد
و بنسة لقطع غيار السوبارو مش فارقة كتير انا مش هجيبها عشان اكسر فيها خليها علي الله مش مهم قطع غيارها غالية مدام بتديني الاداء و الاستايل الي انا عاوزة

و ردا علي المحترم صاحب السيفك
يا باشا السيفك جامدة جدا و دي حلم عمري و الله بس اما عرفت ان مفيش غير شكل واحد الي بينزل و هو اتوماتيك خنقتني و انا مش بحب الاتوماتيك دة خالص
يا باشا اي حد يعرف يسوقة بتاع (عيال)يعني متزعلش مني انا بهرج
بس دة الي خنقني فيها
بس السوبارو الناس كلها بتشكر فيها و مانيول يعني اشطة ولا انت مش معايا

و بقولكو اية الي يعرف يجبلي سعر الانسر ايفو في مصر بكام ياريت عشان نفسي اجبها قدام
و علي فكرة انا مرة شفتها في معرض الرواس بتاع توكيل ميتسوبيشي الي في الاسعاف و انت نازل من كوبري اكتوبر بس كان من حوالي سنة كدة كانت حمرا اخت الي في فيلم توكيو دريفت و بعدها بحوالي شهرين شفتها علي قصر النيل بتجري و اسمع احلي مزيكا
انا بعشقها العربية دي بجد

**blazer** · 05-09-2008 01:13 AM

العربيه دى اتشالت خلاص الايفو كانت اورانج مش احمر
استنى اصل انا كنت مصورها هجيبللك صورتها
انا ارشحللك السيفيك هى صحيح اوتوماتيك بس اتورها يخليها تتفوق على الامبريزا المانيوال
وفى رائى ان الامبريزا مش عربيه جرى يعنى متفكرش انك تشد مع حتى لانسر لانها Awd ودا بيأثر على ال Acceleration بتاعها
بس هى عربيه غايه فى الروعه فى الثبات

**ZIMOFOX** · 05-09-2008 02:56 PM

يا جماعة انا سمت من ناس ان السيفيك عربية واطية جدا على الارض وكل مطبات مصر
بتشتكى منها يا ترى الكلام دا صحيح؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟