تنتيش في اكسنت 1500 سي سي موديل 2000

**GERE528** · 07-08-2013 05:31 PM

المشكلة بدات مع ازمة البنزين اللي فاتت لما مشيت بالعربية علي اقل من تلت التانك وبعدين لقيت العربية بتنتش...التنتيش بيحصل في صورة اني بادوس الدواسة لغاية الاخر وكان مفيش حاجة ومرة واحدة تروح راجعة طبيعي تاني يعني سرعة المحرك بتبطا خالص وبعدين ترجع طبيعي ...وهكذا..علي كل الغيارات وخصوصا الاول والتاني..المهم انا قلت ده بنزين وسخ سادد الفلتر...مع العلم اني باحط 90 علي طول..المهم غيرت فلتر البنزين و غيرت طقم بوجيهات وسلوك بوجيهات والدنيا ظبتت...بعد شهر حصل نفس الكلام تاني بس المرة دي كان فيه نص التنك ....المهم بطلت العربية ورجعت دورتها تاني مشيت عادي تلات اربع ايام والنهارده حصل نفس الكلام تاني....انا دلوقت مغير بوجيهات وفلتر بنزين وغيرت برده فلتر هوا ...فايه راي حضراتكم مع العلم اني لما باسيب العربية وارجع ادورها بعدها بشوية بترجع طبيعية تاني...
اللي انا ملاحظه بصفة عامة ان تسارع العربية وسحبها قل عن الاول,,وشكرا

**walaaeldeen** · 07-08-2013 05:54 PM

السلام عليكم
فك التنك وفضيه من البنزين لأنه في الغالب عليه ماء ونظف التنك جيدا
والله المستعان

**GERE528** · 07-08-2013 08:28 PM

شكرا جزيلا علي الرد
بس هل لو التنك فيه ميه ممكن تخليها لمدة اكت من شهر مع العلم اني باستخدم العربية يوميا

**ahbelsha** · 15-08-2013 11:33 AM

من الممكن ان يكون السبب البخاخات (اجيكتور) تحتاج الى تنظيف

**hefzyhefzy** · 17-08-2013 05:16 PM

السبب هو طلمبة البنزين اللى موجودة فى التانك لو غيرتها المشكلة هتختفى

**GERE528** · 19-08-2013 11:01 PM

انا نظفت البخاخات مش اقل من تلات مرات وروحت كشفت علي العربية كمبيوتر لقيت الاير ماس مش متنشط والميكانيكي قام منشطه وقاللي امشي عليها بتاع 200 كيلو وبعدين نكشف عليها تاني ومستني اروح له بكره تاني باذن الله لما نشوف اخرتها..

**GERE528** · 21-08-2013 01:19 AM

المشكلة تكررت بعد تنشيط الاير ماس و رجعت كشفت عليها النهارده و المشكلة لسه زي ما هيه ........زالاير ماس شغال ومقري علي الكمبيوتر بدون اعطال بس اللي لاحظته ان فيه صوت جاي من جسم العربية حاسس بيه تحت الكرسي و مش جاي من الكبوت ده خلاني اشك ان المشكلة في طرمبة البنزين...روحت نظفتها و نظفت المصفة و للامانة العربية نطقت معايا بعدها....بس لسه هاجرب واشوف لو المشكلة هتتكرر

**GERE528** · 25-08-2013 12:55 AM

تم تغيير موتور الطرمبة واختفت المشكلة بس نصيحة طرمبة الاكسنت ال 1500 الجديدة الصفاية بتاعتها مربعة وساعات مبتعديش العوامة وبتعمل مشكلة في المؤشر بتاع البنزين علشان كده لازم تاخد بالك قبل ما تركبها